دوختۇرلار تورى

تەن ساقلىق زور بايلىق

بالىلارنى دۆتلەشتۈرۋېتىدىغان ئادەتلەر

ئۇزۇن مۇددەت تويۇپ غىزالىنىش ھازىرقى زامان ئۇزۇقلۇقشۇناسلىق ئىلمىدە بايقىلىشىچە، تاماق يەپ تويۇنغاندىن كېيىن ، چوڭ مېڭىدىكى ‹‹ بىخ تالاسى ھۈجەيرىسى ئۆسۈكچە پاكتۇرى›› دەپ ئاتالغان ماددا كۆرۈنەرلىك كۆپىيىپ كېتىدىكەن . بۇ ‹‹ بىخ تالاسى ھۈجەيرىسى ئۆسۈكچە پاكتۇرى››نىڭ ئىقتىدارى كۈچىيىپ ، قىلدام تومۇرلارنىڭ ئېندوتېلىيە ھۈجەيرىسى ۋە ياغ كۆپىيىپ كېتىپ ، ئارتېرىيە تومۇرىنىڭ بوتقىسىمان قېتىشىشى يۈز بېرىدىكەن . ئەگەر ئۇزۇن مۇددەت تويۇپ غىزالانغاندا ، جەزمەن نېرۋا ئارتېرىيەسىنىڭ قېتىشىشىنى كەلتۈرۈپ چىقىرىپ ، چوڭ مېڭىنىڭ ئىقتىدارى بالدۇرلا چېكىنىپ كېتىدىكەن .

بالىلارنى دۆتلەشتۈرۋېتىدىغان ئادەتلەر

ئەتىگەنلىك تاماققا سەل قاراش ئەتىگەنلىك تاماق يېمىگەن كىشىنىڭ قان شېكىرىنىڭ تۆۋەنلەپ، نورمال تەمىنلەشتەسىرگە ئۇچراپ ، چوڭ مېڭىنىڭ ئۇزۇقلۇق بىلەن تەمىنلىنىشى يېتەرسىز بولىدىكەن، بۇ ئۇزاققا سوزۇلسا چوڭ مېڭىگە زىيانلىق ئىكەن . ئۇنىڭدىن باشقا، ئەتىگەنلىك تاماقنىڭ سۈپىتى ۋە مىقدارى ئەقلى ئىقتىدارنىڭ تەرەققىياتىغىمۇ زىچ مۇناسىۋەتلىك ئىكەن . تەتقىقاتلارغا ئاساسلانغاندا ، ئادەتتە يۇقىرى ئاقسىللىق يېمەكلىكلەرنى ناشتىلىق قىلغان بالىلارنىڭ دەرسخانىدىكى تەپەككۇرى ئۇزاققىچە ئەڭ ياخشى بولىدىكەن. بىراق، دانلىق ئاشلىق بالىلارنىڭ كەيپىياتى ۋە زېھنى كۈچىنى تۆۋەنلىتىۋېتىدىكەن .

تاتلىق يېمەكلىكنىڭ مىقدارى ئېشىپ كېتىش تاتلىق يىمەكلىكنىڭ مىقدارى ئېشىپ كەتكەن بالىلارنىڭ كۆپ ھاللاردا ئەقىل بۆلۈنمىسى نىسبەتەن تۆۋەن بولىدىكەن . چۈنكى بۇ، بالىلارنىڭ چوڭ مېڭە قىسىمىنىڭ ئۆسۈشى يېمەك–ئىچمەكتىكى ئاقسىلنىڭ سۈپىتى ۋە ۋىتامىنلارنىڭ تولۇق بولۇشىدىن ئايرىلالمايدىكەن ، شۇنداقلا ، تاتلىق يېمەكلىكلەر ئىشتىھانى تۆۋەنلىتىۋېتىدىكەن . يۇقىرى ئاقسىللىق ۋە كۆپ خىل ۋىتامىنلارنىڭ مىقدارى ئېشىپ كېتىش، ئورگانىزىملارنىڭ ناچارلىشىشىنىڭ سەۋەبى ئىكەن . نەتىجىدە چوڭ مېڭىنىڭ يېتىلىشىگە تەسىر كۆرسىتىدىكەن.

ئۇيقۇ يېتەرسىز بولۇش چوڭ مېڭىنىڭ ھارغىنلىقىنى تۈگىتىشتىكى ئاساسلىق ئۇسۇل— ئۇيقۇ. ئۇيقۇ ئۇزۇن مۇددەت يېتەرسىز ۋە سۈپىتى تۆۋەن بولسا، مېڭە ھۈجەيرىلىرىنىڭ چېكىنىشىنى تېزلىتىۋېتىدىكەن . ئەقىللىق كىشىلەرنىمۇ گالۋاڭلاشتۇرىۋېتىدىكەن .

ئاز گەپ قىلىش چوڭ مېڭىدە مەخسۇس تىل– تاۋۇش رايونى بولۇپ ، دائىم گەپ قىلىش چوڭ مېڭىنىڭ يېتىلىشىنى تېزلىتىپ ، چوڭ مېڭىنىڭ ئىقتىدارىنى چېنىقتۇرىدىكەن . سۆزنىڭ مەزمۇنىنى موللاشتۇرۇپ ، پەلسەپىۋىلىك ۋە لوگىكىلىقى بىر قەدەر كۈچىيىدىكەن. كۈندە جىمغۇر، كۈلمەيدىغان كىشىلەرنىڭ ئەقىللىق بولۇشى ناياتىن ئىكەن .

