Html code here! Replace this with any non empty raw html code and that's it.

ھامىلىلىكنىڭ 12-ھەپتىسى – 12 ھەپتە ھامىلە (ھەقىقىي ھامىلەلىكنىڭ 10-ھەپتىسى)

ھامىلىلىكنىڭ 12-ھەپتىسى – 12 ھەپتە ھامىلە (ھەقىقىي ھامىلەلىكنىڭ 10-ھەپتىسى)

ھامىلىلىكنىڭ 12-ھەپتىسى

(ھەقىقىي ھامىلىنىڭ 10-ھەپتىسى)

تۆرەلمە بوۋاق 3 سانتىمېتىر ئەتراپىدا دىسەك بولىدۇ. باش قىسمى بەدەننىڭ باشقا يەرلىرىگە قارىغاندا داۋاملىق ئىتتىك تەرەققىي قىلىدۇ. باش قىسمى بەدەننىڭ باشقا ئورگانلىرىدىن چوڭ بولىدۇ. قوللىرىنى ئېگەلەيدۇ، پۇت قول بارماقلىرى بىربىرىدىن ئايرىلىدۇ. تېرىسى سۈزۈك ئىنچىكە بولغاچقا، بىخ شەكىلدىكى ئىچكى ئورگانلارنى بولۇپمۇ ئومۇرتقىنى كۆرگىلى بولىدۇ. ناھايىتى ئىنچىكە بولغان قۇلاق يوللىرى ئاستا ئاستا شەكىللىنىشكە باشلايدۇ.

بالىياتقۇ، ھامىلە بولمىغان ۋاقىتىڭىزغا قارىغاندا 2 ھەسسە چوڭىيىپ بولىدۇ. ئەگەر تۇنجى ھامىلە بولسىڭىز، بەلكىم قوسقىڭىز يەنىلا يوغىنىمىغاندەك ھىس قىلىشىڭىز مۇمكىن. ئەمما بەدىنىڭىز ئاز تولا ئىششىغاندەك ھىس قىلىسىز، بۇرۇن چىپ كىلىدىغان كىيىملىرىڭىزگە بەلكىم پاتمىغاندەك ھىس قىلىسىز. بۇ ھەپتىلەردىن باشلاپ ئاستا ئاستا ھامىلە كېيىملىرىنى تاللاشقا باشلىسىڭىز بولىدۇ. ئۆي تازىلىغاندا ئاسانلا ھارىدىغان بولۇپ قالىسىز.

بۇ ھەپتىلەردە بوۋاقنىڭ يۈرەك سوقۇشىنى دوپلېر ئۇلتائاۋازلىق تەكشۈرۈشلەردە ئاڭلىغىلى، ئۇلترائاۋازلىق تەكشۈرۈشتە بوۋاقنىڭ بار يوقلۇقى، بوۋاقنىڭ قان ئايلىنىشى بار يوقلۇقى بىلگىلى بولىدۇ.

قوشۇمچە بىلىم: ئالدىنقى 3 ئاي بوۋاقنىڭ بەدىنى، ھەرقايسى ئورگانلىرىنىڭ شەكىللىنىدىغان دەۋرى، شۇڭا بۇ 3 ئايدا غەيرىلىك بولۇش ئىھتىماللىقى كېيىنكى ئايلارغا قارىغاندا يۇقىر بولىدۇ.

بۇ ھەپتىلىك كىچىك تەۋسىيەلەر:

1. يېنىك ھامىلە چېنىقىش ھەرىكەتلىرىنى قىلىپ بەرسىڭىز سىزگە پايدىسى بولىدۇ.
2. تۆمۈر ماددىسىنى تولۇقلايدىغان يىمەكلىكلەرنى كۆپرەك ئىستىمال قىلىشقا ئەھمىيەت بېرىڭ. چۈنكى بوۋاق سىزدىن ۋىتامىن، قان تەلەپ قىلىدۇ. تۆمۈر بولمىسا بوۋاققا قان يىتىشمەي قالىدۇ. تۆمۈر ماددىسى كۆپ يېمەكلىكلەر ئورۇق گۆش، پالەك، پىدىگەن، قۇرۇق مىۋىلەر، تۇخۇم، پۇرچاق، نوقۇت، چىلان، سالمون بىلىقى… قاتارلىقلار.
3. مۇنتىزىم دوختۇر بۇيرۇغان، كۈندىلىك ئىستىمال قىلمىسا بولمايدىغان دورىلارنى ۋاقتىدا ئىشلىتىشكە ئەھمىيەت بېرىڭ.

