Html code here! Replace this with any non empty raw html code and that's it.

قان قەنتى بەك يۇقىرى ياكى بەك تۆۋەن بولسا مېڭە زەخىملىنىدۇ

چوڭ مېڭە توقۇلمىلىرىغا نىسبەتەن ئېيتقاندا ، قاندىكى گلۇكوزا ئېنېرگىيە بىلەن تەمىنلەيدىغان بىردىنبىر ماددا بولغاچقا، قان قەنتىنىڭ بەك يۇقىرى ياكى بەك تۆۋەن بولۇشى چوڭ مېڭە ئىقتىدارىغا زور تەسىر كۆرسىتىدۇ

قان قەنتىنىڭ نورمال قىممىتى 3.9 –6.1 مىللىمول/لىتىر بولىدۇ . ئەگەر قان قەنتى 3.9 مىللىمول/لىتىردىن تۆۋەنلەپ كەتسە ، كلىنىكىدا تۆۋەن قان قەنتى، دەپ ئاتىلىدۇ. قان قەنتى تۆۋەن بولسا، ئادەتتە سىمپاتىك نېرۋا بىنورمال جانلىنىپ، يۈرەك سېلىش، ماغدۇرسىزلىنىش، تەرلەش، چىراي تاتىرىش، قورساق ئېچىش، تىترەش، كۆڭلى ئاينىش، قۇسۇش قاتارلىق ئالامەتلەر كۆرۈلىدۇ.

بۇنداق ئەھۋال كۆرۈلسە، ۋاقتىدا قەنت تولۇقلاپ، قان قەنتىنى تېز ئۆرلىتىپ نورمال ھالەتكە يەتكۈزۈش كېرەك. ئەگەر سەل قاراپ قەنت تولۇقلىمىسا ، قان قەنتى تېخىمۇ تۆۋەنلەيدۇ . قان قەنتى 1.5 مىللىمول/لىتىرغا چۈشسە، مېڭە توقۇلمىلىرى زەخىملىنىپ، ئېلېكترو ئېنسېفالوگراممىدا كۆزەتكەندە بىنورماللىق كۆرۈلىدۇ. قان قەنتى زىيادە تۆۋەنلەپ كەتسە، مېڭە پائالىيىتىگە زۆرۈر بولغان قەنت بىلەن يېتەرلىك تەمىنلەنمەي، مېڭىدىكى ئوكسىگېن مىقدارى تۆۋەنلەپ، مېڭىگە قان ۋە ئوزۇقلۇق يېتىشمەسلىكنى كەلتۈرۈپ چىقىرىدۇ.

ئەگەر قان قەنتى ئۆرلەپ 6.1 مىللىمول/لىتىردىن ئېشىپ كەتسە ھەمدە داۋاملىق بۇ ھالەتنى ساقلىسا ، زىيابىتۇس (دىئابېت) كېسىلىنى پەيدا قىلىدۇ. ئادەتتىكى ئەھۋالدا يۇقىرى قان قەنتى مېڭە توقۇلمىلىرىنى زەخىملەندۈرمەيدۇ. ئەمما قان قەنتى زىيادە ئۆرلەپ كەتسە، مېڭە توقۇلمىلىرى رىقابەت خاراكتېرلىك تورمۇزلىنىپ، نېرۋا ھۈجەيرىلىرىنىڭ ئۇچۇر يەتكۈزۈش سۈرئىتى ئاستىلايدۇ ھەمدە گلۇكوزا ھاسىلاتلىرى كۆپىيىپ، قان تومۇر دىۋارىغا توپلىنىپ، قان تومۇرلارنى تارايتىپ، نېرۋىغا قان ۋە ئوكسىگېن يېتىشمەسلىكنى كەلتۈرۈپ چىقىرىپ، نېرۋا ئىقتىدارىنى توسالغۇغا ئۇچرىتىدۇ. شۇڭا، قان قەنتىنى نورمال سەۋىيىدە ساقلاشقا ئالاھىدە ئەھمىيەت بېرىش كېرەك.

