بالدۇر يېتىلىش ۋە كېچىكىپ يېتىلىش دىگەن نىمە؟

ئىككىلەمچى جىنسىي بەلگىنىڭ نورمال بالاغەت مەزگىلىدە نورمالسىز ھەم بالدۇر پەيدا بولۇشى بالدۇر يېتىلىش دەپ ئاتىلىدۇ.

ئادەتتە ئۇ قىزلاردا يەتتە ياشتىن ئىلگىرى، ئوغۇللاردا توققۇز ياشتىن ئاۋۋال كۆرۈلىدىغان ئىككىلەمچى جىنسىىي بەلگىلەرنى كۆرسىتىدۇ. ئەگەر ئىككىلەمچى جىنسىي بەلگىلەر كۆرۈلگەن، ئەمما كۆپىيىش ئىقتىدارى ھازىرلانمىغان بولسا، بۇ يالغان بالدۇر يېتىلگەنلەر ياكى بالدۇر يېتىلىشى مۇكەممەل بولمىغانلار دىيىلىدۇ. ئىككىلەمچى جىنسىي بەلگىلەر كۆرۈلگەن ھەمدە كۆپىيىش ئىقتىدارىنى ھازىرلىغان بالدۇر يېتىلىش ھەقىقىي بالدۇر يېتىلىش ۋە ياكى مۇكەممەل بالدۇر يېتىلىش دەپ ئاتىلىدۇ.

كېچىكىپ يېتىلىش بىلەن بالدۇر يېتىلىش بىر بىرىگە قارىمۇ قارشى بولىدۇ. تەرەققىي قىلىپ يېتىلەلمەسلىك ئېغىر بولسا، مەڭگۈ پەرزەنتلىك بولالمايدۇ. تەكشۈرۈشلەرگە قارىغاندا، قىزلارنىڭ 95% قىسمى 12 ياشتىن 19 ياشقىچە بولغان ئارىلىقتا تۇنجى ئادەت كۆرىدىكەن. قىزلارنىڭ تۇنجى قېتىملىق ئادەت كۆرۈشى ئەڭ كىچىكلىرىنىڭ توققۇز ياش، ئەڭ چوڭلىرىنىڭ 25 ياش ئەتراپىدىمۇ بولىدىكەن. مۇنداقچە ئېيتقاندا ، 14 ياشقا كىرگەن قىزلاردا جىنسىي بەلگە جەھەتتە يېتىلىش ئالامىتى بولمىسا، كېچىكىپ يېتىلىش ئىھتىماللىقىنى ئويلىشىش كېرەك.

ئىككىلەمچى جىنسىي بەلگىلەر كۆرۈلۈشكە باشلىغان نورمال قىزلارنىڭ قۇرامىغا يەتكەنلەرنىڭ ئالاھىدىلىكىنى ھازىرلىشىغا تۆت يىل ۋاقىت كېتىدۇ. بالاغەت مەزگىلىدە، تەننىڭ يېتىلىش ئالاھىدىلىكى كۆرۈلۈپ، جىنسىي ئەزا مۇكەممەل يېتىلىپ بولغۇچە 5 يىل ۋاقىت كېتىدۇ. 5 يىلدىن كېيىن يېتىلىپ بولمىسا، كېچىكىپ يېتىلىش ئىھتىمالى ئۈستىدە ئويلىشىشقا توغرا كېلىدۇ.

مەيلى بالدۇر يېتىلىش ياكى كېچىكىپ يېتىلىش بولسۇن، تۆۋەنكى دۆڭچە مېڭە، مېڭە ئاسىتى بېزى، جىنسىي بەز، بۆرەك ئۈستى بېزى پوستلاق ماددىسى، قالقانسىمان بەز ۋە شۇنىڭدەك بەدەن ۋە بەدەندىكى ئەزالاردا تۇغما ياكى كېيىن شەكىللەنگەن كېسەللىكلەر بارمۇ يوق دىگەن مەسىلە ئۈستىدە ئويلىشىش كېرەك. بولسا بالىلارنى 1-2 يىلدا بىر قېتىم مۇنتىزىم دوختۇرخانىدا تەكشۈرتۈپ تۇرۇش كېرەك.

