دوختۇرلار تورى

تەن ساقلىق زور بايلىق

دۇنيا ماخاۋ كېسىلىدىن ساقلىنىش كۈنى : ھەر يىلى 1- ئاينىڭ ئاخىرقى يەكشەنبە كۈنى

دۇنيا ماخاۋ كېسىلىدىن ساقلىنىش كۈنى (جۇزام، لېپرا)
World Leprosy Awareness Day

2022-يىلى ، دۇنيا ماخاۋ كېسىلى كۈنى 30-يانۋار يەكشەنبە. دۇنيا ماخاۋ كېسىلى كۈنى ھەمىشە يانۋارنىڭ ئاخىرقى يەكشەنبە كۈنى بولىدۇ.

بۇ ئالاھىدە كۈن، 1954-يىلى فرانسىيە ساخاۋەتچىسى رائۇل فوللېرو Raoul Follereau تەرىپىدىن بېكىتىلگەن بولۇپ ، ئۇ ئىنسانلارنىڭ ماخاۋ كېسىلىگە (ھازىرقى خەنسېن كېسىلى Hansen’s disease دەپمۇ ئاتىلىدۇ) بولغان تونۇشىنى ئۆستۈرۈش، ۋە بۇ قەدىمى كېسەللىكنى ھازىرقى زامان داۋالاشتا ئۇنچە تەس ئەمەسلىكىنى بىلدۈرۈش مەقسەت قىلىنغان.

ماخاۋ كېسىلى (جۇزام كېسىلى، لېپرا كېسىلى)
麻疯
Leprosy (Hansen’s Disease)

ماخاۋ كېسىلى خەنسېن كېسىلى (ئۇيغۇرچىدە جۇزام كېسىلى، لېپرا كېسىلى) دەپمۇ ئاتىلىدۇ ، يېنىك دەرىجىدە يۇقۇملۇق كېسەللىك ھىساپلىنىدۇ. ھەر يىلى دۇنيانىڭ ھەر قايسى جايلىرىدا 200 مىڭغا يېقىن ئادەم ماخاۋ كېسىلىگە گىرىپتار بولىدۇ. ماخاۋ كېسىلىنى داۋالىغىلى بولىدۇ ، ئەگەر تېز داۋالانسا ، ئادەمگە ئۇزۇن مۇددەتلىك ئەگەشمە كېسەللىكىلرى ۋە باشقا يامان ئاقىۋەتلەرنىڭ ئالدىنى ئالغىلى بولىدۇ.

ماخاۋ كېسىلى سەۋەبلىرى

ماخاۋ كېسىلى (خەنسېن كېسىلى) Mycobacterium leprae ماخاۋ باكتېرىيەسى (لېپرا شاخسىمان تاياقچە باكتېرىيەسى) دەپ ئاتىلىدىغان باكتېرىيە تەرىپىدىن پەيدا بولىدۇ. ئۇ ئاساسلىقى تېرە ، نېرۋا ۋە كۆزگە تەسىر قىلىدۇ.

ماخاۋ كېسىلى يۇقىرى يۇقۇملۇق كېسەل ئەمەس. يوشۇرۇن دەۋرى (يۇقۇملىنىش بىلەن كېسەللىك ئالامەتلىرىنى كۆرۈش ئارىلىقى) ئۇزۇن – ئوتتۇرا ھېساب بىلەن بەش يىل ، ئەمما بىر يىلدىن 20 يىلغىچە بولغان ئارىلىقتا بولىدۇ.

ماخاۋ كېسىلىنىڭ قانداق ئالامەتلىرى بار؟

تېرىدە نورمال رەڭگە ئوخشىمىغان رەڭدە داغ پەيدا بولۇش. ئاق رەڭلىك تېرىدە قوڭۇر، قارامتۇل رەڭ داغ پەيدا بولىدۇ ئەمما قارامتۇل تېرىدىكى كىشىلەردە ئوچۇق رەڭدە داغ پەيدا بولىدۇ.

بۇ داغلار كۆپىنچە ۋاقىتلاردا ئاغرق ياكى قىچىشىش بولمايدۇ. ناھايىتى ئاز ئەھۋاللاردا باسسا ئاغرىش كۆرۈلىدۇ.

ئوتتۇرا ئېغىر ئەھۋاللاردا، پۇت قول ھىس يوقىتىش ياكى ئۇيۇشۇش ئەھۋاللىرى كۆرۈلىدۇ.

مۇسكۇللار سىقىراپ ئاغرىش، ھارغىنلىق ۋەيا پالەچ ئەھۋاللىرى كۆرۈلىدۇ. مەسىلەن پۇتۇلكا تۇتالماسلىق، كۆز قاپاقنى يۇمالماسلىق، پۇتىنى ئالدىغا يۆتكەشتە قىيلىنىش قاتارلىق ئەھۋاللار كۆرۈلىدۇ.

