دوختۇرلار تورى

تەن ساقلىق زور بايلىق

ئانا سۈتى يېڭى تۇغۇلغان بوۋاقلارنىڭ ئوزۇقلۇق ئىھتىياجىنى قانچىلىك قامدىيالايدۇ؟

ئانا سۈتى يېڭى تۇغۇلغان بوۋاقلارغا نىسبەتەن ئەڭ ياخشى، ئوزۇقلۇق ئەڭ مول، ئەڭ بىخەتەر، ئەڭ ئىشەنچلىك ئوزۇقلۇق مەنبەسى ھىسابلىنىدۇ.

ئەمىسە، ئانا سۈتى يېڭى تۇغۇلغان بوۋاقلارنىڭ ئوزۇقلىنىشىغا يىتەمدۇ؟ ئانا سۈتى بوۋاقلارنىڭ ئوزۇقلۇق ئىھتىياجىدىن قانچىلىك دەرىجىسىنى قامدىيالايدۇ؟ يېڭى تۇغۇلغان بوۋاقلار پەقەت ئانا سۈتى ئىچسە يىتەمدۇ يەتمەمدۇ؟

ئۇزۇن يىللىق تەتقىقاتلارغا ئاساسلانغاندا، ئانا سۈتى بوۋاقلارنىڭ ئوزۇقلۇق ئىھتىياجىنى قاندۇرۇش قاندۇرالماسلىقى تۇغۇلۇش ئاي سانى ۋە يېشىغا قاراپ ئوخشىماسلىق كۆرسىتىدىكەن.

مەزكۈر ماقالىدە، سىزگە 0-6 ئايلىق بوۋاقلار، 6-12 ئايلىق بوۋاقلار، 12-24 ئايلىق بوۋاقلارنىڭ ئوزۇقلۇق ئىھتىياجىنى ئانا سۈتى قانچىلىك دەرىجىدە قامدىيالايدىغانلىقىنى تونۇشتۇرۇپ ئۆتىمىز.

يېڭى تۇغۇلغان 0 ياشتىن 6 ئايلىققىچە بولغان بوۋاقلارنىڭ ئوزۇقلۇق ئىھتىياجىدىن 100% دە 100% چىقالايدۇ. بۇ دىمەك، بۇ دەۋىردىكى بوۋاقلارغا باشقا قوشۇمچە يىمەكلىك-ئىچمەكلىك بەرمەستىن، پەقەت كۆپلەپ ئانا سۈتى ئەمدۈرۈشنى تەۋسىيە قىلىمىز. ئىچىملىك ئاساسلىقى سۇنى كۆرسىتىدۇ. يەنى سۇ بېرىشمۇ تەۋسىيە قىلىنمايدۇ. ئانا سۈتى يېتەرلىك كەلسىلا، بوۋاققا شۇنىڭ ئىچىدىكى سۇ مىقتارى يېتىدۇ.

6 ئايلىقتىن 12ئايلىققىچە بولغان بوۋاقلارنىڭ ئوزۇقلۇق ئىھتىياجىنىڭ 50% نى ئانا سۈتى ئارقىلىق قاندۇرغىلى بولىدۇ. ئېشىپ قالغان 50% نى قوشۇمچە ئوزۇقلۇق قوشۇش كېرەك. يەنى 6 ئايلىق بولغاندا، قوشۇمچە يىمەكلىك ئىچمەكلىك قوشۇش ۋاقتى كەلدى. ئەمما ئامال بار ئانا سۈتىنى بېرىشتىن توختىتىپ قويماسلىق لازىم.

12 ئايلىقتىن تارتىپ 24 ئايلىققىچە يەنى بىر ياشتىن ئىككى ياشقىچە بولغان بوۋاقلارنىڭ ئوزۇقلۇق ئىھتىياجىنىڭ 30% نى ئانا سۈتى قاندۇرالايدۇ. گەرچە ئانا سۈتى بوۋاقنىڭ ئوزۇقلۇق ئىھتىياجىنى نىسبەتەن ئاز قاندۇرسىمۇ، ئەمما ئانا سۈتىنى بېرىشتىن توختىتىپ قويماسلىق كېرەك.

