قانداق ۋاقىتتا جىددىي قۇتقۇزۇش بۆلۈمىگە بېرىش كېرەك؟

نورمالدا جىددىي قۇتقۇزۇش ئۆزىنىڭ نامىغا ئوخشاش، ئەسلىدە بەدەندە جىددىي كېسەللىك ئالامەتلىرى كۆرۈلۈپ، ھايات ماماتقا تەسىر يەتكەندە، ياكى بولمىسا بەزى بەدەندىكى ئالامەتلەرشۇ كىشىنى ھەقىقەتەن بەكلا قىينىغاندا بېرىش لازىم.

ئەمىسە، قايسى ئەھۋاللار جىددىي ئەھۋالغا ھىساب بولىدۇ؟ قايسى ئەھۋاللاردا جىددىي قۇتقۇزۇشقا بارساق بولىدۇ؟

  1. كۆكرەك قىسىمدا ئاغرىق بولغانلار، بولۇپمۇ كۆكرەككە تاش بېسىۋالغاندەك ئاغرىق ھىس قىلغانلار، ھەم بۇ ئاغرىق بىلەن بىللە سول مۈرىڭىزدە ئاغرىق بىلەن ئۇيۇشما بولسا. بۇ يۈرەك قان تومۇرىدا توسۇلۇش بولغان بولۇشى مۇمكىن. دەرھال جىددىي قۇتقۇزۇشقا بارمىسا يۈرەك توختاپ قىلىش ئىھتىماللىقى بولىدۇ.
  1. تۇيۇقسىز ھۇشىدىن كەتكەنلەر، گەپ قىلالمىغانلار، ياكى تۇيۇقسىز كىكەچلەپ قالغانلار، بىر تەرەپتىكى قول ياكى پۇت تۇيۇقسىز كۈچسىز بولۇپ بىر نەرسە تۇتالمىغان ياكى تۇيۇقسىز ئاقساپ ماڭىدىغان ئەھۋاللار. بۇ بەلكىم مېڭىگە قان چۈشۈپ قالغان بولۇشى مۇمكىن. ۋاقتىدا كۆرۈنۈپ ئالدىنى ئالمىسا ئېغىر پالەچ بولۇپ قېلىش ئىھتىماللىقى بولىدۇ.
  1. نەپىسى قىسىلىپ، نەپەس ئالالمىغانلار. بۇ خىل ئالامەتلەر كۆپىنچە زىققە كېسىلى، يۈرەك كېسىلى، ئۆپكىدە باشقا كېسەللىكى بولغان كىشىلەردە ھەم بۇنىڭدىن سىرت پىسخىكىسىدا مەسىلە بولغانلاردا كۆپ كۆرۈلىدۇ. ئەگەر بۇ تۈردىكى بىمارلارنىڭ يېنىدا نەپەس قىسىلىشىغا پايدا قىلىدىغان دورىلىرى بولمىسا، ياكى كار قىلمىغان بولسا، نەپىسى بەك قىسىلىپ كەتسە، جىددىي قۇتقۇزۇشقا بېرىپ بىقىش لازىم .
  1. مەلۇم دورا ياكى يىمەكتىن كىيىن بەدەندە زىيادە سىزىمچانلىق رىئاكسىيەسى كۆرۈلسە بولۇپمۇ، گەلدە، كۆزئەتراپىدا، بەدەندە قىزىرىش، ئىششىش، قىچىشىش ئەھۋاللىرى كۆرۈلسە چوقۇم جىددىي قۇتقۇزۇشقا بېرىڭ.