ماخاۋ كېسىلىنى قانداق داۋالاش كېرەك؟

ماخاۋ كېسىلىنى كۆپ خىل دورىنى بىرىكمە شەكىلدە بېرىش ئۇسۇلى ئارقىلىق داۋالايدۇ. بۇ يەردە تىلغا ئېلىنغان كۆپ خىل دورىنى بىرىكتۈرۈش ئۇسۇلى ئەسلى 3 خىل ياللۇغ قايتۇرۇش دورىسى (ئانتىبىئوتىك) نى بىرلەشتۈرۈپ بىمارغا بېرىشنى كۆزدە تۇتىدۇ. بۇ خىل داۋالاش ئۇسۇلىنى باشلاپ بىرقانچە كۈندىن كېيىنلا، بىمارنىڭ بەدىنىدىكى مىكروپلار ئۈنۈملۈك شەكىلدە ئازايتقىلى ۋە يۇقۇملىنىشنىڭ ئالدىنى ئالغىلى بولىدۇ. غەرىپ مىدىتسىناسىدا، 3 خىل ياللۇغ قايتۇرۇش دورىسىنى بىرلەشتۈرۈپ داۋالاش ئۇسۇلى ھازىر ئومۇملاشقان ۋە بىردىنبىر ئۈنۈملۈك داۋالاش ئۇسۇلى دەپ قارىلىدۇ، شۇڭا بىمار باشقا ئۇسۇللارنى قوللانماسلىق لازىم. بۇ خىل داۋالاش ئۇسۇلى بىمارلارغا ھەقسىز تەمىنلىنىدۇ.

 

ماخاۋ كىسلى يۇقامدۇ؟

ماخاۋ كېسىلى يېنىك دەرىجىلىك يۇقۇملۇلق كېسىلى ھىساپلىنىدۇ.

 

 

باشقا دۇنيا ساغلام كېسەل خاتىرە كۈنلىرىنى بىلىپ باقماقچى بولسىڭىز، تۆۋەندىكى ئادرىسنى زىيارەت قىلىڭ:

دۇنيا ساغلام كېسەل خاتىرە كۈنلىرى تىزىملىكى

مەزكۈر مەزمون قوشۇلغان ۋاقىت: 2022-01-01

مەزكۈر مەزمون ئاخىرقى قېتىم يېڭىلانغان ۋاقىت: 2022-01-28 / 10:39:19

سەمىمىي ئەسكەرتىش
بىكەتتىكى مەزمۇنلار تورداشلارنىڭ پايدىلىنىشى، ساغلاملىققا بولغان تونۇشىنى ئاشۇرۇش ئۈچۈن تەمىنلەنگەن ئۇچۇرلاردۇر. ئەمما دىئاگنوز ئاساسى بولالمايدۇ. ئوخشىمىغان بىماردا ئوخشىمىغان ئالامەتلەر كۆرۈلىدۇ ۋە دىئاگنوزى ئوخشىمايدۇ. شۇڭا بەدەندە كېسەللىك ئالامەتلىرى كۆرۈلگەندە چوقۇم مۇنتىزىم دوختۇر بىلەن يۈز تۇرانە مەسىلىھەت ئېلىشىڭىزنى، دوختۇرخانىدا تەكشۈرتۈشىڭىزنى تەۋسىيە قىلىمىز.

باشقا يەرلەردىن ئېلىنغان بەزى مەزمۇنلار، رەسىملەرنىڭ ئەسلى مەنبەسىنى ئەسكەرتىشكە تىرىشتۇق. باشقا يەردىن ئېلىنغان مەزمۇنلار پەقەت شۇ ئاپتور يازارنىڭ ئۆز كۆز قارىشىنى ئىپادىلەيدۇ، بېكىتىمىزنىڭ مەيدانىغا ۋەكىللىك قىلالمايدۇ. بۇنىڭدىن سىرت، ئەگەر ئەسەرنىڭ ئەسلى ئاپتورى ماقالىنىڭ تور بېكىتىمىزدە ئېلان قىلىنغانلىقى ئۆزىنىڭ شەخسىي مەنپەئىتىگە دەخلى قىلىندى دەپ ئويلىسا، بىز بىلەن ئالاقىلاشسىڭىز، ئەڭ قىسقا ۋاقىت ئىچىدە بىكەتتىن ئۆچۈرۋەتسەك بولىدۇ.

تور بېكىتىمىزدىكى مەزمۇنلارنى شەخسىي بېتىڭىزدە ئىشلەتمەكچى بولسىڭىز، دوختۇرلار تور بېكىتى ياكى dohturlar.com دىن ئېلىنغانلىقىنى ۋەيا بىز ئەسكەرتكەن مەزمۇننىڭ ئەسلى مەنبەسىنى ئەسكەرتىپ قويۇشىڭىزنى چىن دىلىمىزدىن ئۈمىد قىلىمىز. ئەمگەك مېۋىسىگە ھۆرمەت قىلىڭ.

نۇر دوختۇر Doctor Nur
نۇر دوختۇر Doctor Nurhttp://dohturlar.com
تەن ساقلىق، زور بايلىق. دوختۇرلۇق مېنىڭ كەسپىم، تور بەت لايىھەلەش مېنىڭ قىزىقىشىم، بۇ ئىككىسىنى بىرلەشتۈرۈپ خەلقىم ئۈچۈن بىراز ئىش قىلىپ بېرەلىسەملا مېنىڭ ئەڭ چوڭ خوشاللىقىم بولىدۇ!

مۇناسىۋەتلىك تېمىلار

قالدۇرۇلغان باھالار

سۆز قالدۇرۇش

Please enter your comment!
Please enter your name here

سوتسىيال تاراتقۇلىرىمىز

1,659FansLike
697FollowersFollow
1,860SubscribersSubscribe

يېڭى مەزمونلار

مەخسۇس سەھىپىلەر