دوختۇرلار تورى

تەن ساقلىق زور بايلىق

ﺋﺎﻳﺎﻟﻼﺭ ﯞﻩ ﻳﺎﺵ

مەلۇم بىر ژورنالدا ئاياللارنىڭ يېشىنى مۇنداق تەسۋىرلەپتۇ :

15-20 ياشقىچە بولغان ئاياللار ئافرىقىغا ئوخشايدۇ . ئۇلار ئېچىلمىغان بوز يەر ، خۇددى سىرلىق تىلسىملار كۆمۇلگەندەك .

20-30 ياشتىكى ئاياللار ئامېركىغا ئوخشايدۇ .ئۇلاردا يېتىلگەن ،پىشقان ئاياللارغا خاس سېھرىي كۇچ بار .

30-35 ياشتىكى ئاياللار ھىندىستان بىلەن ياپونىيەگە ئوخشايدۇ . ئۇلار پىشقان ھەم چېنىققان بولۇپ تولىمۇ جەزبىدار .

35-40 ياشتىكى ئاياللار خۇددى فىرانسىيەگە ئوخشاش بولۇپ ،ئۇرۇش مالىمانچىلىقدا يېرىمىدىن ئايرىلىپ ھالىدىن كەتكەن بولسىمۇ ،ئەمما يەنىلا ناھايىتى جەلبكار ھەم ھېسسىياتچان .

40-50 ياشتىكى ئاياللار گېرمانىيىگە ئوخشايدۇ .گەرچە ئۇلار ئۇرۇس ھوقۇقىدىن مەھرۇم قالغان بولسىمۇ ئۆزىگە بولغان ئۈمىد ، ئىشەنچىنى يوقاتمىغان ھالدا قەددىنى تىك تۇتۇپ ئالدىغا قاراپ ماڭىدۇ .

50-60 ياشتىكى ئاياللار روسىيە زىمىنىغا ئوخشايدۇ .گەرچە ئۇ يەرنىڭ قوينى كەڭ بولسىمۇ كىشىلەر ئۇ يەرگە بېرىشنى ئانچە خالاپ كەتمەيدۇ .

60-70 ياشتىكى ئاياللار ئەنگىلىيىگە ئوخشايدۇ . ناھايىتى شانلىق تارىخى بولسىمۇ ئىستىقبالى چەكلىك .

70 ياشتىن كىيىنىكى ئاياللار سىبىرىيىگە ئوخشايدۇ . ئۇ يەرگە ھەممەيلەنگە تونۇشلۇق بولسىمۇ ، ئۇ يەرگە بىرىشىنى ھىچىكىم خالاپ كەتمەيدۇ .

يۇقۇرىقى ئوخشىتىشلار ماڭا بەكلا قىزىقارلىق بىلىنگەچكە ئەسنەپ ئولتۇرغان ئېرىمگە ئوقۇپ بەردىم ھەم چاقچاق قىلىپ :

_ سۆيۈملۇكۇم ،مەن ھازىر فىرانسىيە بىلەن گېرمانىيە ئوتتۇرىسىدا تولىمۇ بىچارە ھالغا چۈشۈپ قاپتىمەن . دەپ بېقىگە ئەھۋالىم شۇنچە ئېچىنىشلىقمىدۇ ؟_ دېدىم . ئېرىم :

_ بىزدەك ساياھەتكە بېرىشقا مادارى يەتمەيدىغان قۇدۇقنىڭ ئىچىدىكى پاقىلارغا گېرمانىيە بىلەن فىرانسىيە كۈلۈپ قارسا تۇرسا بۇنىڭدىنمۇ ئارتۇق خوشاللىق بارمۇ ؟_ دەپ جاۋاب بەردى .كۈلۈۋېرىپ كۆزلىرىمدىن ياش چىقىپ كەتتى .

ئويلاپ باقسام ياشنىڭ چوڭ – كىچىك بولۇشىنىڭ كارى چاغلىق ئىكەن . پەقەت ئۆز يېشىمىزغا مەردانە يۈزلىنەلىسەك ، توغرا مۇئامىلە قىلالىساق ، ھەر قاچان چېھرىمىزدىن كۈلكە كەتمەيدىكەن .

مەن ياشلىق بىلەن گۈزەللىكنى ئوخشاش دەپ قارىمايمەن ،گەپ ياشلىق بىلەن گۈزەللىكنى ئوخشاش دەپ قارىمايمەن ،گەپ ياشلىق بىلەن گۈزەللىكنى قايسى نۇقتىدىن چۈشىنىشتە ئىكەن .

20 ياشلىق قىزلارنىڭ گۈزەللىكى ئۇلارنىڭ ئۇرغۇپ تۇرغان ياشلىقىدا .30 ياشلىق ئاياللارنىڭ گۈزەللىكى ئاياللىق لاتاپەتكە تويۇنغانلىقىدا .40 ياشلىق ئاياللارنىڭ گۈزەللىكى ئۇلارنىڭ سەزگۇرلىكى بىلەن باشقىلارنى چۈشۈنىشكە ماھىرلىقىدا .60-70-80 ياشلىق قەدىردانلىرىمىزنىڭ گۈزەللىكى كۆمۇشتەك پارقىراق چاچلىرى ، مېۋىلىك دەرەخلەردەك كىچىك پېئىللىق بىلەن ئېگىلگەن بەللىرى ھەم يۈزلىرىدىكى ھايات كەچمىشلىرىنىڭ گۇۋاھى بولغان يېقىملىق قورۇقلىرىدا . مەن بۇلارنىڭ قىممەتلىك ھاياتنىڭ ئۇلارغا بېغىشلىغان ئەڭ ئېسىل سوۋغىلىرى . ئۇلار ھايات قايناملىرىدا پىشىپ ،تاۋلىنىپ ، تېخىمۇ گۈزەل ، تېخىمۇ سۆيۈملۈك تۈسكە كىرگەن .

