بوۋاقلارنىڭ ۋىتامىن D كەملىكتىن بولغان راخىت كېسىلىگە ئاسان گىرىپتار بولۇشىنىڭ سەۋەبى

ۋىتامىنD كەملىكتىن بولىدىغان راخىت كېسەللىكى ئاساسلىق ۋىتامىن D نىڭ كەملىكىدىن كېلىپ چىققان كالتسىي، فوسفورنىڭ ماددا ئالمىشىشى نورمالسىز بولۇش ۋە سۆڭەكسىمان توقۇلمىلارنىڭ كالتسىيلىشىشى توسقۇنلۇققا ئۇچراش كەلتۈرۈپ چىقارغان سۆڭەك كېسەللىكى بولۇپ، ئېغىر بولغاندا سۆڭەك غەلىتە ئۆسۈش ئەھۋالى كۆرۈلىدۇ

راخىت كېسىلى
佝偻病
Rickets

بوۋاقلارنىڭ ۋىتامىن D كەملىكتىن بولغان راخىت كېسىلىگە ئاسان گىرىپتار بولۇشىنىڭ سەۋەبى تۆۋەندىكىدەك:

بىرىنچى، كۈن نۇرى بىلەن ئۇچرىشىشى يېتەرلىك بولماسلىق. تېرىدىكى دېھىدروستوستېرول قۇياش نۇرىنىڭ تەسىرىدە ۋىتامىن D3كە ئايلىنىدۇ، ئەگەر تېرىنىڭ قۇياش نۇرى بىلەن ئۇچرىشىشى يېتەرسىز بولسا، بەدەندە ئىچكى مەنبەلىك ۋىتامىن D3كەم بولىدۇ، ئەگەر بالىلارنىڭ سىرتتا قىلىدىغان پائالىيىتى ئاز بولسا ياكى ياشاۋاتقان رايوننىڭ قىش پەسلى بەك ئۇزۇن بولسا، ئۆينىڭ دېرىزىسى ئېتىك، كۈن نۇرى توسۇۋېلىنغان بولسا ياكى زاۋۇت ئەتراپىدىكى چاڭ–توزان قاتارلىقلار كۈن نۇرىنى توسۇۋالغان بولسا، بالىلارنىڭ بەدىنى ئىچكى مەنبەلىك ۋىتامىن D3 كە ئېرىشەلمەيدۇ.

ئىككىنچى، قوبۇل قىلىش يېتەرسىز بولۇش. ئانا سۈتى ۋە باشقا تۈردىكى سۈتلەر تەركىبىدىكى ۋىتامىن D3 بەك ئاز، ئەگەر بالىنى ئاپتاپقا سالمىسا ھەم ۋىتامىن D تولۇقلايدىغان قوشۇمچە يېمەكلىكمۇ بەرمىسە، بالىلار ئاسانلا راخىت كېسىلىگە گىرىپتار بولىدۇ، بوۋاق كۈنىگە 400بىرلىك ۋىتامىن D قوبۇل قىلسا، ئاندىن راخىت كېسىلىنىڭ ئالدىنى ئېلىش رولىنى ئوينىيالايدۇ، بالدۇر تۇغۇلغان بوۋاق ياكى قوشكېزەكلەر 800–1000بىرلىك ۋىتامىن D قوبۇل قىلسا، ئېھتىياجى ئاندىن قانىدۇ، مۇنچە كۆپ ۋىتامىن D نى نورمال يېمەكلىككە تايىنىپ تولۇقلاش مۇمكىن ئەمەس. مەسىلەن، ھەر لىتىر كالا سۈتى تەركىبىدە 40بىرلىك D3، ھەر لىتىر ئانا سۈتى تەركىبىدە 100بىرلىك D3بار، 100گرام تۇخۇم سېرىقىدا تەخمىنەن 250بىرلىك ۋىتامىن D بار، قايماق، كۆكتاتلارنىڭ تەركىبىدە ۋىتامىن D تېخىمۇ ئاز. شۇڭا بوۋاقلارغا ۋىتامىن D ياسالمىلىرى يېگۈزۈش لازىم.

