دوختۇرلار تورى

تەن ساقلىق زور بايلىق

ئۇرۇقداننىڭ تۆۋەن چۈشمەسلىكى

ئۇرۇقداننىڭ تۆۋەن چۈشمەسلىكى

睾丸未降 隐睾 

İnmemiş testis  kriptorşit

  cryptorchidism

سوئال: مەن 17 ياشلىق بىر يىگىت بىلەن تونۇشۇپ قالدىم، ئۇنىڭ ئۇرۇقدېنى ئۇرۇقدان خالتىسىغا چۈشمەيدىكەن. بۇنىڭدىن ئۈچ يىل ئاۋۋال، ئۇ بەزى مۇتەخەسسىسلەرگە كۆرۈنگەن بولسىمۇ، لېكىن داۋالاشنىڭ ئۈنۈمى بولماپتۇ.

ئۇرۇقداننىڭ ئورنىنى قانداق بەلگىلەش كېرەك؟ ئوپېراتسىيە قىلىنسا، ئۇنىڭ قانداق تەسىرى بولىدۇ؟

ئۇرۇقداننىڭ تۆۋەن چۈشمەسلىكى 睾丸未降 隐睾

دوختۇر: پەقەت قول بىلەن سىلاپ ياكى ئوپېراتسىيە قىلىش ئارقىلىق، ئۇرۇقداننىڭ ئورنىنى بەلگىلەشكە بولىدۇ. بۇنىڭدىن باشقا ئامال يوق. ئومۇمەن چاتراق كانىلىدىكى ئۇرۇقداننى قول بىلەن سىلاش بىلىش مۇمكىن، ئەگەر قورساق بوشلۇقىنىڭ باشقا يېرىدە بولسا، ئۇنىڭغا ئوپېراتسىيە ئارقىلىق دىئاگنوز قويغىلى بولىدۇ.

دوختۇر ئوپېراتسىيە قىلىش ئارقىلىق، ئۇرۇقداننى ئۇرۇقدان خالتىسىغا چۈشۈرەلەيدۇ. بىراق بۇنداق ئوپېراتسىيىگە ئوخشاش بولمىغان قاراشلار بار، بەزى دوختۇرلار 25 ياشقا كىرىشىنى كۈتۈش كېرەك، شۇ چاغدا ئۇرۇقدان ئۆزلۈكىدىن ئۇرۇقدان خالتىسىغا چۈشۈشى مۇمكىن، دەپ قارايدۇ. يەنە بەزى دوختۇرلار بولسا، بالدۇرراق ھورمون ئارقىلىق داۋالاشنى ياكى ئوپېراتسىيە قىلىشنى تەشەببۇس قىلىدۇ.

ئۇرۇق قىسمى ياكى چاتراق كانىلى تېمپېراتۇرىسى ئاستىدا يېتىلمىگەنلىكتىن، ئۇرۇقدېنى چۈشمىگەن كىشى جىنسىي ئىقتىدارغا ئىگە بولسىمۇ، ئومۇمەن ئۇرۇقداننىڭ چۈشمەسلىكى سەۋەبىدىن تۇغماسلىق كېسىلى كېلىپ چىققاندىلا، دوختۇر ئوپېراتسىيە قىلىدۇ.

مەزكۈر ماتېرىيال شىنجاڭ ياش-ئۆسمۈرلەر نەشرىياتى تەرىپىدىن 1987-يىلى نەشىر قىلىنغان «سالامەتلىك ۋە جىنسىيەت» ناملىق كىتابتىن ئېلىندى
تىببىي پەن دوكتورى لىمون كېراك (ئامېرىكا)
يازغۇچى، مائارىپ ماگىستىرى ئىسادور روبىن (ئامېرىكا)

دوختۇرلار تورى تولۇقلىما مەزمونى:

ھازىرقى غەرىپ مېدىتسىنادا ئۇرۇقدان چۈشمەسلىك كېسىلى كۆرۈلگەن يېڭى تۇغۇلغان بوۋاقلار ئۈچۈن كۆپىنچە تەۋسىيە قىلىدىغان داۋالاش ئۇسۇلى: ئوپىراتسىيە قىلىش ۋە ھورمونلۇق داۋالاش.
 
ئوپىراتسىيە قىلىش: بوۋاقلار تۇغۇلۇپ، ئالتە ئاي ۋە بىر ياش ئارىلىقىدا، ئۇرۇقدان ئەگەر ئۇرۇقدان خالتىسىغا چۈشۈپ يەرلەشمىسە، ئوپىراتسىيە قىلىشنى تەۋسىيە قىلماقتا .
 