ئاياللار ساغلاملىقى ۋە جىنسىيەت كىتابىدىن ئۈزۈندە
تەھرىرلىگۈچى: نۇرمەمەت دوختۇر

مەزكۈر مەزمون ئاخىرقى قېتىم يېڭىلانغان ۋاقىت: 31-12-2021 06:40:49 PM (+03)
سەمىمىي ئەسكەرتىش
بىكەتتىكى مەزمۇنلار تورداشلارنىڭ پايدىلىنىشى، ساغلاملىققا بولغان تونۇشىنى ئاشۇرۇش ئۈچۈن تەمىنلەنگەن ئۇچۇرلاردۇر. ئەمما دىئاگنوز ئاساسى بولالمايدۇ. ئوخشىمىغان بىماردا ئوخشىمىغان ئالامەتلەر كۆرۈلىدۇ ۋە دىئاگنوزى ئوخشىمايدۇ. شۇڭا بەدەندە كېسەللىك ئالامەتلىرى كۆرۈلگەندە چوقۇم مۇنتىزىم دوختۇر بىلەن يۈز تۇرانە مەسىلىھەت ئېلىشىڭىزنى، دوختۇرخانىدا تەكشۈرتۈشىڭىزنى تەۋسىيە قىلىمىز.

باشقا يەرلەردىن ئېلىنغان بەزى مەزمۇنلار، رەسىملەرنىڭ ئەسلى مەنبەسىنى ئەسكەرتىشكە تىرىشتۇق. باشقا يەردىن ئېلىنغان مەزمۇنلار پەقەت شۇ ئاپتور يازارنىڭ ئۆز كۆز قارىشىنى ئىپادىلەيدۇ، بېكىتىمىزنىڭ مەيدانىغا ۋەكىللىك قىلالمايدۇ. بۇنىڭدىن سىرت، ئەگەر ئەسەرنىڭ ئەسلى ئاپتورى ماقالىنىڭ تور بېكىتىمىزدە ئېلان قىلىنغانلىقى ئۆزىنىڭ شەخسىي مەنپەئىتىگە دەخلى قىلىندى دەپ ئويلىسا، بىز بىلەن ئالاقىلاشسىڭىز، ئەڭ قىسقا ۋاقىت ئىچىدە بىكەتتىن ئۆچۈرۋەتسەك بولىدۇ.

تور بېكىتىمىزدىكى مەزمۇنلارنى شەخسىي بېتىڭىزدە ئىشلەتمەكچى بولسىڭىز، دوختۇرلار تور بېكىتى ياكى dohturlar.com دىن ئېلىنغانلىقىنى ۋەيا بىز ئەسكەرتكەن مەزمۇننىڭ ئەسلى مەنبەسىنى ئەسكەرتىپ قويۇشىڭىزنى چىن دىلىمىزدىن ئۈمىد قىلىمىز. ئەمگەك مېۋىسىگە ھۆرمەت قىلىڭ.

ئالدىنقى مەزمونئاشقازان تۈۋى
كېيىنكى مەزمونبالىياتقۇ ئىچ پەردىسى
نۇر دوختۇر Doctor Nurhttp://www.dohturlar.com
تەن ساقلىق، زور بايلىق. دوختۇرلۇق مېنىڭ كەسپىم، تور بەت لايىھەلەش مېنىڭ قىزىقىشىم، بۇ ئىككىسىنى بىرلەشتۈرۈپ خەلقىم ئۈچۈن بىراز ئىش قىلىپ بېرەلىسەملا مېنىڭ ئەڭ چوڭ خوشاللىقىم بولىدۇ!

مۇناسىۋەتلىك تېمىلار

قالدۇرۇلغان باھالار

سۆز قالدۇرۇش

Please enter your comment!
Please enter your name here

سوتسىيال تاراتقۇلىرىمىز

1,249FansLike
697FollowersFollow
1,700SubscribersSubscribe

يېڭى مەزمونلار

مەخسۇس سەھىپىلەر