  1. كۆپ مىقتاردا قىزىل قان قۇسسىڭىز، ياكى چوڭ تەرەتتە جىق مىقتاردا قىزىل قان ، ياكى قاپقارا قۇيۇق چاپلاشقاق چوڭ تەرەت كۆرسىڭىز، ۋەياكى كىچىك تەرەتتە كۆپ مىقتاردا قىپقىزىل قان كۆرسىڭىز، جىددىي قۇتقۇزۇشقا بېرىپ بىقىڭ.
  1. سۆڭەك سۇنۇش، بەدەننىڭ بىر يېرى كېسىلىپ كىتىش ئەھۋاللىرىدا جىددىي قۇتقۇزۇشقا بېرىڭ.
  1. ئۆيدە قان بېسىمى ياكى قاندىكى قەنت مىقتارى زىيادە يۇقىرى چىقىپ كەتكەندە ياكى زىيادە تۆۋەن چۈشۈكپ كەتكەندە. ئەگەر ئۆيدىكى دورا ياكى باشقا ئۇسۇللار بىلەن نورماللاشتۇرالمىسڭىز، جىددىي قۇتقۇزۇش بۆلۈمىگە بېرىڭ.
  1. مەلۇم كېسەللىك سەۋەبىدىن بەدەن تېمپىراتۇرىسى 39 38.5 دىن ئېشىپ كەتكەندە، ئۆيدە تەبىئىي ئۇسۇللار بىلەن ياكى دورىلار بىلەن 39 دىن چۈشۈرەلمىسىڭىز جىددىي قۇتقۇزۇشقا بېرىڭ.
  1. بەدەندە ھەرقانداق بىر قىسىمدا قاتتىق ئاغرىق بولۇپ، قىسقا ۋاقىت ئىچىدە ساقايمىغانلار. مەسىلەن قوساقتىكى ئاغرىق، سوقۇر ئۈچەي ياللۇغى، ئاشقازان ئاستى بېزى ياللۇغى، جىددي ئۆت تاش ياللۇغى، بۆرەك تېشى قاتارلىقلار بولۇشى مۇمكىن.
  1. 2-3 كۈننىڭ ياقى چوڭ تەرەت بىلەن بىرگە يەلنىمۇ چىقىرالمىسىڭىز، بۇ ئۈچەي يوللىرى توسۇلۇپ قالغان بولۇشى مۇمكىن.
  1. كىچىك تەرەت قىلغىسى بار، ئەمما قىلالمىغانلار. تاشاق قىسمى نەچچە سائەت ئىچىدە تۇيۇقسىز ئاغرىش ئىششىش ئالامەتلىرى كۆرۈلگەنلەر چوقۇم جىددىي قۇتقۇزۇشقا بېرىش لازىم.
  1. ھامىلە ئاياللاردا ئەگەر قان چىقىپ كىتىش ئەھۋاللىرى كۆرۈلسە چوقۇم جىددىي قۇتقۇزۇشقا بېرىش لازىم.
  1. تۇيۇقسىز كۆزى كۆرمەي قالغانلار، قۇلاقتىن قان چىقىش بىلەن بىرگە ئاڭلاش سىزىمى تۇيۇقسىز يوقاپ كەتكەنلەر.
  1. بەدىنىڭىزدە بەزى ئاز كۆرۈلىدىغان كېسەللىكىڭىز بولسا )مەسىلەن راك، ئۆسمە، بۆرەك زەئىپلىشىش ( ياكى ئۇزۇن زاماندىن بېرى مۇھىم دورىلارنى ئىشلىتىۋاتقان بولسىڭىز (مەسىلەن قان سۇيۇقلاندۇرغۇچى دورا ئىشلەتكەنلەر)، ئۆزىڭىزنىڭ دوختۇرى قانداق ئەھۋالدا جىددىي قۇتقۇزۇشقا بېرىشنى تاپىلىغان بولسا، شۇ ۋاقىتتا بېرىڭ.