ھورمونلۇق داۋالاش: داۋالاش ئۈنۈمى ھېلىھەم تارتىلىشىۋاتىدۇ. شۇڭا تەۋسىيە قىلىدىغانلار ئاز.
 
شۇڭا يېڭى تۇغۇلغان بوۋاقلارنى مۇنتىزىم بالىلار دوختۇرىدا كونترول تەكشۈرۈش قىلىش جەريانىدا، مۇشۇ نۇقتىغىمۇ دىققەت قىلىش لازىم.
مەزكۈر مەزمون قوشۇلغان ۋاقىت: 2020-11-17

مەزكۈر مەزمون ئاخىرقى قېتىم يېڭىلانغان ۋاقىت: 2020-11-18 / 07:23:40

سەمىمىي ئەسكەرتىش
بىكەتتىكى مەزمۇنلار تورداشلارنىڭ پايدىلىنىشى، ساغلاملىققا بولغان تونۇشىنى ئاشۇرۇش ئۈچۈن تەمىنلەنگەن ئۇچۇرلاردۇر. ئەمما دىئاگنوز ئاساسى بولالمايدۇ. ئوخشىمىغان بىماردا ئوخشىمىغان ئالامەتلەر كۆرۈلىدۇ ۋە دىئاگنوزى ئوخشىمايدۇ. شۇڭا بەدەندە كېسەللىك ئالامەتلىرى كۆرۈلگەندە چوقۇم مۇنتىزىم دوختۇر بىلەن يۈز تۇرانە مەسىلىھەت ئېلىشىڭىزنى، دوختۇرخانىدا تەكشۈرتۈشىڭىزنى تەۋسىيە قىلىمىز.

باشقا يەرلەردىن ئېلىنغان بەزى مەزمۇنلار، رەسىملەرنىڭ ئەسلى مەنبەسىنى ئەسكەرتىشكە تىرىشتۇق. باشقا يەردىن ئېلىنغان مەزمۇنلار پەقەت شۇ ئاپتور يازارنىڭ ئۆز كۆز قارىشىنى ئىپادىلەيدۇ، بېكىتىمىزنىڭ مەيدانىغا ۋەكىللىك قىلالمايدۇ. بۇنىڭدىن سىرت، ئەگەر ئەسەرنىڭ ئەسلى ئاپتورى ماقالىنىڭ تور بېكىتىمىزدە ئېلان قىلىنغانلىقى ئۆزىنىڭ شەخسىي مەنپەئىتىگە دەخلى قىلىندى دەپ ئويلىسا، بىز بىلەن ئالاقىلاشسىڭىز، ئەڭ قىسقا ۋاقىت ئىچىدە بىكەتتىن ئۆچۈرۋەتسەك بولىدۇ.

تور بېكىتىمىزدىكى مەزمۇنلارنى شەخسىي بېتىڭىزدە ئىشلەتمەكچى بولسىڭىز، دوختۇرلار تور بېكىتى ياكى dohturlar.com دىن ئېلىنغانلىقىنى ۋەيا بىز ئەسكەرتكەن مەزمۇننىڭ ئەسلى مەنبەسىنى ئەسكەرتىپ قويۇشىڭىزنى چىن دىلىمىزدىن ئۈمىد قىلىمىز. ئەمگەك مېۋىسىگە ھۆرمەت قىلىڭ.

نۇر دوختۇر Doctor Nur
نۇر دوختۇر Doctor Nurhttp://dohturlar.com
تەن ساقلىق، زور بايلىق. دوختۇرلۇق مېنىڭ كەسپىم، تور بەت لايىھەلەش مېنىڭ قىزىقىشىم، بۇ ئىككىسىنى بىرلەشتۈرۈپ خەلقىم ئۈچۈن بىراز ئىش قىلىپ بېرەلىسەملا مېنىڭ ئەڭ چوڭ خوشاللىقىم بولىدۇ!

مۇناسىۋەتلىك تېمىلار

قالدۇرۇلغان باھالار

سۆز قالدۇرۇش

Please enter your comment!
Please enter your name here

سوتسىيال تاراتقۇلىرىمىز

1,661FansLike
697FollowersFollow
1,870SubscribersSubscribe

يېڭى مەزمونلار

مەخسۇس سەھىپىلەر