دوختۇرلار تورى

تەن ساقلىق زور بايلىق

ئىلمىي غىزالانماسلىق كەلتۈرۈپ چىقىرىدىغان كېسەللەر

كۈندە ئۈچ ۋاق تاماق يىيىش، ئارىلىقلىرىدا كىچىك يېمەكلەرنى، تاتلىق تۈرۈم ياكى باشقا غىزالارنى يىيىش تۇرمۇشىمىزنىڭ بىر قىسمى. ئاغزىمىزدىن ھەممە نەرسە كىرىدۇ. شۇڭا ئىلمىي غىزالىنىش بىز ئۈچۈن بەكلا مۇھىم. ئەگەر ئىلمىي غىزالانمىساق، تۆۋەندىكى كېسەللىكلەر كېلىپ چىقىدۇ.

سېمىزلىك

تاماقنى بەك تويغۇچە يېگەندە قاندىكى شېكەر مىقدارى، ئامىنو كىسلاتاسى ۋە ياغ كىسلاتاسىنىڭ قويۇقلۇقى ئېشىپ كېتىدۇ، بۇنىڭغا كەچلىك ھەرىكەتنىڭ ئازىيىشى قوشۇلسا ئىنسۇلىننىڭ ياردىمىدە ياغقا ئايلىنىپ، ئادەم بارا – بارا سەمرىشكە باشلايدىكەن.

قاندىكى ياغ تەركىبى ئېشىپ كېتىش ۋە يۇقىرى قان بېسىمى

تەتقىقاتتا ئىسپاتلىنىشىچە، كەچلىك تاماقتا دائىم گۆش ئىستېمال قىلىدىغانلارنىڭ قاندىكى ياغ مىقدارى دائىم گۆشسىز تاماق ئىستېمال قىلىدىغانلارنىڭكىگە قارىغاندا ئۈچ – تۆت ھەسسە يۇقىرى بولىدىكەن. شۇڭا، قاندىكى ياغ مىقدارى، قان بېسىمى يۇقىرى كىشىلەر كەچلىك تاماقتا دائىم گۆش ئىستېمال قىلسا كېسەلنى ئېغىرلاشتۇرۇۋېتىدىكەن.

قەنت كېسىلى

ئوتتۇرا ياش ۋە ياشانغانلار تاماقنى بەك تويغۇچە يېسە، ئىنسۇلىننىڭ تەكرار ئاجرىلىشىغا سەۋەبچى بولۇپ، ئاسانلا قەنت كېسىلىنىڭ پەيدا بولۇشىنى كەلتۈرۈپ چىقىرىدىكەن.

تاجىسىمان يۈرەك كېسىلى

ئىستېمال قىلىنغان ئىسسىقلىق مىقدارى زىيادە كۆپ بولسا، قاندىكى خولېستېرىن مىقدارى ئېشىپ كېتىپ، قان تومۇر دىۋارىدا جۇغلىنىپ، ۋاقىتنىڭ ئۇزىرىشى بىلەن قان تومۇرلار قېتىشىپ، تاجىسىمان يۈرەك كېسىلىنى پەيدا قىلىدىكەن.

جىددىي خاراكتېرلىك ئاشقازان ئاستى بېزى يەللىكى

كەچلىك تاماقنى بەك تويغۇچە يېگەندە، جىددىي خاراكتېرلىك ئاشقازان ئاستى بېزى ئوڭايلا يەللىكلىنىپ، ئۇخلاۋاتقاندا شۈك بولۇپ قېلىش ئەھۋاللىرى يۈز بېرىدىكەن. ئەگەر ئۆت يولىدا تاش بولسا توسۇلۇش، سازاڭسىمان مەددە، ئاستا خاراكتېرلىك يەللىكلىنىش قاتارلىقلار تۈپەيلىدىن ئاسانلا جىددىي خاراكتېرلىك ئاشقازان ئاستى بېزى يەللىكى قوزغىلىدىكەن.

ئۈچەي راكى

تاماقنى ۋاقتىدا يېمىگەندە قىسمەن ئاقسىل ھەزىم قىلىنماي، ئارتۇقچە ئاقسىل ئۈچەي يولىدىكى باكتېرىيەنىڭ رولىدا بىر خىل زەھەرلىك ماددا پەيدا قىلىدىكەن. بۇنىڭغا ئۇخلىغان ۋاقىتتىكى ئۈچەي خىزمىتىنىڭ ئاستىلىشى قوشۇلسا، زەھەرلىك ماددىلارنىڭ ئۈچەيدە تۇرۇش ۋاقتى ئۇزۇراپ، چوڭ ئۈچەي راكىنىڭ پەيدا بولۇشىنى تېزلىتىدىكەن.