بۇلغانغان ھاۋا چوڭ مېڭە پۈتۈن بەدەندىكى ئوكسىگېننى خورىتىدىغان ئەڭ چوڭ ئەزا بولۇپ، ئوتتۇرا ھېساب بىلەن ھەر مىنۇتتا سەرپ بولىدىغان ئوكسىگېن 500-600 لىتىر. پەقەت يېتەرلىك ئوكسىگېن بىلەن تەمىنلەنگەندە چوڭ مېڭىنىڭ خىزمەت ئۈنۈمى يۇقىرى كۆتۈرۈلىدىكەن. مېڭە ئىشلىتىش ۋاقتىغا، ئۆگىنىش مۇھىتىنىڭ ھاۋا تازىلىقىغا ئالاھىدە ئەھمىيەت بىرىش كېرەككەن.

مېڭە ئىشلىتىشنى خالىماسلىق پىكىر يۈرگۈزۈش—چوڭ مېڭىنى چېنىقتۇرۇشنىڭ ئەڭ ياخشى ئۇسۇلى. مېڭىنى كۆپرەك ئىشلىتىش، پات- پات پىكىر يۈرگۈزۈش كىشىلەرنى ئەقىللىق قىلىدىكەن. ئەكسىچە، مېڭىنى ئىشلەتمەسلىك ئەھۋالى چوڭ مېڭىنىڭ چېكىنىشىنى تېزلىتىۋېتىدىكەن. ئەقىللىق كىشىلەرنىمۇ دۆتلەشتۈرىۋېتىدىكەن.

كېسەل تۇرۇپمۇ مېڭە ئىشلىتىش تەن بىتاپ، ياكى ئاغرىپ قالغان ۋاقىتتا، زورمۇ- زور ئۆگىنىش ياكى خىزمەت قىلغاندا، ئۈنۈمى تۆۋەن بولۇپلا قالماستىن، بەلكى چوڭ مېڭە ئاسانلا زىيانغا ئۇچرايدىكەن.

مەزكۈر مەزمون قوشۇلغان ۋاقىت: 2021-12-06

مەزكۈر مەزمون ئاخىرقى قېتىم يېڭىلانغان ۋاقىت: 2021-12-11 / 08:17:58

سەمىمىي ئەسكەرتىش
بىكەتتىكى مەزمۇنلار تورداشلارنىڭ پايدىلىنىشى، ساغلاملىققا بولغان تونۇشىنى ئاشۇرۇش ئۈچۈن تەمىنلەنگەن ئۇچۇرلاردۇر. ئەمما دىئاگنوز ئاساسى بولالمايدۇ. ئوخشىمىغان بىماردا ئوخشىمىغان ئالامەتلەر كۆرۈلىدۇ ۋە دىئاگنوزى ئوخشىمايدۇ. شۇڭا بەدەندە كېسەللىك ئالامەتلىرى كۆرۈلگەندە چوقۇم مۇنتىزىم دوختۇر بىلەن يۈز تۇرانە مەسىلىھەت ئېلىشىڭىزنى، دوختۇرخانىدا تەكشۈرتۈشىڭىزنى تەۋسىيە قىلىمىز.

باشقا يەرلەردىن ئېلىنغان بەزى مەزمۇنلار، رەسىملەرنىڭ ئەسلى مەنبەسىنى ئەسكەرتىشكە تىرىشتۇق. باشقا يەردىن ئېلىنغان مەزمۇنلار پەقەت شۇ ئاپتور يازارنىڭ ئۆز كۆز قارىشىنى ئىپادىلەيدۇ، بېكىتىمىزنىڭ مەيدانىغا ۋەكىللىك قىلالمايدۇ. بۇنىڭدىن سىرت، ئەگەر ئەسەرنىڭ ئەسلى ئاپتورى ماقالىنىڭ تور بېكىتىمىزدە ئېلان قىلىنغانلىقى ئۆزىنىڭ شەخسىي مەنپەئىتىگە دەخلى قىلىندى دەپ ئويلىسا، بىز بىلەن ئالاقىلاشسىڭىز، ئەڭ قىسقا ۋاقىت ئىچىدە بىكەتتىن ئۆچۈرۋەتسەك بولىدۇ.

تور بېكىتىمىزدىكى مەزمۇنلارنى شەخسىي بېتىڭىزدە ئىشلەتمەكچى بولسىڭىز، دوختۇرلار تور بېكىتى ياكى dohturlar.com دىن ئېلىنغانلىقىنى ۋەيا بىز ئەسكەرتكەن مەزمۇننىڭ ئەسلى مەنبەسىنى ئەسكەرتىپ قويۇشىڭىزنى چىن دىلىمىزدىن ئۈمىد قىلىمىز. ئەمگەك مېۋىسىگە ھۆرمەت قىلىڭ.

نۇر دوختۇر Doctor Nur
نۇر دوختۇر Doctor Nurhttp://dohturlar.com
تەن ساقلىق، زور بايلىق. دوختۇرلۇق مېنىڭ كەسپىم، تور بەت لايىھەلەش مېنىڭ قىزىقىشىم، بۇ ئىككىسىنى بىرلەشتۈرۈپ خەلقىم ئۈچۈن بىراز ئىش قىلىپ بېرەلىسەملا مېنىڭ ئەڭ چوڭ خوشاللىقىم بولىدۇ!

مۇناسىۋەتلىك تېمىلار

قالدۇرۇلغان باھالار

سۆز قالدۇرۇش

Please enter your comment!
Please enter your name here

سوتسىيال تاراتقۇلىرىمىز

1,659FansLike
697FollowersFollow
1,860SubscribersSubscribe

يېڭى مەزمونلار

مەخسۇس سەھىپىلەر