ساغلاملىق زور بايلىق
ساغلاملىق زور بايلىق

ئەرلەردىكى بېسىمنى يېنىكلىتىشنىڭ ئالتە تەدبىرى

ئەرلەر خىزمەت ۋە تۇرمۇشتا نۇرغۇنلىغان پىسخىك بېسىمغا ئۇچرايدۇ، پىسخىك بېسىمنى يېنىكلىتىشتە، تۆۋەندىكى ئۇسۇللارنى سىناپ كۆرۈڭ:

ئەرلەردىكى بېسىمنى يېنىكلىتىشنىڭ ئالتە تەدبىرى

1. دىققىتىڭىزنى باشقا ئىشلارغا بۇراڭ رەسىم سىزىش، ھۆسىن خەت يېزىش، شاھمات ئويناش، چېنىقىش، كۆڭۈل ئېچىش قاتارلىقلار كىشىگە تۇرمۇشتا خۇشاللىق ئاتا قىلىپ، كۆڭۈلنى ئازادە قىلىدۇ. سەمىڭىزدە بولسۇنكى، دۇنيادىكى نۇرغۇنلىغان داڭلىق گۈزەل – سەنئەت ئەسەرلىرى، مۇزىكا ئىجادىيەتلىرى ۋە ئەدەبىي ئەسەرلەرنى كۆڭلىنى ئەركىن – ئازادە تۇتىدىغان ئەرلەر ئىجاد قىلغان.

2. دەردىڭىزنى تۆكۈۋېلىڭ كىشىنى بۇرۇختۇرۇم قىلىدىغان ئىشلارنى كۆڭۈلگە سىغدۇرۇۋەرسە، ئادەمنى جىمغۇرلاشتۇرۇپ قويىدۇ. دائىم باشقىلارغا دەرد تۆكۈش، بەلكىم تەبىئىتىڭىزگە يات بولۇشىمۇ مۇمكىن. ئەمما يېقىن دوستىڭىزغا دەردلىرىڭىزنى تۆكۈپ، ئىچىڭىزنى بوشىتىپ، پىسخىك بېسىمىڭىزنى ئورتاقلاشسىڭىز، ئۆزىڭىزنى بىردىنلا يەڭگىللەپ قالغاندەك ھېس قىلىسىز.

3. خىزمەت جىددىيلىكىنى پەسەيتىڭ ئەگەر جىددىي خىزمەت تۈپەيلىدىن بېسىم ھېس قىلغان بولسىڭىز، قولىڭىزدىكى ئىشنى بىر دەم تاشلاپ قويۇپ، بەش – ئون مىنۇت جىمجىت ئولتۇرۇپ ئارام ئېلىۋېلىڭ. جىمجىت ئولتۇرغىنىڭىزدا، يۈرەك سوقۇشىڭىز ئاستىلاپ، قان بېسىمىڭىز تۆۋەنلەپ، روھىي ھالىتىڭىزدىكى جىددىيلىك روشەن ياخشىلىنىدۇ.

4. قاقاقلاپ كۈلۈڭ يۇمۇرلار توپلىمى ياكى كۈلدۈرگە فىلىملىرى قاتارلىق سىزنى كۈلدۈرەلەيدىغان نەرسىلەرنى كۆپرەك كۆرۈڭ. ئىچىڭىزدىن قاقاقلاپ كۈلگەن ۋاقتىڭىزدا، بەدىنىڭىزدىكى جىددىي كەيپىياتنى قوزغايدىغان بۆرەك ئۈستى بېزى ماددىسىنىڭ ئاجرىلىشى تېزلىكتە تۆۋەنلەيدۇ، بۇنىڭئۈنۈمى ياخشى بولىدۇ.

5. چېنىقىڭ بەلگىلىك سىجىللىقتىكى چېنىقىش ئارقىلىق بېسىمنى يېنىكلەتكىلى، پۈتۈن بەدەننى بوشاتقىلى بولىدۇ. بەلكىم، چېنىقىشتىن كېيىنكى جانلىق تەپەككۇرنىڭ تۈرتكىسىدە ‹‹كۆڭلىڭىز يورۇپ كەتكەندەك›› بولۇپ، سىز يولۇققان قىيىن مەسىلىلەر بىر يولىلا ھەل بولۇشى مۇمكىن. لېكىن، ئۆزىڭىزگە ماس كېلىدىغان چېنىقىش ئۇسۇلىنى تاللاڭ، قارىسىغا چېنىقسىڭىز ئۈنۈمى بولمايدۇ.

