قايسى خىل دورىلار ياشانغانلاردا ئاسان مەسىلە پەيدا قىلىدۇ

ھېپارىن (گەنسۇ 素肝) 60 ياشتىن ئاشقانلار بۇ دورىنى ئىشلەتكەندىن كېيىن قاناش كۆپ يۈز بېرىدۇ، بولۇپمۇ ئاياللاردا بۇ خىل ئەھۋال كۆپ كۆرۈلىدۇ. بۇنىڭ سەۋەبى ئېنىق ئەمەس، دورا ئىشلىتىۋاتقان مەزگىلدە قاناش ئەھۋالىنى تەكشۈرۈپ تۇرۇش ھەمدە قان پلاستىكىلىرىنىڭ ئىقتىدارىغا قارشى دورىلار(ئاسپىرىن) نى ئىچمەسلىك كېرەك.

ۋارفالىن (خۇافالىن 林法华) بۇ دورىنى ياشانغانلار ئىشلەتكەندىن كېيىن تەسىرى ۋە ئەكس تەسىرى بىردەك كۈچلۈك بولىدۇ، بۇ ياشانغانلارنىڭ قان پلازما ئاقسىل مىقدارىنىڭ تۆۋەنلەپ كېتىشى ياكى ياشانغانلارنىڭ ۋارفالىن دورىسىغا بولغان سەزگۈرلۈكى بىلەن مۇناسىۋەتلىك بولۇشى مۇمكىن. دورا ئىشلىتىش جەريانىدا قاناش (چوڭ، كىچىك تەرىتىدىن قان كېلىش) ئالامەتلىرىنى كۆزەتكەندىن باشقا، يەنە قاننىڭ ئۇيۇش ۋاقتىنىمۇ ئۆلچىتىپ تۇرۇش كېرەك.

فېنتوئىن ناترىي (بېنتويىڭنا 钠英妥ى) تۆۋەن ئاقسىللىق قان كېسىلى ياكى بۆرەك ئىقتىدارى تۆۋەنلەپ كەتكەن ياشانغانلاردا نېرۋا ياكى قاندىكى ئەكس تەسىرى كۈچلۈك بولىدۇ. بۇنداق بولۇشىغا فېنتوئىن ناترىينىڭ قان پلازما ئاقسىلىنىڭ بىرىكىشىگە بولغان ئۈنۈمىنىڭ بىر قەدەر يۇقىرىلىقى سەۋەب بولىدۇ. شۇڭا، ياشقا قاراپ دورا مىقدارىنى ئازايتىش كېرەك.

ئامىتېرىن، ئىمپرامىن (بىڭمىچىن 嗪咪ۋ، ئامىتىلىن 林替米阿) كۆپ قىسىم ياشانغانلاردا بۇ دورىنى ئىچكەندىن كېيىن خاتىرجەمسىزلىنىش، ئۇيقۇسىزلىق، ئۇنۇتقاقلىق، ھاياجانلىنىش، يۆنىلىشنى پەرقلەندۈرۈشى توسالغۇغا ئۇچراش، خىيالچانلىق قاتارلىق كېسەل ئالامەتلىرى كۆرۈلىدۇ. بۇ ياشانغانلارنىڭ نېرۋا سىستېمىسى ئىقتىدارى بىلەن مۇناسىۋەتلىك بولۇشى مۇمكىن. بۇ خىل ئالامەتلەر يۈز بەرگەندە دورىنى توختىتىش كېرەك.

پېنسىلىن (چىڭمېيسۇ 素霉青) ياشانغانلار بۆرىكىنىڭ ئاجرىتىپ چېقىرىش ئىقتىدارى چىكىنىپ كەتكەن، چىقىرىشچانلىقى ئاستا، قېنىنىڭ قويۇقلۇقى يۇقىرى بولغاچقا، ئاسانلا مەركىزىي نېرۋىدا زەھەرلىنىش ئىنكاسى كۆرۈلىدۇ. مەسىلەن، تۇتقاقلىق ۋە ھوشىدىن كېتىش قاتارلىقلار. ئەگەر ياشانغانلارغا كۆپ مىقداردا پېنسىلىن ئىشلىتىش توغرا كەلسە، بۆرەكنىڭ ئىقتىدارىغا قاراپ دورا مىقدارىنى ئازايتىش ياكى دورا ئىشلىتىش ئارىلىقىنى ئۇزارتىش كېرەك.

پۇنەيلوئېر (尔洛萘普) ياشانغانلارنىڭ جىگەر ئىقتىدارىدا ئۆزگىرىش يۈز بېرىش، قان پلازما ئاقسىلى تۆۋەنلەپ كېتىش قاتارلىق سەۋەبلەردىن دورىنىڭ ئەكس تەسىرى كۈچلۈك بولىدۇ، مەسىلەن، باش ئاغرىش، باش قېيىش، ئۇيقۇسىراش، يۈرەك ھەرىكىتى ئاستىلاش، تۆۋەن قان بېسىم، يۈرەكنىڭ ئۇزىتىشى توسالغۇغا ئۇچراش قاتارلىق ئالامەتلەر كۆرۈلىدۇ.