شۇنى ئۇنتۇپ قالماسلىق كېرەككى، بوۋاقلارنىڭ كەلگۈسىدە سالامەت چوڭ بولۇشى ئۈچۈن ئەڭ بىباھا گۆھەر ئوزۇقلۇق مەنبەسى ھىساپلىنىدۇ. شۇڭا ھازىرقى زامان مېدىتسىناسىدا، بوۋاق بالىلار مەيلى قانچە ياشقىچە بولسۇن، ئانا سۈتىنى قانچە ئۇزۇن ئىچەلىسە شۇنچە ياخشى دەپ تەۋسىيە قىلماقتا.

مەزكۈر مەزمون قوشۇلغان ۋاقىت: 2022-03-06

مەزكۈر مەزمون ئاخىرقى قېتىم يېڭىلانغان ۋاقىت: 2022-03-06 / 05:34:10

سەمىمىي ئەسكەرتىش
بىكەتتىكى مەزمۇنلار تورداشلارنىڭ پايدىلىنىشى، ساغلاملىققا بولغان تونۇشىنى ئاشۇرۇش ئۈچۈن تەمىنلەنگەن ئۇچۇرلاردۇر. ئەمما دىئاگنوز ئاساسى بولالمايدۇ. ئوخشىمىغان بىماردا ئوخشىمىغان ئالامەتلەر كۆرۈلىدۇ ۋە دىئاگنوزى ئوخشىمايدۇ. شۇڭا بەدەندە كېسەللىك ئالامەتلىرى كۆرۈلگەندە چوقۇم مۇنتىزىم دوختۇر بىلەن يۈز تۇرانە مەسىلىھەت ئېلىشىڭىزنى، دوختۇرخانىدا تەكشۈرتۈشىڭىزنى تەۋسىيە قىلىمىز.

باشقا يەرلەردىن ئېلىنغان بەزى مەزمۇنلار، رەسىملەرنىڭ ئەسلى مەنبەسىنى ئەسكەرتىشكە تىرىشتۇق. باشقا يەردىن ئېلىنغان مەزمۇنلار پەقەت شۇ ئاپتور يازارنىڭ ئۆز كۆز قارىشىنى ئىپادىلەيدۇ، بېكىتىمىزنىڭ مەيدانىغا ۋەكىللىك قىلالمايدۇ. بۇنىڭدىن سىرت، ئەگەر ئەسەرنىڭ ئەسلى ئاپتورى ماقالىنىڭ تور بېكىتىمىزدە ئېلان قىلىنغانلىقى ئۆزىنىڭ شەخسىي مەنپەئىتىگە دەخلى قىلىندى دەپ ئويلىسا، بىز بىلەن ئالاقىلاشسىڭىز، ئەڭ قىسقا ۋاقىت ئىچىدە بىكەتتىن ئۆچۈرۋەتسەك بولىدۇ.

تور بېكىتىمىزدىكى مەزمۇنلارنى شەخسىي بېتىڭىزدە ئىشلەتمەكچى بولسىڭىز، دوختۇرلار تور بېكىتى ياكى dohturlar.com دىن ئېلىنغانلىقىنى ۋەيا بىز ئەسكەرتكەن مەزمۇننىڭ ئەسلى مەنبەسىنى ئەسكەرتىپ قويۇشىڭىزنى چىن دىلىمىزدىن ئۈمىد قىلىمىز. ئەمگەك مېۋىسىگە ھۆرمەت قىلىڭ.

نۇر دوختۇر Doctor Nur
نۇر دوختۇر Doctor Nurhttp://dohturlar.com
تەن ساقلىق، زور بايلىق. دوختۇرلۇق مېنىڭ كەسپىم، تور بەت لايىھەلەش مېنىڭ قىزىقىشىم، بۇ ئىككىسىنى بىرلەشتۈرۈپ خەلقىم ئۈچۈن بىراز ئىش قىلىپ بېرەلىسەملا مېنىڭ ئەڭ چوڭ خوشاللىقىم بولىدۇ!

مۇناسىۋەتلىك تېمىلار

قالدۇرۇلغان باھالار

سۆز قالدۇرۇش

Please enter your comment!
Please enter your name here

سوتسىيال تاراتقۇلىرىمىز

1,600FansLike
697FollowersFollow
1,850SubscribersSubscribe

يېڭى مەزمونلار

مەخسۇس سەھىپىلەر