ئۈچىنچى، ئۆسۈشى بەك تېز بولۇش. ئۆسۈشى قانچە تېز بولسا، كېرەك بولىدىغان ۋىتامىن Dمۇ شۇنچە كۆپ بولىدۇ، بىر ياشقا توشمىغان ۋاقىت بالىلارنىڭ ئۆسۈشى ئەڭ تېز مەزگىلى بولۇپ، ئۇلار راخىت كېسىلىگە ئاسان گىرىپتار بولىدۇ، بولۇپمۇ بالدۇر تۇغۇلغان بوۋاقلاردا كالتسىي يېتەرسىز بولغاچقا، راخىت كېسىلى ئاسان كۆرۈلىدۇ.

تۆتىنچى، بالىلارنىڭ يېمەكلىكىدىكى كالتسىي، فوسفورنىڭ مىقدارى يېتەرسىز ياكى نىسبىتى نامۇۋاپىق بولسا، كالتسىي بىلەن فوسفورنىڭ مىقدارى كۆپ بولسىمۇ، نىسبىتى مۇۋاپىق ئەمەس، بالىلار كالا سۈتىنى ئەمگەندىن كېيىن تولۇق قوبۇل قىلالمايدۇ، شۇڭا كالا سۈتى بىلەن باققان بالا ئانا سۈتى بىلەن باققان بالىغا قارىغاندا راخىت كېسىلىگە ئاسان گىرىپتار بولىدۇ.

بەشىنچى، بالىلاردىكى جىگەر، بۆرەك كېسەللىكلىرى ۋىتامىن D نىڭ ھىدروكسىدلىشىشىغا توسقۇنلۇق قىلىپ، ئاسانلا راخىت كېسىلى بولۇشنى كەلتۈرۈپ چىقىرىدۇ.

سەمىمىي ئەسكەرتىش


  1. بىكەتتىكى مەزمونلار تورداشلارنىڭ پايدىلىنىشى، ساغلاملىققا بولغان تونۇشىنى ئاشۇرۇش ئۈچۈن تەمىنلەنگەن ئۇچۇرلاردۇر. ئەمما 100 دە 100 لىق دىئاگنوز ئاساسى بولالمايدۇ. چۈنكى بىر ئادەمنىڭ كېسەل ئالامىتى يەنە بىر ئادەمنىڭكىگە ئوخشىمايدۇ. شۇڭا بەدەندە كېسەللىك ئالامەتلىرى كۆرۈلگەندە چوقۇم، دوختۇر بىلەن يۈز تۇرانە مەسىلىھەت ئېلىشىڭىزنى، مۇنتىزىم دوختۇرخانىدا تەكشۈرتۈشىڭىزنى تەۋسىيە قىلىمىز.
  2. ياكى تور بېكىتىمىزدىكى مەزمونلارنى شەخسىي بېتىڭىزدە ئىشلەتمەكچى بولسىڭىز، دوختۇرلار تور بېكىتى ياكى dohturlar.com دىن ئېلىنغانلىقى توغرىسىدا مەنبەسىنى ئەسكەرتىپ قويۇشىڭىزنى چىن دىلىمىزدىن ئۈمىد قىلىمىز. ئۇيغۇر ئۇيغۇرنى قوللاپ، ئۇيغۇرنىڭ ئەمگەك مىۋىسىنى قوغدىشى، قىممىتىنى نامايەن قىلىشى كېرەك. بىكەتتىكى ھەربىرماقالە دوختۇرلىرىمىزنىڭ كىچە كىچە ئولتۇرۇپ، ئايرىم ۋاقىت چىقىرىپ يېزىلغان، قان تەرىگە كەلگەن ئەمگەك مىۋىسىدۇر . ئەگەر سودا ئىشلىرىغا ئىشلەتمەكچى بولسىڭىز، بېكىتىمىزنىڭ مەسئۇللىرى ياكى ئەسلى ئاپتور يازار بىلەن ئالاقىلىشىڭ.
نۇر دوختۇر Doctor Nurhttp://www.dohturlar.com
تەن ساقلىق، زور بايلىق. دوختۇرلۇق مېنىڭ كەسپىم، تور بەت لايىھەلەش مېنىڭ قىزىقىشىم، بۇ ئىككىسىنى بىرلەشتۈرۈپ خەلقىم ئۈچۈن بىراز ئىش قىلىپ بېرەلىسەملا مېنىڭ ئەڭ چوڭ خوشاللىقىم بولىدۇ!

مۇناسىۋەتلىك تېمىلار

قالدۇرۇلغان باھالار

سۆز قالدۇرۇش

Please enter your comment!
Please enter your name here

سوتسىيال تاراتقۇلىرىمىز

1,052FansLike
163FollowersFollow
1,490SubscribersSubscribe

يېڭى مەزمونلار