دوختۇرلار تورى

تەن ساقلىق زور بايلىق

مەيدىسى كۆيگەندەك بولسا، قەيەردىن چاتاق چىققان بولىدۇ؟

بەزىدە، يېمەكلىك يەپ سوغۇق ئۆتكۈزۈۋالغاندا، ئاچ قورساق قەھۋە ئىچكەندە ياكىمايدا پىشۇرۇلغان يېمەكلىكلەرنى كۆپرەك يېگەندىن كېيىن، بوغۇزىمىزدىن بىر خىل كىسلاتالىق سۇ يېنىپ، ناھايىتى بىئارام قىلىدۇ. بەزىدە مەيدىمىزدىن ئوت يېنىۋاتقاندەك ھېس قىلىمىز، مانا بۇ مەيدە كۆيگەندەك بولۇشنىڭ ئالامەتلىرى.

كىشىلەر دائىم ئېيتىدىغان «مەيدىسى كۆيگەندەك بولۇش»نىڭ يۈرەك بىلەن مۇناسىۋىتى يوق. نۇرغۇن كىشىلەر قارىسىغىلا بۇ خىل ئالامەتنىڭ يۈرەك بىلەن مۇناسىۋىتى بار، دەپ قارايدۇ. ئەمەلىيەتتە بۇنىڭ ئاشقازان بىلەن مۇناسىۋىتى بار. كۆپىنچە كىشىلەر «مەيدىسى كۆيگەندەك بولۇش»قا سەل قارايدۇ، بىئارام بولغاندا ئېسىگە كېلىپ، بىئاراملىق يوقالغاندا ئۇنتۇپ قالىدۇ. لېكىن «مەيدىسى كۆيۈش»نىڭ ھەزىم قىلىش يولى كېسەللىكلىرىنىڭ ئالامىتى ئىكەنلىكىنى بىلمەيدۇ.

ئادەمنىڭ مەيدىسى بىلەن قورساق قىسمىنىڭ ئارىسىدا ئىنتايىن مۇھىم بىر مۇسكۇل بار بولۇپ، بۇ قىزىلئۆڭگەچ قورۇغۇچى مۇسكۇل دەپ ئاتىلىدۇ. بىز بىر نەرسە يېمىگەندە ئۇ يىغىلىپ ئېتىك ھالەتتە تۇرۇپ، ئاشقازان كىسلاتاسى ئېقىپ چىقىشنىڭ ئالدىنى ئالىدۇ، لېكىن بەزىدە ئۇ كونتروللىقىنى يوقاتقاندا، ئاشقازان كىسلاتاسى كېكىردەكتىن ئېقىپ چىقىپ، كېكىردەك شىللىق پەردىسىگە تەسىر كۆرسىتىپ، مەيدە كۆيگەندەك بولىدۇ.

مەيدە قىزىش بىلەن يېمەكلىك ئىستېمال قىلىش مۇناسىۋەتلىك بولغاچقا، ئالدى بىلەن يېمەك-ئىچمەك جەھەتتە سۆزلىنىدۇ. تاماقنى ھەددىدىن زىيادە كۆپ ھەم تېز يەپ، كۆپ مىقداردا مايدا پىشۇرۇلغان، ئاچچىققاتارلىق غىدىقلىغۇچى يېمەكلىكلەرنى ئىستېمال قىىش، ستېروئىد بولمىغان دورىلارنى ئىستېمال قىلىشنىڭ ھەممىسى كېكىردەكنىڭ ئاستىنقى قىسمىدىكى قورۇغۇچى مۇسكۇلنىڭ بوشاپ كېتىشى ياكى ئاشقازان كىسلاتاسىنى ئاجرىتىپ چىقىرىشنى كەلتۈرۈپ چىقىرىدۇ. ئۇنىڭدىن قالسا ئۇيقۇ مەسىلىسى. كۆپچىلىككە ئايانكى، تاماقنى يەپ بولۇپلا دەرھال يېتىۋېلىشقا بولمايدۇ، ئەگەر تاماقنى يەپ بولۇپلا ئۇخلىغاندا، ئاشقازاننىڭ بېسىمى ئېشىپ كېتىپ، يېمەكلىك ئاسانلا كېكىردەككە ئېقىپ كىرىپ، ئاشقازان كىسلاتاسىمۇ بىرگە كېكىردەككە كىرىپ، مەيدە كۆيگەندەك سېزىم شەكىللىنىدۇ. ئەڭ ئاخىرىدا، بەزى كىسەللىكلەر كەلتۈرۈو چىقارغان مەيدە قىزىش. بۇ خىلدىكى كىشىلەر توپىغا نىسبەتەن ئېيتقاندا، مەيدىسى كۆيگەندەك بولۇش، بۇزۇلۇپ قالغان يېمەكلىكلەرنىيەۋېلىشنىڭلا ئىشى بولماستىن، سىزنىڭ ئاغرىپ قالغانلىقىڭىزنىكۆرسىتىدۇ. كىلىنكىدا نۇرغۇن ھەزىم يولى كېسەللىكلىرى سەۋەبىدىن مەيدە كۆيۈشنى كەلتۈرۈپ چىقىرىدىغانبولۇپ، مەسىلەن، ئاشقازان- قىزىلئۆڭگەچ تەتۈر ئېقىمى، ھەزىم خاراكتېرلىك يارا، ئاستا خاراكتېرلىك ئاشقازان ياللۇغى قاتارلىقلار.

قانداق قىلغاندا مەسىلىنى ھەل قىلىپ، كېسەلگە قارىتا دورا بەرگىلى بولىدۇ ؟

1. تاماقنىڭ مىقدارى ۋە تاماق يېيىش سۈرئىتىگە دىققەت قىلىش، تاماقنى بەك جىق، بەك تېز يېمەسلىك كېرەك. ئەتىگىنى ياخشى يېيىش، چۈشتە تويغۇدەك يېيىش، كەچتە ئاز يېيىش كېرەك.