سەمىمىي ئەسكەرتىش


  1. بىكەتتىكى مەزمونلار تورداشلارنىڭ پايدىلىنىشى، ساغلاملىققا بولغان تونۇشىنى ئاشۇرۇش ئۈچۈن تەمىنلەنگەن ئۇچۇرلاردۇر. ئەمما 100 دە 100 لىق دىئاگنوز ئاساسى بولالمايدۇ. چۈنكى بىر ئادەمنىڭ كېسەل ئالامىتى يەنە بىر ئادەمنىڭكىگە ئوخشىمايدۇ. شۇڭا بەدەندە كېسەللىك ئالامەتلىرى كۆرۈلگەندە چوقۇم، دوختۇر بىلەن يۈز تۇرانە مەسىلىھەت ئېلىشىڭىزنى، مۇنتىزىم دوختۇرخانىدا تەكشۈرتۈشىڭىزنى تەۋسىيە قىلىمىز.
  2. ياكى تور بېكىتىمىزدىكى مەزمونلارنى شەخسىي بېتىڭىزدە ئىشلەتمەكچى بولسىڭىز، دوختۇرلار تور بېكىتى ياكى dohturlar.com دىن ئېلىنغانلىقى توغرىسىدا مەنبەسىنى ئەسكەرتىپ قويۇشىڭىزنى چىن دىلىمىزدىن ئۈمىد قىلىمىز. ئۇيغۇر ئۇيغۇرنى قوللاپ، ئۇيغۇرنىڭ ئەمگەك مىۋىسىنى قوغدىشى، قىممىتىنى نامايەن قىلىشى كېرەك. بىكەتتىكى ماقالىلەر دوختۇرلىرىمىزنىڭ كىچە كىچە ئولتۇرۇپ، ئايرىم ۋاقىت چىقىرىپ يېزىلغان، قان تەرىگە كەلگەن ئەمگەك مىۋىسىدۇر . ئەگەر سودا ئىشلىرىغا ئىشلەتمەكچى بولسىڭىز، بېكىتىمىزنىڭ مەسئۇللىرى ياكى ئەسلى ئاپتور يازار بىلەن ئالاقىلىشىڭ.
  3. باشقا يەرلەردىن ئېلىنغان بەزى مەزمونلار، رەسىملەرنىڭ ئەسلى مەنبەسىنى ئەسكەرتىشكە تىرىشتۇق. باشقا يەردىن ئېلىنغان مەزمونلار پەقەت شۇ ئاپتور يازارنىڭ ئۆز كۆز قارىشىنى ئىپادىلەيدۇ، بېكىتىمىزنىڭ مەيدانىغا ۋەكىللىك قىلالمايدۇ. بۇنىڭدىن سىرت، ئەگەر ئەسلى ئاپتور ئۆزىنىڭ شەخسىي مەنپەئىتىگە دەخلى قىلىندى دەپ ئويلىسا، بىز بىلەن ئالاقىلاشسىڭىز، ئەڭ قىسقا ۋاقىت ئىچىدە بىكەتتىن ئۆچۈرۋەتسەك بولىدۇ.
نۇر دوختۇر Doctor Nurhttp://www.dohturlar.com
تەن ساقلىق، زور بايلىق. دوختۇرلۇق مېنىڭ كەسپىم، تور بەت لايىھەلەش مېنىڭ قىزىقىشىم، بۇ ئىككىسىنى بىرلەشتۈرۈپ خەلقىم ئۈچۈن بىراز ئىش قىلىپ بېرەلىسەملا مېنىڭ ئەڭ چوڭ خوشاللىقىم بولىدۇ!

مۇناسىۋەتلىك تېمىلار

قالدۇرۇلغان باھالار

سۆز قالدۇرۇش

Please enter your comment!
Please enter your name here

سوتسىيال تاراتقۇلىرىمىز

1,249FansLike
647FollowersFollow
1,610SubscribersSubscribe

يېڭى مەزمونلار

spot_img