دوختۇرلار تورى

تەن ساقلىق زور بايلىق

قان بېسىمى كۈزىتىش خاتىرە جەدۋىلى – ئۇيغۇرچە – تۈركچە نۇسخىسى

قان بېسىمى كۈزىتىش خاتىرە جەدۋىلى
ئۇيغۇرچە – تۈركچە نۇسخىسى

Tansiyon takip formu

يۈرەك كېسىلى، قان بېسىمى كېسىلى بارلار، قان بېسىمى بىنورماللىقتىن شۈبھىلەنگەنلەر ئەگەر يۈرەك كېسەللىكى بۆلۈمىگە، ئىچكى كېسەللىكلەر بۆلۈمى ۋەيا ئائىلە دوختۇرىغا بېرىپ بۇ توغرىلىق كۆرۈنۈپ باقماقچى بولسىڭىز، ئامال بار بىرقانچە كۈن بۇرۇن (5-7 كۈن بولسا ئەڭ ياخشى) قان بېسىمىڭىزنى ئەتتىگەن ئاخشام ئۆلچەپ، « بىر دەپتەرگە ياكى ۋاراققا يېزىپ خاتىرە قالدۇرۇپ » ئاندىن بېرىڭ. چۈنكى شۇ دوختۇرلار سىزنىڭ قان بېسىمى خاتىرىڭىزگە ، بەدەن ئالامەتلىرىڭىزگە، بەدەن تەكشۈرۈشلەرگە ئاساسەن باھالاپ دىئاگنوز قويىدۇ. ئەگەر قان بېسىمىنى ئۆلچىمىگەن بولسىڭىز ۋەيا ئۆلچىدىڭىز ئەمما خاتىرلىمىدىڭىز پەقەت ئاغزاكىلا پالانى كۈنى قان بېسىمىم يۇقىرى چىقتى دىگەن تەغدىردىمۇ، دوختۇر سىزگە ئۆيگە قايتىپ، 5-6 كۈن ئۆلچەپ يېزىپ كېلىڭ ئاندىن كۆرۈپ باقىلى دەپ سىزنى قايتۇرۋېتىشى مۇمكىن. شۇڭا ئالدىن ئۆلچەش خاتىرە قالدۇرۇش بەك مۇھىم.

بۇ يەكشەنبە كۈنى بالىلىرىم سىرتقا ئېلىپ چىققىن دەپ بېشىمنى ئانچە ئاغرىتمىدى، شۇڭا 4-5 سائەت ۋاقىت چىقىرىپ بىر قان بېسىمى كۈزىتىپ خاتىرە قالدۇرۇش جەدۋىلىنى ياساپ قويدۇم. پ د ئەف، رەسىم، ۋورد ئۈچ خىل شەكىلدە تورغا يوللاپ قويدۇم. ئەگەر سىز، ۋەيا ئەتراپىڭىزدا مۇشۇنىڭغا ئىھتىياجى بار ياشانغان، كېسەل شۈبھىسى بار كىشىلەر بولسا، چۈشۈرۈپ قەغەز شەكىلدە تەييارلاپ بېرىڭ. سىزدىن كېتىدىغىنى 50 كۇرۇشلۇق قەغەز پۇلى. ئەمما ئۇ كىشى چوقۇم سىزدىن مىننەتتار بولىدۇ. ئۇ كىشى خاتىرىلەپ دوختۇرغا ئاپارسا، دوختۇرنىڭ، بىمارنىڭ كۆپ ۋاقتى تېجىلىدۇ، شۇ تېجەلگەن ۋاقىتتا تېخىمۇ كۆپ تەكشۈرۈشلەرنى قىلغىلى، تېخىمۇ تەپسىلىيرەك دىئاگنوز قويغىلى بولىدۇ.

1. بۇ جەدۋەل ئانچە مۇرەككەپ ئەمەس. ئاسانلا چۈشىنەلەيسىز. 120/80 دەپ قان بېسىمىڭىزنى ئۆلچىگەن بولسىڭىز، قان بېسىمى يۇقىرىسى دىگەن قۇرغا 120 نى يېزىڭ. قان بېسىمى تۆۋىنى دىگەن قۇرغا 80 نى يېزىڭ.