2. يېيىشكە باشلىغاندا، بەدەندىكى ھەزىم قىلىش سىستېمىسى خىزمەت قىلىشقا باشلايدۇ، ئاشقازان كىسلاتاسىنىڭ ئاجرىلىپ چىقىشى كۆپىيىدۇ. شۇڭا بەك تويۇنۇپ تاماق يېمەسلىك، ئاسان ھەزىم بولىدىغان يېمەكلىكنى كۆپ يېيىش، پەۋقۇلئاددە ئاچچىق، زىيادە كىسلاتالىق، ئالاھىدە تاتلىق يېمەكلىكنى يېمەسلىك كېرەك.

3. تاماقتىن كېيىن ھەرىكەت قىلىشقا دىققەت قىلىش، تاماقتىن كېيىنلا ئېغىر ھەرىكەت قىلىشتىن ساقلىنىش كېرەك. تاماقتىن كېيىن يېرىم سائەتتىن بىر سائەتكىچە ئاستا مېڭىپ بەرسە، ھەزىم قىلىشقا پايدىلىق. تاماقتىن كېيىن بىر سائەتتىن ئىككى-ئۈچ سائەتكىچە ئاستا يۈگۈرۈش، ئورۇقلاش گىمناستىكىسى ئىشلەش، ۋېلىسپىت مىنىش قاتارلىق ئوتتۇرا دەرىجىدىكى ھەرىكەتلەرنى قىلسا بولىدۇ؛ يۇقىرى سىجىللىقتىكى ھەرىكەتلەرنى تاماقتىن كېيىن ئىككىسائەتتىن ئۈچ سائەتكىچە ئىشلىسە بولىدۇ.

4. ئاچ قورساق قەھۋە ئىچمەسلىك كېرەك.

تەڭرىتاغ تورى دىن ئېلىندى

مەزكۈر مەزمون قوشۇلغان ۋاقىت: 2022-04-29

مەزكۈر مەزمون ئاخىرقى قېتىم يېڭىلانغان ۋاقىت: 2022-04-16 / 07:20:51

سەمىمىي ئەسكەرتىش
بىكەتتىكى مەزمۇنلار تورداشلارنىڭ پايدىلىنىشى، ساغلاملىققا بولغان تونۇشىنى ئاشۇرۇش ئۈچۈن تەمىنلەنگەن ئۇچۇرلاردۇر. ئەمما دىئاگنوز ئاساسى بولالمايدۇ. ئوخشىمىغان بىماردا ئوخشىمىغان ئالامەتلەر كۆرۈلىدۇ ۋە دىئاگنوزى ئوخشىمايدۇ. شۇڭا بەدەندە كېسەللىك ئالامەتلىرى كۆرۈلگەندە چوقۇم مۇنتىزىم دوختۇر بىلەن يۈز تۇرانە مەسىلىھەت ئېلىشىڭىزنى، دوختۇرخانىدا تەكشۈرتۈشىڭىزنى تەۋسىيە قىلىمىز.

باشقا يەرلەردىن ئېلىنغان بەزى مەزمۇنلار، رەسىملەرنىڭ ئەسلى مەنبەسىنى ئەسكەرتىشكە تىرىشتۇق. باشقا يەردىن ئېلىنغان مەزمۇنلار پەقەت شۇ ئاپتور يازارنىڭ ئۆز كۆز قارىشىنى ئىپادىلەيدۇ، بېكىتىمىزنىڭ مەيدانىغا ۋەكىللىك قىلالمايدۇ. بۇنىڭدىن سىرت، ئەگەر ئەسەرنىڭ ئەسلى ئاپتورى ماقالىنىڭ تور بېكىتىمىزدە ئېلان قىلىنغانلىقى ئۆزىنىڭ شەخسىي مەنپەئىتىگە دەخلى قىلىندى دەپ ئويلىسا، بىز بىلەن ئالاقىلاشسىڭىز، ئەڭ قىسقا ۋاقىت ئىچىدە بىكەتتىن ئۆچۈرۋەتسەك بولىدۇ.

تور بېكىتىمىزدىكى مەزمۇنلارنى شەخسىي بېتىڭىزدە ئىشلەتمەكچى بولسىڭىز، دوختۇرلار تور بېكىتى ياكى dohturlar.com دىن ئېلىنغانلىقىنى ۋەيا بىز ئەسكەرتكەن مەزمۇننىڭ ئەسلى مەنبەسىنى ئەسكەرتىپ قويۇشىڭىزنى چىن دىلىمىزدىن ئۈمىد قىلىمىز. ئەمگەك مېۋىسىگە ھۆرمەت قىلىڭ.

نۇر دوختۇر Doctor Nur
نۇر دوختۇر Doctor Nurhttp://dohturlar.com
تەن ساقلىق، زور بايلىق. دوختۇرلۇق مېنىڭ كەسپىم، تور بەت لايىھەلەش مېنىڭ قىزىقىشىم، بۇ ئىككىسىنى بىرلەشتۈرۈپ خەلقىم ئۈچۈن بىراز ئىش قىلىپ بېرەلىسەملا مېنىڭ ئەڭ چوڭ خوشاللىقىم بولىدۇ!

مۇناسىۋەتلىك تېمىلار

قالدۇرۇلغان باھالار

سۆز قالدۇرۇش

Please enter your comment!
Please enter your name here

سوتسىيال تاراتقۇلىرىمىز

1,686FansLike
697FollowersFollow
1,870SubscribersSubscribe

يېڭى مەزمونلار

مەخسۇس سەھىپىلەر