قېرىلىقتىكى دېۋەڭلىك

+ چوڭ خەت | - كىچىك خەت | ئۇيغۇرچە | кирил

ئىنسانلارنىڭ ھەممىسى تۇغۇلۇش – ئۆسۈپ يېتىلىش – بالاغەتكە يېتىش – قېرىش – ئۆلۈش جەريانىنى بېشىدىن كەچۈرىدۇ .

70 ~ 65 ياشقا بارغاندا ئادەملەر قېرىلىق باسقۇچىغا قەدەم قويىدۇ – دە ، ئالدى بىلەن كۆرۈش ۋە ئاڭلاش ئىقتىدارى توسقۇنلۇققا ئۇچرايدۇ . ئاندىن بەدەن ھەر تەرەپلىمە قېرىشقا باشلايدۇ . « ئىنسانلارنىڭ ئاڭلاش سېزىمى 15 يىلدىن كېيىن ، پۇراش سېزىمى 22 يىلدىن كېيىن ، تەم سېزىمى 29 يىلدىن كېيىن ئىقتىدارىنىڭ يېرىمى ئاجىزلىشىپ بولىدىكەن » . ئەقلىي ئىقتىدار ۋە روھىي جەھەتتىمۇ قېرىپ ئەستە تۇتۇش قابىلىيىتى ، سەزگۈرلۈكى ، ئاكتىپچانلىقى قاتارلىقلار ئاجىزلايدۇ . بىز ئادەتتە ئەقلىي ئىقتىدارى تۆۋەنلەشنى ئاساس قىلغان كېسەللىك ھالىتىنى « قېرىلىقتىكى دېۋەڭلىك » دەپ ئاتايمىز .

ئالامىتى : تەرەققىياتى ئاستا بولىدۇ ، تەدرىجىي يامانلىشىدۇ .

1) ئەستە تۇتۇش توسقۇنلۇققا ئۇچراش : قىلغان ئىشنى ، يېگەن تامىقىنى ، ئائىلە ئەزالىرىنىڭ ئىسىملىرىنى بىر – بىرلەپ تەدرىجىي ئۇنتۇشقا باشلايدۇ . بۇ ئەھۋال كۈنسېرى ئېغىرلىشىپ بارىدۇ .

2) تۇنۇش توسقۇنلۇققا ئۇچراش : چېسلا ، ئائىلىدىكى كىشىلەرنىڭ چىراي – شەكلى ، تۇرۇۋاتقان ئورنى قاتارلىقلارنى بىلەلمەيدۇ . سىرتلارغا چىققاندا دائىم ئېزىپ قېلىپ ، ئۆيىنى تاپالمايدۇ .

3) مىجەزى ئۆزگىرىش : سەزگۈسى ئاستىلايدۇ ، ئۆزىنى كونترول قىلالمايدۇ ، چوڭ – كىچىك تەرىتىنى باشقۇرالمايدۇ . ئەخلاقىي كۆز قارىشى يوقىلىدۇ .

4) روھىي ھالىتىدىكى ئۆزگىرىش : خامۇشلىشىدۇ ، تېرىكىدۇ ، ئېلىشىپ قېلىش كېسىلىنىڭ ئالامەتلىرى تەرەققىي قىلىپ ، خىيالىي بەربات بولۇش ، خىيالىغا كەلگەننى سۆزلەش قاتارلىق ئالامەتلەر كۆرۈلىدۇ . ئەگەر داۋاملىق تەرەققىي قىلسا ، تىل توسقۇنلۇققا ئۇچرايدۇ ۋە مىجەزى ئۆزگىرىپ كېتىدۇ .

سەۋەبى : چوڭ مېڭە يىگىلەشتىن كېلىپ چىقىدۇ .