تۆمۈر تەركىبلىك دورىلار ياشانغانلار بۇ خىلدىكى دورىلارنى ئىشلەتكەندە ئاشقازان كىسلاتاسىنىڭ ئاجرىلىپ چىقىرىلىشى ئاز بولۇشتىن يېتەرلىك سۈمۈرۈلمەي، داۋالاش ئۈنۈمى كۆرۈنەرلىك بولمايدۇ. شۇڭا، سۇيۇقلاندۇرۇلغان تۇز كىسلاتاسىنى بىرگە ئىچىش ياكى دورا مىقدارىنى كۆپەيتىش كېرەك.

لېۋودوپا (L – دوپا، زوشۈەندوبا غ多旋左) ئاسانلا كۈچلۈك ئەكس تەسىر پەيدا قىلىدۇ. مەسىلەن، تۆۋەن قان بېسىمى، باش قېيىش، كۆڭلى ئاينىش، قۇسۇش ئالامەتلىرى كۆرۈلىدۇ، بەزىدە ئەسەبىيلىك كېسىلى ئېغىرلاش، يۆنىلىشنى بەلگىلەش ئىقتىدارى توسالغۇغا ئۇچراش، خىيالپەرەسلىك قاتارلىق ئەھۋاللار كۆرۈلىدۇ. بۇ ۋاقىتتا دورا مىقدارىنى ئازايتىش ۋە ئەكس تەسىر يۈز بېرىش ئەھۋالىنى قاتتىق كۆزىتىش كېرەك.

سەمىمىي ئەسكەرتىش


  1. بىكەتتىكى مەزمونلار تورداشلارنىڭ پايدىلىنىشى، ساغلاملىققا بولغان تونۇشىنى ئاشۇرۇش ئۈچۈن تەمىنلەنگەن ئۇچۇرلاردۇر. ئەمما 100 دە 100 لىق دىئاگنوز ئاساسى بولالمايدۇ. چۈنكى بىر ئادەمنىڭ كېسەل ئالامىتى يەنە بىر ئادەمنىڭكىگە ئوخشىمايدۇ. شۇڭا بەدەندە كېسەللىك ئالامەتلىرى كۆرۈلگەندە چوقۇم، دوختۇر بىلەن يۈز تۇرانە مەسىلىھەت ئېلىشىڭىزنى، مۇنتىزىم دوختۇرخانىدا تەكشۈرتۈشىڭىزنى تەۋسىيە قىلىمىز.
  2. ياكى تور بېكىتىمىزدىكى مەزمونلارنى شەخسىي بېتىڭىزدە ئىشلەتمەكچى بولسىڭىز، دوختۇرلار تور بېكىتى ياكى dohturlar.com دىن ئېلىنغانلىقى توغرىسىدا مەنبەسىنى ئەسكەرتىپ قويۇشىڭىزنى چىن دىلىمىزدىن ئۈمىد قىلىمىز. ئۇيغۇر ئۇيغۇرنى قوللاپ، ئۇيغۇرنىڭ ئەمگەك مىۋىسىنى قوغدىشى، قىممىتىنى نامايەن قىلىشى كېرەك. بىكەتتىكى ھەربىرماقالە دوختۇرلىرىمىزنىڭ كىچە كىچە ئولتۇرۇپ، ئايرىم ۋاقىت چىقىرىپ يېزىلغان، قان تەرىگە كەلگەن ئەمگەك مىۋىسىدۇر . ئەگەر سودا ئىشلىرىغا ئىشلەتمەكچى بولسىڭىز، بېكىتىمىزنىڭ مەسئۇللىرى ياكى ئەسلى ئاپتور يازار بىلەن ئالاقىلىشىڭ.
نۇر دوختۇر Doctor Nurhttp://www.dohturlar.com
تەن ساقلىق، زور بايلىق. دوختۇرلۇق مېنىڭ كەسپىم، تور بەت لايىھەلەش مېنىڭ قىزىقىشىم، بۇ ئىككىسىنى بىرلەشتۈرۈپ خەلقىم ئۈچۈن بىراز ئىش قىلىپ بېرەلىسەملا مېنىڭ ئەڭ چوڭ خوشاللىقىم بولىدۇ!

مۇناسىۋەتلىك تېمىلار

قالدۇرۇلغان باھالار

سۆز قالدۇرۇش

Please enter your comment!
Please enter your name here

سوتسىيال تاراتقۇلىرىمىز

1,052FansLike
163FollowersFollow
1,490SubscribersSubscribe

يېڭى مەزمونلار