بۇنىڭدىن سىرت ئالدىنقى ھەپتىلەردە قىلىنغان تەۋسىيەلەرنىمۇ كۆرۈپ بېقىشىڭىزنى ئۈمىد قىلىمىز.

سەمىمىي ئەسكەرتىش


  1. بىكەتتىكى مەزمونلار تورداشلارنىڭ پايدىلىنىشى، ساغلاملىققا بولغان تونۇشىنى ئاشۇرۇش ئۈچۈن تەمىنلەنگەن ئۇچۇرلاردۇر. ئەمما 100 دە 100 لىق دىئاگنوز ئاساسى بولالمايدۇ. چۈنكى بىر ئادەمنىڭ كېسەل ئالامىتى يەنە بىر ئادەمنىڭكىگە ئوخشىمايدۇ. شۇڭا بەدەندە كېسەللىك ئالامەتلىرى كۆرۈلگەندە چوقۇم، دوختۇر بىلەن يۈز تۇرانە مەسىلىھەت ئېلىشىڭىزنى، مۇنتىزىم دوختۇرخانىدا تەكشۈرتۈشىڭىزنى تەۋسىيە قىلىمىز.
  2. ياكى تور بېكىتىمىزدىكى مەزمونلارنى شەخسىي بېتىڭىزدە ئىشلەتمەكچى بولسىڭىز، دوختۇرلار تور بېكىتى ياكى dohturlar.com دىن ئېلىنغانلىقى توغرىسىدا مەنبەسىنى ئەسكەرتىپ قويۇشىڭىزنى چىن دىلىمىزدىن ئۈمىد قىلىمىز. ئۇيغۇر ئۇيغۇرنى قوللاپ، ئۇيغۇرنىڭ ئەمگەك مىۋىسىنى قوغدىشى، قىممىتىنى نامايەن قىلىشى كېرەك. بىكەتتىكى ماقالىلەر دوختۇرلىرىمىزنىڭ كىچە كىچە ئولتۇرۇپ، ئايرىم ۋاقىت چىقىرىپ يېزىلغان، قان تەرىگە كەلگەن ئەمگەك مىۋىسىدۇر . ئەگەر سودا ئىشلىرىغا ئىشلەتمەكچى بولسىڭىز، بېكىتىمىزنىڭ مەسئۇللىرى ياكى ئەسلى ئاپتور يازار بىلەن ئالاقىلىشىڭ.
  3. باشقا يەرلەردىن ئېلىنغان بەزى مەزمونلار، رەسىملەرنىڭ ئەسلى مەنبەسىنى ئەسكەرتىشكە تىرىشتۇق. باشقا يەردىن ئېلىنغان مەزمونلار پەقەت شۇ ئاپتور يازارنىڭ ئۆز كۆز قارىشىنى ئىپادىلەيدۇ، بېكىتىمىزنىڭ مەيدانىغا ۋەكىللىك قىلالمايدۇ. بۇنىڭدىن سىرت، ئەگەر ئەسلى ئاپتور ئۆزىنىڭ شەخسىي مەنپەئىتىگە دەخلى قىلىندى دەپ ئويلىسا، بىز بىلەن ئالاقىلاشسىڭىز، ئەڭ قىسقا ۋاقىت ئىچىدە بىكەتتىن ئۆچۈرۋەتسەك بولىدۇ.
نۇر دوختۇر Doctor Nurhttp://www.dohturlar.com
تەن ساقلىق، زور بايلىق. دوختۇرلۇق مېنىڭ كەسپىم، تور بەت لايىھەلەش مېنىڭ قىزىقىشىم، بۇ ئىككىسىنى بىرلەشتۈرۈپ خەلقىم ئۈچۈن بىراز ئىش قىلىپ بېرەلىسەملا مېنىڭ ئەڭ چوڭ خوشاللىقىم بولىدۇ!

مۇناسىۋەتلىك تېمىلار

قالدۇرۇلغان باھالار

سۆز قالدۇرۇش

Please enter your comment!
Please enter your name here

سوتسىيال تاراتقۇلىرىمىز

1,249FansLike
647FollowersFollow
1,610SubscribersSubscribe

يېڭى مەزمونلار

spot_img