مېڭە نېرۋا ھۈجەيرىلىرى يىگلەش ، ئالجېئرمىس ھۈجەيرە ئاساس تالالىرى ئۆزگىرىش تۈپەيلىدىن قېرىلىقتىكى دېۋەڭلىك كېسىلى كېلىپ چىقىدۇ . مېڭە يىگلەشنىڭ سەۋەبى ئېنىق ئەمەس . ئاياللاردا پەيدا بولۇش نىسبىتى ئەرلەرگە قارىغاندا يۇقىرى . مەزكۇر كېسەلنىڭ پەيدا بولۇشى ئادەمنىڭ مىجەزى ، ئىرسىيەت ئامىلى ، مۇھىت قاتارلىقلار بىلەنمۇ مۇناسىۋەتلىك بولۇشى مۇمكىن .

داۋالاش : فىزىئولوگىيىلىك جەھەتتىن قېرىشنى داۋالاپ ساقايتقىلى بولمايدۇ .

مەزكۇر كېسەلنى يىلتىزىدىن داۋالاپ ساقايتىش مۇمكىن ئەمەس . روھىي كېسەللىكلەر بۆلۈمى ۋە ياشانغانلار كېسەللىكلىرى دوختۇرخانىلىرىغا بېرىپ ، بالدۇر دىئاگنوز قويغۇزۇپ ، بالدۇر داۋالاتقاندا كېسەللىكنىڭ تەرەققىياتىنى ئاستىلاتقىلى بولىدۇ .

قېرىلىقتىن بۇرۇن كۆرۈلىدىغان دېۋەڭلىك

1. بالدۇر قېرىشتىن بولغان دېۋەڭلىك : 60 ~40 ياشلاردىكى كىشىلەردە قېرىلىقتىكى دېۋەڭلىك كېسىلىنىڭ ئالامەتلىرى تېز تەرەققىي قىلىدۇ . مەزكۇر كېسەلنىڭ ئالجېئرمىس كېسىلى ۋە مېڭە بۆلىكى يىگلەشتىن ئىبارەت ئىككى تىپى بار .

2. مېڭە قان تومۇر مەنبەلىك دېۋەڭلىك : يۇقىرى قان بېسىم ۋە مېڭە كەپلەشمىسى تۈپەيلىدىن خۇشاللىنىش ۋە غەزەبلىنىش ھالىتىدە چەكتىن ئېشىپ كېتىش ئەھۋالى كۆرۈلىدۇ . ئۆز ھېسياتىنى تىزگىنلىيەلمەسلىك مەزكۇر كېسەلنىڭ ئالاھىدىلىكىدۇر .

3. مېڭە ئۆسمىسى : ئۆسمىنىڭ ئالاھىدە ئورۇندا ئۆسۈشى سەۋەبىدىن دېۋەڭلىك ئالامەتلىرى كۆرۈلىدۇ . داۋالاپ ئەسلىگە كەلتۈرگىلى بولىدۇ .

4. قالقانسىمانبەزخىزمىتى تۆۋەنلەش : ئوتتۇرا ياشلىق ئاياللاردا سوزۇلما قالقانسىمانبەز ياللۇغى قوزغالغاندا ماغدۇرسىزلىنىش ، چارچاش ئالامەتلىرى كۆرۈلىدۇ .

5. ئۆمۈچۈك تورىسىمان پەردە ئاستى قاناش : ئالامەتلەر ئېغىرلاش تۈپەيلىدىن مېڭە – يۇلۇن سۇيۇقلۇقى ، مېڭە قېرىنچىسىدا يىغىلىپ قېلىپ ، مېڭە بېسىمى نورمال بولغان مېڭىگە سۇ يىغىلىش كېسىلىنى كەلتۈرۈپ چىقىرىدۇ – دە ، نەتىجىدە دېۋەڭلىك ئالامەتلىرى كۆرۈلىدۇ . دەسلەپكى مەزگىلدە داۋالىغاندا ساقايتقىلى بولىدۇ .