2. ئەتتىگەن ئاخشام ئۆلچەڭ، يىل ئاي كۈن ۋە سائەت ۋاقىتلىرىنى يېزىڭ. مەسىلەن 2022.2.20 8:30 دەپ ۋاقىتنى يازسىڭىز بولىدۇ.

3. يۈرەك رېتىمى قۇرىغا، شۇ ۋاقىتتىكى بىر مىنوتتا سوققان يۈرەك قېتىم سانىنى يېزىپ قويۇڭ. بۇمۇ پايدىلىق. بەلكىم سىزنىڭ رەقەملىك قان بېسىم ئۆلچىگۈچتە يۈرەك رېتىمىڭىزنى كۆرسىتىپ بېرىدۇ.

4. قوشۇمچە ئۇچۇرلار قىسمىغا، شۇ ۋاقىتتىكى بەزى مۇھىم دەپ بىلگەن ئىشلارنى يېزىپ قويسىڭىز بولىدۇ. مەسىلەن شۇ ۋاقىتتا قان بېسىمىڭىز يۇقىرى چىقتى، بېشىڭىز ئاغرىۋاتىدۇ، شۇنى يېزىڭ. قان شىكىرىنىمۇ ئۆلچىگەن بولسىڭىز، ئۇنىمۇ قوشۇمچە يېزىپ قويسىڭىز بولىدۇ دىگەندەك.

5. بىر كۈن ئىچىدە مەلۇم ۋاقىتتا بېشىڭىز بەك ئاغرىپ كەتكەن بولسا، كۆزىڭىز قىزىرىپ كەتكەن بولسا، ۋەيا قان بېسىمىڭىز يۇقىرىلاپ كەتتى ۋەيا چۈشۈپ كەتتى دەپ ھىس قىلسىڭىز، ئۆلچەڭ. ھەم ۋاقىتنى نەتىجىنى (نورمال بولسىمۇ يېزىپ قويۇڭ) ئالامەتلەرنى يېزىپ قويۇڭ. دوختۇرغا چوڭ پايدىسى تىگىدۇ.

6. جەدۋەلنى مەيلى قايسى دوختۇرغا (ئۇيغۇر دوختۇر بولسۇن، تۈرك دوختۇر بولسۇن، سىزگە ئەڭ يېقىن ساغلىق ئوچاغىدىكى چەتئەللىك دوختۇر بولسۇن) ئاپىرىڭ، بۇنى جەدۋەلنى ئاسانلا چۈشىنەلەيدۇ. ھەم خۇرسەن بولۇپ سىزگە يول كۆرسىتەلەيدۇ. بۇ ھەم سىز ئۆزىڭىزنىڭ سالامەتلىكىگە ئەھمىيەت بېرىدىغانلىقىڭىزدىن دىرەك بېرىدۇ.

مەن ئىشلىگەن ئاۋجىلار 7 نومۇرلۇق ئائىلە ساقلىقنى ساقلاش پونكىتىغا كەلگەن كېرەكلىك بولغانلارغا ھەقسىز تەمىنلەپ بېرىمەن.

كۆرۈشكىچە سالامەت بولۇڭ.

ھۆرمەت بىلەن:
نۇرمەمەت دانىش (نۇر دوختۇر)

چۈشۈرۈش ئادرىسى تۆۋەندە:
(ئۈچىلىسى كۆرۈنۈشى ئوخشاش، پەقەت فورماتى ئوخشىمايدۇ، ھەممىسى ئا4 قەغەز چوڭلۇقتا)

ئا4 قەغەز JPG رەسىملىك نۇسخىسى

http://dohturlar.com/wp-content/uploads/resimler/materiyallar/qan-besimi-kuzitish-jedwili-uyghurche-turkche.jpg

پ د ئەف نۇسخىسى:

http://dohturlar.com/wp-content/uploads/resimler/materiyallar/qan-besimi-kuzitish-jedwili-uyghurche-turkche-pdf.pdf

