بوۋاقلارنىڭ بەدەن ئېغىرلىقىنىڭ ئېشىشى نېمىشقا ئاستا بولىدۇ ؟

ھەممىگە مەلۇمكى ، بوۋاقلىق مەزگىلى ئادەمنىڭ بىر پۈتۈن ھاياتىدىكى تەرەققىياتى ئەڭ تېز بولدىغان باسقۇچ بولۇپ ھېسابلىنىدۇ

بوۋاقلار ئالتە ئايلىقتىن بۇرۇن ئېيىغا ئوتتۇرا ھېساب بىلەن 800 گرامدىن ئېغىرلايدۇ. 7 – 12 – ئايلىققىچە بولغان ئارىلىقتا ئېيىغا ئوتتۇرا ھېساب بىلەن 500 گرامدىن ئېغىرلايدۇ .ئەمما بەزى بوۋاقلارنىڭ ئېغىرلىقىنىڭ ئېشىشى ئەمچەكتىنئايرىغاندىن كېيىن يەنى 8- 12 ئايلىققىچە بولغان مەزگىلدە كۆرۈنەرلىك ئاستىلايدۇ. بۇ كۆپىنچە بوۋاقلارنىڭ ئوزۇقلىنىشىىڭ مۇۋاپىق بولماسلىقىدىن كېلىپ چىقىدۇ.

بوۋاقلار تۇغۇلغاندىن كېيىن ئامال بار ئانا سۈتى ( پەقەت بولمىغاندا كالا سۈتى ) دە ئوزۇقلاندۇرۇش كېرەك . ئانا سۈتىنىڭ تەركىبىدىكى ئاقسىلنىڭ يېمەكلىكلەرنىڭ ئۈچەي يولىداھەزىم قىلىنىشى ۋە نەپەسلىنىشىنى تېزلىتىشكە پايدىسى بولىدۇ. شۇڭلاشقا ئانا سۈتى يېتەرلىك بولسىلا بوۋاق تۇغۇلۇپ ئالدىنقى يېرىم يىلدا بەدەن ئېغىرلىقىنىڭ ئېشىشى تېز بولىدۇ .

ئەمما قوشۇمچە يېمەكلىكلەرنى بەرگەندىن كېيىن يەنى 7 – 8 ئايلىق مەزگىلىدە بوۋاقلار كۈندە ئىككى قېتىم قوشۇمچە يېمەكلىكلەرنى ئانا سۈتى ئورنىدا ئىستېمال قىلىدۇ . توققۇز ئايلىق بوۋاقلار كۈندە ئۈچ قېتىم قوشۇمچە يېمەكلىكنى ئانا سۈتى ئورنىدا ئىستېمال قىلىدۇ. ئاتا – ئانىلار بالىغا ئۇچ ۋاق تاماق بېرىۋاتقاندىكىن ئەمدۈرمىسەكمۇ بولىدۇ ، دەپ قارايدۇ، ئەمەلىيەتتەبۇ بىر خىل خاتا قاراش . بوۋاقلارنىڭ قوشۇمچە يېمەكلىكلىرى كىراخماللىق يېمەكلىكلەرنى ئاساس قىلىدىغان بولغاچقا ، ئۇلارنىڭ تەركىبىدە ئاقسىل ، كالتىسىي ، فوسفور قاتارلىق مېنىرال ماددىلارنىڭ مىقدارى يېتەرلىك بولمايدۇ . ئۇنىڭئۈستىگە بوۋاقلارنىڭ ھەزىم قىلىش سىستېمىسىنىڭ ئاقسىلنى شۈمۈرۈشى ئاجىز بولغانلىقتىن ، بۇ ۋاقىتتا ئەگەر ئانا سۈتى بىلەن تەمىنلەش يېتەرلىك بولمىسا ، ئاقسىل ماددىسىيېتىشمەي بوۋاقلارنىڭ نورمال ئۆسۈپ يېتىلىشىگە تەسىر كۆرسىتىدۇ .

بوۋاقلارنى سۈتتىن ئايرىشنىڭ ئالدى – كەينىدە ئۈچ ۋاقلىق تاماقنىڭ سۈپىتىگە ئالاھىدە ئەھمىيەت بېرىش يەنى گۆش ، تۇخۇم ، جىگەر ، پۇرچاق ئۇيۇتمىسى قاتارلىق تەركىبىدە ئاقسىل مىقدارى مول بولغان يېمەكلىكلەرنى بېرىشكە دىققەت قىلىش كېرەك . مانا بۇلار بوۋاقلارنىڭ ئۆسۈپ يېتىلىشىدىكى زۆرۈر بولغان ئوزۇقلۇق ماددىلاردىن ئىبارەت.