يۇقارىدىكى مەزمونغا قانداق قارايسىز؟
+1
0
+1
0
+1
0
+1
0
+1
0
+1
0
+1
0
مەزمون قوشۇلغان ۋاقىت: 2021-02-23

يېقىندا تەھرىرلەنگەن ۋاقىت: 2021-02-06 / 10:18:48

سەمىمىي ئەسكەرتىش
مەزكۇر بەتتىكى مەزمۇندا، ئىملادا خاتالىق بولسا، ۋەيا تولۇقلىما مەزمۇن تەمىنلەپ بېرىشنى خالىسىڭىز، ئاستىدىكى سۆز قالدۇرۇش قىسمىغا سۆز قالدۇرسىڭىز بولىدۇ. تاما تاما كۆل بولۇر. سىزنىڭ نامىڭىزنى قوشۇپ ئېلان قىلىمىز.

بىكەتتىكى مەزمۇنلار تورداشلارنىڭ پايدىلىنىشى، ساغلاملىققا بولغان تونۇشىنى ئاشۇرۇش ئۈچۈن تەمىنلەنگەن ئۇچۇرلاردۇر. ئەمما دىئاگنوز ئاساسى بولالمايدۇ. ئوخشىمىغان بىماردا ئوخشىمىغان ئالامەتلەر كۆرۈلىدۇ ۋە دىئاگنوزى ئوخشىمايدۇ. شۇڭا بەدەندە كېسەللىك ئالامەتلىرى كۆرۈلگەندە چوقۇم مۇنتىزىم دوختۇر بىلەن يۈز تۇرانە مەسىلىھەت ئېلىشىڭىزنى، دوختۇرخانىدا تەكشۈرتۈشىڭىزنى تەۋسىيە قىلىمىز.

باشقا يەرلەردىن ئېلىنغان بەزى مەزمۇنلار، رەسىملەرنىڭ ئەسلى مەنبەسىنى ئەسكەرتىشكە تىرىشتۇق. باشقا يەردىن ئېلىنغان مەزمۇنلار پەقەت شۇ ئاپتور يازارنىڭ ئۆز كۆز قارىشىنى ئىپادىلەيدۇ، بېكىتىمىزنىڭ مەيدانىغا ۋەكىللىك قىلالمايدۇ. بۇنىڭدىن سىرت، ئەگەر ئەسەرنىڭ ئەسلى ئاپتورى ماقالىنىڭ تور بېكىتىمىزدە ئېلان قىلىنغانلىقى ئۆزىنىڭ شەخسىي مەنپەئىتىگە دەخلى قىلىندى دەپ ئويلىسا، بىز بىلەن ئالاقىلاشسىڭىز، ئەڭ قىسقا ۋاقىت ئىچىدە بىكەتتىن ئۆچۈرۋەتسەك بولىدۇ.

تور بېكىتىمىزدىكى مەزمونلارنى شەخسىي بېتىڭىزدە ئىشلەتمەكچى بولسىڭىز، دوختۇرلار تور بېكىتى ياكى dohturlar.com دىن ئېلىنغانلىقىنى ۋەيا بىز ئەسكەرتكەن مەزمۇننىڭ ئەسلى مەنبەسىنى ئەسكەرتىپ قويۇشىڭىزنى چىن دىلىمىزدىن ئۈمىد قىلىمىز. ئەمگەك مېۋىسىگە ھۆرمەت قىلىڭ.

سۆز قالدۇراي

Please enter your comment!
Please enter your name here

دوختۇرلار تۇخۇم مېيى

دوختۇرلار تۇخۇم مېيى ئەجدادىمىزنىڭ بىباھا مىراسى بولغان ئۇيغۇر تېبابىتىدە كۆرسىتىلگەن ئۇسۇلدا تۇخۇم سېرىقىدىن ئىشلەپ چىقىرىلغان ماينىڭ تەركىبىدە لېسىتىن، ۋىتامىن، مېنىرال ماددىلار ۋە خولىستېرول مەۋجۇد. تۇخۇم...

قىززىق نۇقتىلار

يېڭى مەزمونلار

مەخسۇس سەھىپىلەر

تېخىمۇ كۆپ