ۋورد نۇسخىسى:

http://dohturlar.com/wp-content/uploads/resimler/materiyallar/qan-besimi-kuzitish-jedwili-uyghurche-turkche-word.docx

 

مەزكۈر مەزمون قوشۇلغان ۋاقىت: 2022-02-23

مەزكۈر مەزمون ئاخىرقى قېتىم يېڭىلانغان ۋاقىت: 2022-02-23 / 10:56:41

سەمىمىي ئەسكەرتىش
بىكەتتىكى مەزمۇنلار تورداشلارنىڭ پايدىلىنىشى، ساغلاملىققا بولغان تونۇشىنى ئاشۇرۇش ئۈچۈن تەمىنلەنگەن ئۇچۇرلاردۇر. ئەمما دىئاگنوز ئاساسى بولالمايدۇ. ئوخشىمىغان بىماردا ئوخشىمىغان ئالامەتلەر كۆرۈلىدۇ ۋە دىئاگنوزى ئوخشىمايدۇ. شۇڭا بەدەندە كېسەللىك ئالامەتلىرى كۆرۈلگەندە چوقۇم مۇنتىزىم دوختۇر بىلەن يۈز تۇرانە مەسىلىھەت ئېلىشىڭىزنى، دوختۇرخانىدا تەكشۈرتۈشىڭىزنى تەۋسىيە قىلىمىز.

باشقا يەرلەردىن ئېلىنغان بەزى مەزمۇنلار، رەسىملەرنىڭ ئەسلى مەنبەسىنى ئەسكەرتىشكە تىرىشتۇق. باشقا يەردىن ئېلىنغان مەزمۇنلار پەقەت شۇ ئاپتور يازارنىڭ ئۆز كۆز قارىشىنى ئىپادىلەيدۇ، بېكىتىمىزنىڭ مەيدانىغا ۋەكىللىك قىلالمايدۇ. بۇنىڭدىن سىرت، ئەگەر ئەسەرنىڭ ئەسلى ئاپتورى ماقالىنىڭ تور بېكىتىمىزدە ئېلان قىلىنغانلىقى ئۆزىنىڭ شەخسىي مەنپەئىتىگە دەخلى قىلىندى دەپ ئويلىسا، بىز بىلەن ئالاقىلاشسىڭىز، ئەڭ قىسقا ۋاقىت ئىچىدە بىكەتتىن ئۆچۈرۋەتسەك بولىدۇ.

تور بېكىتىمىزدىكى مەزمۇنلارنى شەخسىي بېتىڭىزدە ئىشلەتمەكچى بولسىڭىز، دوختۇرلار تور بېكىتى ياكى dohturlar.com دىن ئېلىنغانلىقىنى ۋەيا بىز ئەسكەرتكەن مەزمۇننىڭ ئەسلى مەنبەسىنى ئەسكەرتىپ قويۇشىڭىزنى چىن دىلىمىزدىن ئۈمىد قىلىمىز. ئەمگەك مېۋىسىگە ھۆرمەت قىلىڭ.

نۇر دوختۇر Doctor Nur
نۇر دوختۇر Doctor Nurhttp://dohturlar.com
تەن ساقلىق، زور بايلىق. دوختۇرلۇق مېنىڭ كەسپىم، تور بەت لايىھەلەش مېنىڭ قىزىقىشىم، بۇ ئىككىسىنى بىرلەشتۈرۈپ خەلقىم ئۈچۈن بىراز ئىش قىلىپ بېرەلىسەملا مېنىڭ ئەڭ چوڭ خوشاللىقىم بولىدۇ!

مۇناسىۋەتلىك تېمىلار

قالدۇرۇلغان باھالار

سۆز قالدۇرۇش

Please enter your comment!
Please enter your name here

سوتسىيال تاراتقۇلىرىمىز

1,598FansLike
697FollowersFollow
1,850SubscribersSubscribe

يېڭى مەزمونلار

مەخسۇس سەھىپىلەر