يۇقارىدا دەپ ئۆتكەن جىددىي ئالامەتلەر بەدەندە كۆرۈلگەندە ، قىسقا ۋاقىت ئىچىدە مۇناسىۋەتلىك ئورگانلارنى كاردىن چىقىرىشى مۇمكىن ھەتتا ھاياتىڭىزغا خەۋپ يېتىشى مۇمكىن. شۇڭا بەدەندە بۇ ئالامەتلەر كۆرۈلگەندە، كېچىكتۈرمەي جىددىي قۇتقۇزۇش بۆلۈمىگە بېرىش لازىم.

سەمىمىي ئەسكەرتىش


  1. بىكەتتىكى مەزمونلار تورداشلارنىڭ پايدىلىنىشى، ساغلاملىققا بولغان تونۇشىنى ئاشۇرۇش ئۈچۈن تەمىنلەنگەن ئۇچۇرلاردۇر. ئەمما 100 دە 100 لىق دىئاگنوز ئاساسى بولالمايدۇ. چۈنكى بىر ئادەمنىڭ كېسەل ئالامىتى يەنە بىر ئادەمنىڭكىگە ئوخشىمايدۇ. شۇڭا بەدەندە كېسەللىك ئالامەتلىرى كۆرۈلگەندە چوقۇم، دوختۇر بىلەن يۈز تۇرانە مەسىلىھەت ئېلىشىڭىزنى، مۇنتىزىم دوختۇرخانىدا تەكشۈرتۈشىڭىزنى تەۋسىيە قىلىمىز.
  2. ياكى تور بېكىتىمىزدىكى مەزمونلارنى شەخسىي بېتىڭىزدە ئىشلەتمەكچى بولسىڭىز، دوختۇرلار تور بېكىتى ياكى dohturlar.com دىن ئېلىنغانلىقى توغرىسىدا مەنبەسىنى ئەسكەرتىپ قويۇشىڭىزنى چىن دىلىمىزدىن ئۈمىد قىلىمىز. ئۇيغۇر ئۇيغۇرنى قوللاپ، ئۇيغۇرنىڭ ئەمگەك مىۋىسىنى قوغدىشى، قىممىتىنى نامايەن قىلىشى كېرەك. بىكەتتىكى ھەربىرماقالە دوختۇرلىرىمىزنىڭ كىچە كىچە ئولتۇرۇپ، ئايرىم ۋاقىت چىقىرىپ يېزىلغان، قان تەرىگە كەلگەن ئەمگەك مىۋىسىدۇر . ئەگەر سودا ئىشلىرىغا ئىشلەتمەكچى بولسىڭىز، بېكىتىمىزنىڭ مەسئۇللىرى ياكى ئەسلى ئاپتور يازار بىلەن ئالاقىلىشىڭ.
نۇر دوختۇر Doctor Nurhttp://www.dohturlar.com
تەن ساقلىق، زور بايلىق. دوختۇرلۇق مېنىڭ كەسپىم، تور بەت لايىھەلەش مېنىڭ قىزىقىشىم، بۇ ئىككىسىنى بىرلەشتۈرۈپ خەلقىم ئۈچۈن بىراز ئىش قىلىپ بېرەلىسەملا مېنىڭ ئەڭ چوڭ خوشاللىقىم بولىدۇ!

مۇناسىۋەتلىك تېمىلار

قالدۇرۇلغان باھالار

سۆز قالدۇرۇش

Please enter your comment!
Please enter your name here

سوتسىيال تاراتقۇلىرىمىز

997FansLike
163FollowersFollow
1,480SubscribersSubscribe

يېڭى مەزمونلار

مەزى بېزىنى ئۇۋۇلاش ئۇسۇلى

مەزى بېزىنى ئۇۋۇلاش ئۇسۇلى 前列腺按摩 prostate massage prostat masaj مەزى بېزى دوۋساقتىن چىققان سۈيدۈك يولىنى قورشاپ تۇرىدىغان، ئەرلەر كۆپىيىش نەسىللىنىش سىستېمىسىغا ئائىت...

B قان تىپى قىزىل قان ھۈجەيرىسى تۈزۈلۈش شەكلى

B قان تىپى قىزىل قان ھۈجەيرىسى تۈزۈلۈش شەكلى  قىزىل قان ھۈجەيرىسى پوستى ئۈستىدە ئاقسىلدىن تۈزۈلگەن ھەرخىل تىپتىكى ۋە شەكىلدىكى...

ھامىلدارلىق مەزگىلىدە بەدەن قىچىشىشقا سەل قارىماڭ

ھامىلدارلىقنىڭ ئوتتۇرا مەزگىلىدىن كېيىن ئاياللاردا بەدەن قىچىشىش ئالامىتى كۆرۈلىدۇ بۇ خىل بەدەن قىچىشىشھامىلدار ئاياللارنىڭ كۈندىلىك تۇرمۇشىغا ئېغىر دەرىجىدە تەسىر كۆرسىتدۇ بۇ مېدىتسىنا...

A قان تىپى قىزىل قان ھۈجەيرىسى تۈزۈلۈش شەكلى

A قان تىپى قىزىل قان ھۈجەيرىسى تۈزۈلۈش شەكلى    قىزىل قان ھۈجەيرىسى پوستى ئۈستىدە ئاقسىلدىن تۈزۈلگەن ھەرخىل تىپتىكى ۋە شەكىلدىكى...

ئەيدىزدىن يۇقۇملىنىش يوللىرى رەسىملىك چۈشەندۈرلۈشى

ئەيدىزدىن يۇقۇملىنىش يوللىرى رەسىملىك چۈشەندۈرلۈشى ئەيدىز ۋىرۇسىغا يۇقۇملانغاندا بەدەننىڭ ئىممۇنىتىت كۈچى تۆۋەنلەپ كېتىدۇ. ئەيدىز ۋىرۇسىدىن يۇقۇملىنىشنىڭ ئالدىنى ئېلىش ئۈچۈن...