ئەگەر بوۋاقلارنىڭ تۇرمۇشى تەرتىپسىز ، يەنى مۇقىم بولغان غىزالىنىش ۋاقتى ، ئۇيقۇسى نورمال بولمىسا ، كۈندۈزى ئۇخلاپ كېچىسى ئۇخلىمىسا ، ئىشتىھاسى تۇتۇلۇش ، بەدەن ئېغىرلىقى ئاشماسلىق قاتارلىق ئەھۋاللارنى كەلتۈرۈپ چىقىرىدۇ.

بالىلار مۇتەخەسسىسلىرى ئاتا – ئانىلارغا شۇنى ئەسكەرتىدۇكى : 8 -12 ئايلىققىچە بولغان بوۋاقلارغا ھەر كۈنى 600 مىللىلېتىر ئەتراپىدا سۈت بېرىش ، بوۋاقنىڭ ئوزۇقلىقىنىڭ سۈپىتىگە ئالاھىدە دىققەت قىلىش ، ئۇلاردا ياخشى بولغان تۇرمۇش ئادىتىنى يېتىلدۈرۈش ، بولۇپمۇ ئوزۇقلىنىش ، ئۇخلاش ۋاقتىنىڭ تەرتىپلىك بولۇشىغا كاپالەتلىك قىلىش ، ھەرىكەت مىقدارىنى كۆپەيتىش كېرەك . بۇنداقبولغاندا بوۋاقلارنىڭ ئېغىرلىقى نورمال ھالەتتە ئېشىپ ماڭىدۇ .

بەختىگۈل نىزاق تەرجىمىسى

سەمىمىي ئەسكەرتىش


  1. بىكەتتىكى مەزمونلار تورداشلارنىڭ پايدىلىنىشى، ساغلاملىققا بولغان تونۇشىنى ئاشۇرۇش ئۈچۈن تەمىنلەنگەن ئۇچۇرلاردۇر. ئەمما 100 دە 100 لىق دىئاگنوز ئاساسى بولالمايدۇ. چۈنكى بىر ئادەمنىڭ كېسەل ئالامىتى يەنە بىر ئادەمنىڭكىگە ئوخشىمايدۇ. شۇڭا بەدەندە كېسەللىك ئالامەتلىرى كۆرۈلگەندە چوقۇم، دوختۇر بىلەن يۈز تۇرانە مەسىلىھەت ئېلىشىڭىزنى، مۇنتىزىم دوختۇرخانىدا تەكشۈرتۈشىڭىزنى تەۋسىيە قىلىمىز.
  2. ياكى تور بېكىتىمىزدىكى مەزمونلارنى شەخسىي بېتىڭىزدە ئىشلەتمەكچى بولسىڭىز، دوختۇرلار تور بېكىتى ياكى dohturlar.com دىن ئېلىنغانلىقى توغرىسىدا مەنبەسىنى ئەسكەرتىپ قويۇشىڭىزنى چىن دىلىمىزدىن ئۈمىد قىلىمىز. ئۇيغۇر ئۇيغۇرنى قوللاپ، ئۇيغۇرنىڭ ئەمگەك مىۋىسىنى قوغدىشى، قىممىتىنى نامايەن قىلىشى كېرەك. بىكەتتىكى ھەربىرماقالە دوختۇرلىرىمىزنىڭ كىچە كىچە ئولتۇرۇپ، ئايرىم ۋاقىت چىقىرىپ يېزىلغان، قان تەرىگە كەلگەن ئەمگەك مىۋىسىدۇر . ئەگەر سودا ئىشلىرىغا ئىشلەتمەكچى بولسىڭىز، بېكىتىمىزنىڭ مەسئۇللىرى ياكى ئەسلى ئاپتور يازار بىلەن ئالاقىلىشىڭ.
نۇر دوختۇر Doctor Nurhttp://www.dohturlar.com
تەن ساقلىق، زور بايلىق. دوختۇرلۇق مېنىڭ كەسپىم، تور بەت لايىھەلەش مېنىڭ قىزىقىشىم، بۇ ئىككىسىنى بىرلەشتۈرۈپ خەلقىم ئۈچۈن بىراز ئىش قىلىپ بېرەلىسەملا مېنىڭ ئەڭ چوڭ خوشاللىقىم بولىدۇ!

مۇناسىۋەتلىك تېمىلار

قالدۇرۇلغان باھالار

سۆز قالدۇرۇش

Please enter your comment!
Please enter your name here

سوتسىيال تاراتقۇلىرىمىز

1,052FansLike
163FollowersFollow
1,490SubscribersSubscribe

يېڭى مەزمونلار