دوختۇرلار تورى

تەن ساقلىق زور بايلىق

بالىلارنىڭ ئۆسۇپ-يېتىلىشىگە زىيانلىق ئامىللار

ئەتىگەنلىك ناشتىغا سەل قاراش:مۇتەخەسىسلەرنىڭ تەتقىقاتىغا ئاساسلانغاندا،ئادەتتە ئەتىگەنلىك ناشتىدا يۇقىرى ئاقسىللىق يېمەكلىكلەر بىلەن غىزالىنىدىغان بالىلارنىڭ دەرس ۋاقتىدىكى ئەڭ ياخشى تەپەككۈر قىلىش ۋاقتى نىسپەتەن ئۇزاقراق بولىدىكەن.ئەتىگەنلىك ناشتىدا قۇۋۋەتسىز تاماق بىلەن غىزالانغان ياكى تاماق يېمىگەن بالىلارنىڭ تەپەككۈر پائالىيىتى نىسپەتەن تۆۋەن بولىدىكەن.بالىلار ئۈزۈن ۋاقىت ئەتىگەنلىك تاماق يېمىسە،چوڭ مىڭىنىڭ ئېنىرگىيە بىلەن تەمىنلىنىشى زور دەرىجىدە تەسىرگە ئۈچراپ،بالىلاردا ئەقلىي قابىليەتنىڭ تۆۋەنلىشى ۋە تەپەككۈر قىلىشنىڭ ئاستىلىشىنى كەلتۇرۇپ چىقىرىدۇ.

تاماق تاللاش:بالىلار ئۆسۈۋاتقان مەزگىلدە تۇرغاچقا بىر نەچچە خىل تاماقنى ئۈزۈن ۋاقىت ئىستېمال قىلىۋەرسە،چوڭ مىڭىنىڭ نورمال يېتىلىشىگە تەسىر يېتىدۇ.

چاچنى ئۇزۇن قويۇش:ئادەم چېچىغا كېرەكلىك ئوزۇقلۇقنىڭ ھەممىسى باش قىسىمىدىن كېلىدۇ.لېكىن ئادەتتىكى ئەھۋالدا بەدەننىڭ مىڭىگە ئوزۇقلۇق يەتكۈزۈپ بېرىشى چەكلىك بولىدۇ.شۈنىڭ ئۈچۈن ئەگەر چاچ بەك ئۇزۇن بولۇپ كەتسە،ئوزۇقلۇق كۆپلەپ خوراپ كېتىپ،مىڭىدە ئوزۇقلۇق يېتىشمەسلىك ئەھۋالى يۈز بېرىپ،مىڭىنىڭ نورمال پائالىيەتلىرىنى تەسىرىگە ئۈچرىتىپ،ئەقلى ئىقتىدارىنىڭ تەرەققى قىلىشىغا مۇئەييەن تەسىر كۆرسىتىدۇ.

ئۇزۇن مەزگىل قەۋزىيەت بولۇش:چوڭ تەرەتنىڭ ئۈچەيدە تۇرۇش ۋاقتى ئۈزىراپ كەتسە زەھەرلىك ماددىلارنى پەيدا قىلىدۇ.بۇ زەھەرلىك ماددىلار جىگەرنىڭ زەھەرسىزلەندۈرۈش كۈچىدىن ئېشىپ كەتكەندە،ئارتۇق قىسمى قان ئايلىنىش ئارقىلىق پۈتۈن بەدەنگە تارقىلىپ چوڭ مىڭىگە كىرگەن زەھەر مەركىزى نېرۋىنى زەھەرلەپ،چوڭ مىڭىنىڭ پوستىلاق قەۋىتىنىڭ نورمال پائالىيەتلىرىگە دەخلى يەتكۈزۈپ،تۇتۇۋېلىش قابىليىتى تۆۋەنلەشنى كەلتۇرۇپ چىقىرىدۇ.

