دوختۇرلار تورى

تەن ساقلىق زور بايلىق

5-سوئال: مەن ئۆپكە تۇبىركۇليۇزى بولۇپ قالدىممۇ؟

 تورداشدىن سوئال 

5-سوئال: مەن ئۆپكە تۇبىركۇليۇزى بولۇپ قالدىممۇ؟
ئىسىم: تورداش نۇر

ئەسسالامۇ ئەلەيكۇم، بىر ھەپتىدىن بېرى زۇكامدىن ساقىيالمايۋاتىمەن، بۈگۈندىن باشلاپ بەلغەممۇ كەلدى، بەلغەمدە ئازراق قىزىللىقمۇ بار.

تۇرۇپلا گېلىم قىچىشىپ بىئارام بولىمەن، قايناق سۇ ياكى ئىللىق سۇ ئىچسەم ياخشىلىنىمەن. 6 يىل بۇرۇن ئۆپكە تۇبېركېليۇز بولۇپ ساقايغان، ھازىرمۇ شۇنىڭدىن گۇمان قىلىۋاتىمەن.

مەن چوقۇم دوختۇرخانىغا بېرىپ تەكشۈرتۈشۈم كېرەكمۇ؟ ئاڭلىسام تۈركىيەدە ئائىلە ھەكىمىدە تۇبېركېليۇزنىڭ دورىسىنى ھەقسىز بېرىدىكەن، تەكشۈرتمەيلا شۇ دورىنى ئېلىپ ئىچسەم بولامدۇ؟

بۇ خىل ئەھۋالغا ئۇزۇن مۇددەت نەم (يەنى زەي، قىش ۋاقتىدا تاملىرى تەرلەيدىغان) ئۆيدە تۇرۇشنىڭمۇ تەسىرى بارمۇ؟

 نۇرمەمەت دوختۇردىن جاۋاپ 

نۇر دوختۇر
نۇر دوختۇر

ياخشىمۇسىز. بەلكىم نورمال بىر زۇكام، ياكى ئۆپكىگە سوغۇق تەگكەنلىكمۇ بولۇشى مۇمكىن.

ئۆپكە تۇبىركۇليۇزىدا كۆپىنچە ئەھۋاللاردا كېچە قىززىش، بەدەن ئېغىرلىقى بىنورمال تۆۋەنلەش، توختىمىغان قىسقا قىسقا قۇرۇق ۋەيا بەلغەملىق يۆتەل قاتارلىق ئەھۋاللارمۇ كۆرۈلۈش ئىھتىماللىقى بولىدۇ.

بولسا ئائىلە ھەكىمىگە كۆرۈنۈپ باقسىڭىزمۇ سىزدىن تەپسىلىي كېسەل ئەھۋالىنى سوراپ، بەدەن تەكشۈرۈش ۋە باشقا كېرەكلىك تەكشۈرۈشلەرنى قىلىپ تۇرۇپ ياردەم قىلالايدۇ.

ئەگەر ئۆپكە تۇبىركۇليۇزدىن شۈبھىلەنسىڭىز، ئەگەر تۈركىيەدە بولسىڭىز سىز تۇرۇشلۇق رايوندىكى تۇبىركۇليۇز يۇقۇملۇق كېسەللىكلەردىن ساقلىنىش مەركىزى verem savaş dispanseri گە بارسىڭىز، شۇ يەردە تۇبىركۇليۇزغا ئالاقىدار كېرەكلىك تەكشۈرۈشلەرنى قىلىدۇ ۋە دىئاگنوز ئېنىق بولغاندا شۇ يەردىن ھەقسىز دورا بېرىدۇ.

ئائىلە ھەكىمىمۇ ياردەم قىلالايدۇ، ئەمما دورىنى مۇشۇ ۋەرەم ساۋاش دىسپانسەر دىگەن ئورۇن بېرىدۇ.

مەزكۈر مەزمون قوشۇلغان ۋاقىت: 2022-03-13

مەزكۈر مەزمون ئاخىرقى قېتىم يېڭىلانغان ۋاقىت: 2022-03-20 / 02:12:33

سەمىمىي ئەسكەرتىش
بىكەتتىكى مەزمۇنلار تورداشلارنىڭ پايدىلىنىشى، ساغلاملىققا بولغان تونۇشىنى ئاشۇرۇش ئۈچۈن تەمىنلەنگەن ئۇچۇرلاردۇر. ئەمما دىئاگنوز ئاساسى بولالمايدۇ. ئوخشىمىغان بىماردا ئوخشىمىغان ئالامەتلەر كۆرۈلىدۇ ۋە دىئاگنوزى ئوخشىمايدۇ. شۇڭا بەدەندە كېسەللىك ئالامەتلىرى كۆرۈلگەندە چوقۇم مۇنتىزىم دوختۇر بىلەن يۈز تۇرانە مەسىلىھەت ئېلىشىڭىزنى، دوختۇرخانىدا تەكشۈرتۈشىڭىزنى تەۋسىيە قىلىمىز.

باشقا يەرلەردىن ئېلىنغان بەزى مەزمۇنلار، رەسىملەرنىڭ ئەسلى مەنبەسىنى ئەسكەرتىشكە تىرىشتۇق. باشقا يەردىن ئېلىنغان مەزمۇنلار پەقەت شۇ ئاپتور يازارنىڭ ئۆز كۆز قارىشىنى ئىپادىلەيدۇ، بېكىتىمىزنىڭ مەيدانىغا ۋەكىللىك قىلالمايدۇ. بۇنىڭدىن سىرت، ئەگەر ئەسەرنىڭ ئەسلى ئاپتورى ماقالىنىڭ تور بېكىتىمىزدە ئېلان قىلىنغانلىقى ئۆزىنىڭ شەخسىي مەنپەئىتىگە دەخلى قىلىندى دەپ ئويلىسا، بىز بىلەن ئالاقىلاشسىڭىز، ئەڭ قىسقا ۋاقىت ئىچىدە بىكەتتىن ئۆچۈرۋەتسەك بولىدۇ.

تور بېكىتىمىزدىكى مەزمۇنلارنى شەخسىي بېتىڭىزدە ئىشلەتمەكچى بولسىڭىز، دوختۇرلار تور بېكىتى ياكى dohturlar.com دىن ئېلىنغانلىقىنى ۋەيا بىز ئەسكەرتكەن مەزمۇننىڭ ئەسلى مەنبەسىنى ئەسكەرتىپ قويۇشىڭىزنى چىن دىلىمىزدىن ئۈمىد قىلىمىز. ئەمگەك مېۋىسىگە ھۆرمەت قىلىڭ.

نۇر دوختۇر Doctor Nur
نۇر دوختۇر Doctor Nurhttp://dohturlar.com
تەن ساقلىق، زور بايلىق. دوختۇرلۇق مېنىڭ كەسپىم، تور بەت لايىھەلەش مېنىڭ قىزىقىشىم، بۇ ئىككىسىنى بىرلەشتۈرۈپ خەلقىم ئۈچۈن بىراز ئىش قىلىپ بېرەلىسەملا مېنىڭ ئەڭ چوڭ خوشاللىقىم بولىدۇ!

مۇناسىۋەتلىك تېمىلار

قالدۇرۇلغان باھالار

سۆز قالدۇرۇش

Please enter your comment!
Please enter your name here

سوتسىيال تاراتقۇلىرىمىز

1,598FansLike
697FollowersFollow
1,850SubscribersSubscribe

يېڭى مەزمونلار

مەخسۇس سەھىپىلەر