سۈيدۈك يولىدا تاش پەيدا بولۇش

تەتقىقاتلاردا ئىسپاتلىنىشىچە، ئۇزاق مەزگىل كەچلىك تاماقنى بەك ۋاقچە يېگەندە سۈيدۈك يولىدا تاش پەيدا بولۇشنى كەلتۈرۈپ چىقىرىدىكەن. چۈنكى سۈيدۈك يولىدا تاش پەيدا قىلغۇچى ئاساسلىق تەركىب كالتسىي بولۇپ، يېمەكلىك تەركىبىدىكى كالتسىينىڭ بىر قىسمىنى ئۈچەي دىۋارلىرى سۈمۈرگەندىن سىرت، كۆپ قىسمى بەدەن سىرتىغا چىقىرىلىدىكەن. ئەگەر كەچلىك تاماق بەك ۋاقچە يېيىلسە سۈيدۈك بەدەن سىرتىغا ۋاقتىدا چىقىرىلماي، سۈيدۈك يولىدا تاش پەيدا قىلىدىكەن.

نېرۋا ئاجىزلىق

كەچلىك تاماقنى بەك تويۇپ يېگەندە ئاشقازان ۋە ئۈچەينىڭ يۈكى ئېغىرلىشىپ، چوڭ مېڭىنىڭ غىدىقلىنىشى بىلەن ئادەمنىڭ ئۇيقۇسى قېچىپ، ئاسانلا نېرۋا ئاجىزلىقىنى كەلتۈرۈپ چىقىرىدىكەن.

مەزكۈر مەزمون قوشۇلغان ۋاقىت: 2020-05-10

مەزكۈر مەزمون ئاخىرقى قېتىم يېڭىلانغان ۋاقىت: 2020-09-30 / 04:22:37

سەمىمىي ئەسكەرتىش
بىكەتتىكى مەزمۇنلار تورداشلارنىڭ پايدىلىنىشى، ساغلاملىققا بولغان تونۇشىنى ئاشۇرۇش ئۈچۈن تەمىنلەنگەن ئۇچۇرلاردۇر. ئەمما دىئاگنوز ئاساسى بولالمايدۇ. ئوخشىمىغان بىماردا ئوخشىمىغان ئالامەتلەر كۆرۈلىدۇ ۋە دىئاگنوزى ئوخشىمايدۇ. شۇڭا بەدەندە كېسەللىك ئالامەتلىرى كۆرۈلگەندە چوقۇم مۇنتىزىم دوختۇر بىلەن يۈز تۇرانە مەسىلىھەت ئېلىشىڭىزنى، دوختۇرخانىدا تەكشۈرتۈشىڭىزنى تەۋسىيە قىلىمىز.

باشقا يەرلەردىن ئېلىنغان بەزى مەزمۇنلار، رەسىملەرنىڭ ئەسلى مەنبەسىنى ئەسكەرتىشكە تىرىشتۇق. باشقا يەردىن ئېلىنغان مەزمۇنلار پەقەت شۇ ئاپتور يازارنىڭ ئۆز كۆز قارىشىنى ئىپادىلەيدۇ، بېكىتىمىزنىڭ مەيدانىغا ۋەكىللىك قىلالمايدۇ. بۇنىڭدىن سىرت، ئەگەر ئەسەرنىڭ ئەسلى ئاپتورى ماقالىنىڭ تور بېكىتىمىزدە ئېلان قىلىنغانلىقى ئۆزىنىڭ شەخسىي مەنپەئىتىگە دەخلى قىلىندى دەپ ئويلىسا، بىز بىلەن ئالاقىلاشسىڭىز، ئەڭ قىسقا ۋاقىت ئىچىدە بىكەتتىن ئۆچۈرۋەتسەك بولىدۇ.

تور بېكىتىمىزدىكى مەزمۇنلارنى شەخسىي بېتىڭىزدە ئىشلەتمەكچى بولسىڭىز، دوختۇرلار تور بېكىتى ياكى dohturlar.com دىن ئېلىنغانلىقىنى ۋەيا بىز ئەسكەرتكەن مەزمۇننىڭ ئەسلى مەنبەسىنى ئەسكەرتىپ قويۇشىڭىزنى چىن دىلىمىزدىن ئۈمىد قىلىمىز. ئەمگەك مېۋىسىگە ھۆرمەت قىلىڭ.

نۇر دوختۇر Doctor Nur
نۇر دوختۇر Doctor Nurhttp://dohturlar.com
تەن ساقلىق، زور بايلىق. دوختۇرلۇق مېنىڭ كەسپىم، تور بەت لايىھەلەش مېنىڭ قىزىقىشىم، بۇ ئىككىسىنى بىرلەشتۈرۈپ خەلقىم ئۈچۈن بىراز ئىش قىلىپ بېرەلىسەملا مېنىڭ ئەڭ چوڭ خوشاللىقىم بولىدۇ!

مۇناسىۋەتلىك تېمىلار

قالدۇرۇلغان باھالار

سۆز قالدۇرۇش

Please enter your comment!
Please enter your name here

سوتسىيال تاراتقۇلىرىمىز

1,599FansLike
697FollowersFollow
1,850SubscribersSubscribe

يېڭى مەزمونلار

مەخسۇس سەھىپىلەر