دوختۇرلار تورى

تەن ساقلىق زور بايلىق

بالا ھەر كۈنى ئېھتىياجلىق بولىدىغان ماي

ماي بالىلار ئېنېرگىيەسىنىڭ مۇھىم مەنبەسى . ئادەم بەدىنىدىكى ماينى يېمەكلىكلەر تەمىنلەيدۇ . كىشلەر ئادەتتە يەۋاتقان سېمىز گۆش ۋە ئۆسۈملۈك يېغىنىڭ ئاساسلىق تەركىبى مايدۇر . بىر گىرام ماي توققۇز كالورىيە ئىسسىقلىق چىقىرالايدۇ . بىر گىرام ئاقسىل ياكى قەنت پەقەت تۆت كالورىيە ئىسسىقلىق ئاجرىتىپ چىقىرىدۇ .

ئادەم بەدىندىكى مايلار ئاساسەن تېرە ئاستىدا ، قورساق قىسمىدا ۋە ئىچكى ئەزالارنىڭ ئەتراپىدا ساقلىنىپ ، ئىچكى ئەزالارنى زىيانغا ئۇچراشتىن ساقلايدۇ . ماي يەنە بەدەن سوۋۇشنىڭ ئالدىنى ئېلىپ ، بەدەن تېمېپراتۇرىسى تەڭشەيدۇ ۋە بەدەننى ئېنېرگىيە بىلەن تەمىنلەيدۇ . ئادەم بەدىنىگە ئېھتىياجلىق ئوزۇقلۇق يېتىشمىگەندە ، ماي ئۇنىڭ ئورنىنى تولۇقلايدۇ . ماينىڭ يەنە ۋىتامىن A ، D ، E ، K لارنىڭ سۈمۈرۈلۈشىنى ئىلگىرى سۈرۈش رولى بار .

ئەگەر يېمەكلىك تەركىبىدە ماي كەمچىل بولسا ، بالىلاردا ئىشتىھاسىزلىق ، ئېغىرلىقى ئاشماسلىق ، تېرىسى قۇرغاق بولۇش ئالامەتلىرى كۆرۈلىدۇ . ئاسان يۇقۇملىنىدۇ ۋە مايدا ئېرىيدىغان ۋىتامىن كەملىك كېسىلىگە گىرىپتار بولىدۇ . ئەگەر يېمەكلىكتە ماي بەك كۆپ بولۇپ كەتسە ، بالىلاردا ھەزىم قىلىش ياخشى بولماسلىق ، چوڭ تەرەت قېتىم سانى كۆپ بولۇش ، كېيىن ئاسان سەمىرىپ كېتىشتەك ئالامەتلەر كۆرۈلىدۇ .

نورمال بوۋاق ھەر كۈنى ھەر كىلوگرام ئېغىرلىقى ئۈچۈن تەخمىنەن تۆت گىرام مايغا ئېھتىياجلىق . ئالتە ياشتىن ئاشقان بالىلار ئۈچ گىرام مايغا ئېھتىياجلىق ، ماي تەمىنلىگەن ئىسسىقلىق مىقدارى ئۇمۇمىي ئىسسىقلىق مىقدارىنىڭ %30–%50 نى ئىگەللەيدۇ . سېمىز گۆش ، كالا سۈتى ، قوي سۈتى ، قايماق ، بېلىق مېيى ۋە ئۆسۈملۈك يېغى تەركىبىدە ماي مىقدارى ئەڭ كۆپ .

مەزكۈر مەزمون قوشۇلغان ۋاقىت: 2021-01-23

مەزكۈر مەزمون ئاخىرقى قېتىم يېڭىلانغان ۋاقىت: 2021-01-01 / 05:52:53

سەمىمىي ئەسكەرتىش
بىكەتتىكى مەزمۇنلار تورداشلارنىڭ پايدىلىنىشى، ساغلاملىققا بولغان تونۇشىنى ئاشۇرۇش ئۈچۈن تەمىنلەنگەن ئۇچۇرلاردۇر. ئەمما دىئاگنوز ئاساسى بولالمايدۇ. ئوخشىمىغان بىماردا ئوخشىمىغان ئالامەتلەر كۆرۈلىدۇ ۋە دىئاگنوزى ئوخشىمايدۇ. شۇڭا بەدەندە كېسەللىك ئالامەتلىرى كۆرۈلگەندە چوقۇم مۇنتىزىم دوختۇر بىلەن يۈز تۇرانە مەسىلىھەت ئېلىشىڭىزنى، دوختۇرخانىدا تەكشۈرتۈشىڭىزنى تەۋسىيە قىلىمىز.

باشقا يەرلەردىن ئېلىنغان بەزى مەزمۇنلار، رەسىملەرنىڭ ئەسلى مەنبەسىنى ئەسكەرتىشكە تىرىشتۇق. باشقا يەردىن ئېلىنغان مەزمۇنلار پەقەت شۇ ئاپتور يازارنىڭ ئۆز كۆز قارىشىنى ئىپادىلەيدۇ، بېكىتىمىزنىڭ مەيدانىغا ۋەكىللىك قىلالمايدۇ. بۇنىڭدىن سىرت، ئەگەر ئەسەرنىڭ ئەسلى ئاپتورى ماقالىنىڭ تور بېكىتىمىزدە ئېلان قىلىنغانلىقى ئۆزىنىڭ شەخسىي مەنپەئىتىگە دەخلى قىلىندى دەپ ئويلىسا، بىز بىلەن ئالاقىلاشسىڭىز، ئەڭ قىسقا ۋاقىت ئىچىدە بىكەتتىن ئۆچۈرۋەتسەك بولىدۇ.

تور بېكىتىمىزدىكى مەزمۇنلارنى شەخسىي بېتىڭىزدە ئىشلەتمەكچى بولسىڭىز، دوختۇرلار تور بېكىتى ياكى dohturlar.com دىن ئېلىنغانلىقىنى ۋەيا بىز ئەسكەرتكەن مەزمۇننىڭ ئەسلى مەنبەسىنى ئەسكەرتىپ قويۇشىڭىزنى چىن دىلىمىزدىن ئۈمىد قىلىمىز. ئەمگەك مېۋىسىگە ھۆرمەت قىلىڭ.

نۇر دوختۇر Doctor Nur
نۇر دوختۇر Doctor Nurhttp://dohturlar.com
تەن ساقلىق، زور بايلىق. دوختۇرلۇق مېنىڭ كەسپىم، تور بەت لايىھەلەش مېنىڭ قىزىقىشىم، بۇ ئىككىسىنى بىرلەشتۈرۈپ خەلقىم ئۈچۈن بىراز ئىش قىلىپ بېرەلىسەملا مېنىڭ ئەڭ چوڭ خوشاللىقىم بولىدۇ!

مۇناسىۋەتلىك تېمىلار

قالدۇرۇلغان باھالار

سۆز قالدۇرۇش

Please enter your comment!
Please enter your name here

سوتسىيال تاراتقۇلىرىمىز

1,663FansLike
697FollowersFollow
1,870SubscribersSubscribe

يېڭى مەزمونلار

مەخسۇس سەھىپىلەر