ئادەم بەدىنى لېمفا سىستېمىسى جايلىشىش يەرلىرى رەسىملىك كۆرۈنۈشى
لېمفا سىستېمىسى
лемфа системиси
淋巴系统
Lymphatic system
Lenfatik sistem
لېمفا سىستېمىسى كۆپلىگەن كىشىلەرگە ئانچە تونۇش بولمىغان، ئەمما ئىنتايىن مۇھىم بولغان مۇداپىئە سىستېمىسى، يەنى بەدىنىمىزنىڭ كېسەللىكلەرگە قارشىلىق كۆرسىتىدىغان ئىممۇنىتېت سىستېمىسىنىڭ ئاساسلىق قىسمىنى تەركىپ تاپىدۇ. لېمفا سىستېمىسى سىرتقى دۇنيادىن بەدىنىمىزگە كىرگەن زىيانلىق مىكروئورگانىزمانى تونۇش ۋە يوقىتىش رولىغا ئىگە.
لېمفا نەيچىسى، لېمفا توقۇلمىلىرى، لېمفا ئورگانلىرى (تۆش، بادامسىمان بەز، لېمفا تۈگۈنلىرى، تال) دىن تەشكىل تاپىدۇ. بەدەندە 350-500 گىچە لېمفا تۈگۈنى (بەز) بارلىقىنى بىلەمسىز؟
لېمفا سىستېمىسىدىكى لېمفا سۇيۇقلۇق ( lymph fluid 淋巴液 lenf sıvı ) نىڭ شەكىللىنىشى ئاساسلىقى قىل قان تومۇرلاردىكى سۇيۇقلۇق ئوزۇقلۇق ماددىلار بەدەن ئورگان توقۇلمىلىرىغا بارغاندا، ماددا ئالمىشىپ بولغاندىن كېيىن كۆپ قىسمى ۋىنا قىلقان تومۇرغا قايتىپ كىرىدۇ، ئاز كىچىك قىسىمدىكى سۇيۇقلۇق ۋە بەزى ماددىلار قىل لېمفا نەيچىسىگە سىڭىپ كىرىدۇ، ۋە بۇ ئارقىلىق لېمفا سۇيۇقلۇقى شەكىللىنىدۇ. بۇنىڭدىن سىرت يەنە لېمفا ئورگانلىرى لېمفا ھۈجەيرىلىرىنى ئىشلەپ چىقىرىدۇ، لېمفا سۇيۇقلۇقىنى سۈزىدۇ، بەدەن ئىممۇنىتىت نورمال ئىشلىشىدە رول ئوينايدۇ.
- توقۇلمىلاردىكى قىسمەن سۇ، ئاقسىلنى سۈمۈرۈپ، قان تومۇرغا قايتىدىن قويۇپ بېرىش ئارقىلىق قاندىكى ئاقسىل، سۇ قۇيۇقلۇق تەڭپۇڭلۇقىنى ساقلاش.
- ھەزىم قىلغان مايلارنى قانغا يەتكۈزۈش.
- بەدەنگە ھۇجۇم قىلىپ كىرگەن مىكروئورگانىزىملارنى تونۇش.
- بەدەن ئىممۇنىتىت قوغدىنىش سىستېمىسىگە قاتنىشىپ، سىرتقى دۇنيادىكى مىكروئورگانىزىملاردىن يۇقۇملىنىشتىن ساقلىنىش.
- بەدەنگە كېرەكلىك بولغان ئانتىبادى ئىشلەپ چىقىرىش ۋەيا ئانتىگېن لەرنى يۈتۈۋېتىش ۋەيا ئۆلتۈرۈش.
- ئىلگىرى بەدەنگە ھۇجۇم قىلىپ كىرگەن مىكروئورگانىزىملارنى تونۇش، بۇ ئارقىلىق كېيىنكى قېتىملىق ئوخشاش ھۇجۇمدا ئىتتىك ھەم كۆپ مىقتاردا ئىممۇنىتىت پائالىيىتىنى جانلاندۇرۇش.