سازاڭسىمان مەددە قۇرتنىڭ تەسىرى:ئەنگىلىيە ئالىملىرى يېقىندا سازاڭسىمان مەددە قۇرتنىڭ بالىلارنىڭ ئەقلى-پاراسىتىنىڭ يېتىلىشىغا تەسىر قىلىدىغانلىقىنى بايقىغان.ئۇلار سازاڭسىمان مەددە قۇرت بالىلارنىڭ قىسقا ۋاقىتلىق ئەستە تۇتۇش قابىليىتى،ئۇزۇن ۋاقىتلىق ئەستە تۇتۇش قابىليىتى،ئەسلەش ئاڭلاش ۋە تېز ئوقۇش ئىقتىدارىغا ئېغىر دەرىجىدە تەسىر قىلىدىغانلىقىنى بايقىغان.

تېكەس ناھىيىلىك سىياسىي كېڭەشتىن:مۇتەللىپ ياقۇپ

مەزكۈر مەزمون قوشۇلغان ۋاقىت: 2021-02-14

مەزكۈر مەزمون ئاخىرقى قېتىم يېڭىلانغان ۋاقىت: 2021-02-06 / 10:17:28

سەمىمىي ئەسكەرتىش
بىكەتتىكى مەزمۇنلار تورداشلارنىڭ پايدىلىنىشى، ساغلاملىققا بولغان تونۇشىنى ئاشۇرۇش ئۈچۈن تەمىنلەنگەن ئۇچۇرلاردۇر. ئەمما دىئاگنوز ئاساسى بولالمايدۇ. ئوخشىمىغان بىماردا ئوخشىمىغان ئالامەتلەر كۆرۈلىدۇ ۋە دىئاگنوزى ئوخشىمايدۇ. شۇڭا بەدەندە كېسەللىك ئالامەتلىرى كۆرۈلگەندە چوقۇم مۇنتىزىم دوختۇر بىلەن يۈز تۇرانە مەسىلىھەت ئېلىشىڭىزنى، دوختۇرخانىدا تەكشۈرتۈشىڭىزنى تەۋسىيە قىلىمىز.

باشقا يەرلەردىن ئېلىنغان بەزى مەزمۇنلار، رەسىملەرنىڭ ئەسلى مەنبەسىنى ئەسكەرتىشكە تىرىشتۇق. باشقا يەردىن ئېلىنغان مەزمۇنلار پەقەت شۇ ئاپتور يازارنىڭ ئۆز كۆز قارىشىنى ئىپادىلەيدۇ، بېكىتىمىزنىڭ مەيدانىغا ۋەكىللىك قىلالمايدۇ. بۇنىڭدىن سىرت، ئەگەر ئەسەرنىڭ ئەسلى ئاپتورى ماقالىنىڭ تور بېكىتىمىزدە ئېلان قىلىنغانلىقى ئۆزىنىڭ شەخسىي مەنپەئىتىگە دەخلى قىلىندى دەپ ئويلىسا، بىز بىلەن ئالاقىلاشسىڭىز، ئەڭ قىسقا ۋاقىت ئىچىدە بىكەتتىن ئۆچۈرۋەتسەك بولىدۇ.

تور بېكىتىمىزدىكى مەزمۇنلارنى شەخسىي بېتىڭىزدە ئىشلەتمەكچى بولسىڭىز، دوختۇرلار تور بېكىتى ياكى dohturlar.com دىن ئېلىنغانلىقىنى ۋەيا بىز ئەسكەرتكەن مەزمۇننىڭ ئەسلى مەنبەسىنى ئەسكەرتىپ قويۇشىڭىزنى چىن دىلىمىزدىن ئۈمىد قىلىمىز. ئەمگەك مېۋىسىگە ھۆرمەت قىلىڭ.

نۇر دوختۇر Doctor Nur
نۇر دوختۇر Doctor Nurhttp://dohturlar.com
تەن ساقلىق، زور بايلىق. دوختۇرلۇق مېنىڭ كەسپىم، تور بەت لايىھەلەش مېنىڭ قىزىقىشىم، بۇ ئىككىسىنى بىرلەشتۈرۈپ خەلقىم ئۈچۈن بىراز ئىش قىلىپ بېرەلىسەملا مېنىڭ ئەڭ چوڭ خوشاللىقىم بولىدۇ!

مۇناسىۋەتلىك تېمىلار

قالدۇرۇلغان باھالار

سۆز قالدۇرۇش

Please enter your comment!
Please enter your name here

سوتسىيال تاراتقۇلىرىمىز

1,663FansLike
697FollowersFollow
1,870SubscribersSubscribe

يېڭى مەزمونلار

مەخسۇس سەھىپىلەر