مانا بۇ خىل ھەقىقىي مەنىسىنى تاپقان گۇزەللىككە شۇ ياشقا بارماي تۇرۇپ ئېرىشەلمەيمىز .ئەگەر بىز باشتىن تارتىپلا ئۆزىمىزنى مەنىۋى جەھەتتىن تولۇقلاشقا تىرىشساق يېشىمىزنىڭ مەيلى روسىيە ، مەيلى سىبىرىيىگە ئوخشاپ قېلىشىدىن ئەنسىرەشنىڭ ، ئازابلىنىشنىڭ ھاجىتى يوق . ئۆزىمىزگە ئىشەنسەك ، ئۆزىمىزنى تولۇق مۇھەببەت بىلەن سۆيسەك ھەم قەدىرلىسەك ، بىز مەڭگۇلۇك گۇزەللىككە ئېرىشەلەيمىز .

“شىنجاڭ ئاياللىرى “ژورنىلىدىن .

مەزكۈر مەزمون قوشۇلغان ۋاقىت: 2020-12-02

مەزكۈر مەزمون ئاخىرقى قېتىم يېڭىلانغان ۋاقىت: 2020-11-30 / 07:31:39

سەمىمىي ئەسكەرتىش
بىكەتتىكى مەزمۇنلار تورداشلارنىڭ پايدىلىنىشى، ساغلاملىققا بولغان تونۇشىنى ئاشۇرۇش ئۈچۈن تەمىنلەنگەن ئۇچۇرلاردۇر. ئەمما دىئاگنوز ئاساسى بولالمايدۇ. ئوخشىمىغان بىماردا ئوخشىمىغان ئالامەتلەر كۆرۈلىدۇ ۋە دىئاگنوزى ئوخشىمايدۇ. شۇڭا بەدەندە كېسەللىك ئالامەتلىرى كۆرۈلگەندە چوقۇم مۇنتىزىم دوختۇر بىلەن يۈز تۇرانە مەسىلىھەت ئېلىشىڭىزنى، دوختۇرخانىدا تەكشۈرتۈشىڭىزنى تەۋسىيە قىلىمىز.

باشقا يەرلەردىن ئېلىنغان بەزى مەزمۇنلار، رەسىملەرنىڭ ئەسلى مەنبەسىنى ئەسكەرتىشكە تىرىشتۇق. باشقا يەردىن ئېلىنغان مەزمۇنلار پەقەت شۇ ئاپتور يازارنىڭ ئۆز كۆز قارىشىنى ئىپادىلەيدۇ، بېكىتىمىزنىڭ مەيدانىغا ۋەكىللىك قىلالمايدۇ. بۇنىڭدىن سىرت، ئەگەر ئەسەرنىڭ ئەسلى ئاپتورى ماقالىنىڭ تور بېكىتىمىزدە ئېلان قىلىنغانلىقى ئۆزىنىڭ شەخسىي مەنپەئىتىگە دەخلى قىلىندى دەپ ئويلىسا، بىز بىلەن ئالاقىلاشسىڭىز، ئەڭ قىسقا ۋاقىت ئىچىدە بىكەتتىن ئۆچۈرۋەتسەك بولىدۇ.

تور بېكىتىمىزدىكى مەزمۇنلارنى شەخسىي بېتىڭىزدە ئىشلەتمەكچى بولسىڭىز، دوختۇرلار تور بېكىتى ياكى dohturlar.com دىن ئېلىنغانلىقىنى ۋەيا بىز ئەسكەرتكەن مەزمۇننىڭ ئەسلى مەنبەسىنى ئەسكەرتىپ قويۇشىڭىزنى چىن دىلىمىزدىن ئۈمىد قىلىمىز. ئەمگەك مېۋىسىگە ھۆرمەت قىلىڭ.

نۇر دوختۇر Doctor Nur
نۇر دوختۇر Doctor Nurhttp://dohturlar.com
تەن ساقلىق، زور بايلىق. دوختۇرلۇق مېنىڭ كەسپىم، تور بەت لايىھەلەش مېنىڭ قىزىقىشىم، بۇ ئىككىسىنى بىرلەشتۈرۈپ خەلقىم ئۈچۈن بىراز ئىش قىلىپ بېرەلىسەملا مېنىڭ ئەڭ چوڭ خوشاللىقىم بولىدۇ!

مۇناسىۋەتلىك تېمىلار

قالدۇرۇلغان باھالار

سۆز قالدۇرۇش

Please enter your comment!
Please enter your name here

سوتسىيال تاراتقۇلىرىمىز

1,659FansLike
697FollowersFollow
1,860SubscribersSubscribe

يېڭى مەزمونلار

مەخسۇس سەھىپىلەر