6. ۋاز كېچىشنى ئۆگىنىۋېلىڭ ئەرلەرنىڭ تۇرمۇشتىكى ھەممە ئىشتا ئۆزىنى كۆرسىتىشكە ئامراق بولۇشى، ئۇلارنىڭ ئۆمرىنىڭ ئاياللاردىن قىسقابولۇشىدىكى سەۋەبلەرنىڭ بىرىدۇر. ئۆزىگە زورمۇزور بېسىم يۈكلەش ئاقىۋەتتە كىشىنى زورۇقتۇرۇپ قويىدۇ. ئەمەلىيەتتە، ئۆزىنىڭ ئادەتتىكى بىر ئادەم ئىكەنلىكىنى ئېتىراپ قىلىش ئەرلىك غۇرۇرغازىيان يەتكۈزگەنلىك بولمايدۇ. گەرچە رېئال تۇرمۇشتا، ئەرلەرنىڭ مۇۋەپپەقىيەت قازانغانلىقىنى دەڭسەشتە ئۇلارنىڭ كەسىپتە نەتىجە قازىنىش – قازىنالماسلىقى ئۆلچەم قىلىنسىمۇ، لېكىن ھەر ۋاقىت ئۇنداق بولۇشى ناتايىن. ۋاز كېچىشكە توغرا كەلگەندە ۋاز كېچىش كېرەك. ۋاز كېچىش ھەرگىزمۇ ئىقتىدارسىزلىقتىن دېرەك بەرمەيدۇ، چۈنكى تۇرمۇشتا نۇرغۇن تاللاشلار بولىدۇ.

ئەنىۋەر موللامەت تەييارلىغان

سەمىمىي ئەسكەرتىش


  1. بىكەتتىكى مەزمونلار تورداشلارنىڭ پايدىلىنىشى، ساغلاملىققا بولغان تونۇشىنى ئاشۇرۇش ئۈچۈن تەمىنلەنگەن ئۇچۇرلاردۇر. ئەمما 100 دە 100 لىق دىئاگنوز ئاساسى بولالمايدۇ. چۈنكى بىر ئادەمنىڭ كېسەل ئالامىتى يەنە بىر ئادەمنىڭكىگە ئوخشىمايدۇ. شۇڭا بەدەندە كېسەللىك ئالامەتلىرى كۆرۈلگەندە چوقۇم، دوختۇر بىلەن يۈز تۇرانە مەسىلىھەت ئېلىشىڭىزنى، مۇنتىزىم دوختۇرخانىدا تەكشۈرتۈشىڭىزنى تەۋسىيە قىلىمىز.
  2. ياكى تور بېكىتىمىزدىكى مەزمونلارنى شەخسىي بېتىڭىزدە ئىشلەتمەكچى بولسىڭىز، دوختۇرلار تور بېكىتى ياكى dohturlar.com دىن ئېلىنغانلىقى توغرىسىدا مەنبەسىنى ئەسكەرتىپ قويۇشىڭىزنى چىن دىلىمىزدىن ئۈمىد قىلىمىز. ئۇيغۇر ئۇيغۇرنى قوللاپ، ئۇيغۇرنىڭ ئەمگەك مىۋىسىنى قوغدىشى، قىممىتىنى نامايەن قىلىشى كېرەك. بىكەتتىكى ھەربىرماقالە دوختۇرلىرىمىزنىڭ كىچە كىچە ئولتۇرۇپ، ئايرىم ۋاقىت چىقىرىپ يېزىلغان، قان تەرىگە كەلگەن ئەمگەك مىۋىسىدۇر . ئەگەر سودا ئىشلىرىغا ئىشلەتمەكچى بولسىڭىز، بېكىتىمىزنىڭ مەسئۇللىرى ياكى ئەسلى ئاپتور يازار بىلەن ئالاقىلىشىڭ.
نۇر دوختۇر Doctor Nurhttp://www.dohturlar.com
تەن ساقلىق، زور بايلىق. دوختۇرلۇق مېنىڭ كەسپىم، تور بەت لايىھەلەش مېنىڭ قىزىقىشىم، بۇ ئىككىسىنى بىرلەشتۈرۈپ خەلقىم ئۈچۈن بىراز ئىش قىلىپ بېرەلىسەملا مېنىڭ ئەڭ چوڭ خوشاللىقىم بولىدۇ!

مۇناسىۋەتلىك تېمىلار

قالدۇرۇلغان باھالار

سۆز قالدۇرۇش

Please enter your comment!
Please enter your name here

سوتسىيال تاراتقۇلىرىمىز

1,249FansLike
163FollowersFollow
1,600SubscribersSubscribe

يېڭى مەزمونلار

spot_img