ياشانغانلاردا قىزىل قان ھۈجەيرىسىنىڭ مىقدارى ھەر لىتىردا 3.5*1012 دانىدىن كەم بولسا ، قان ئازلىق كېسىلى دەپ دىئاگنوز قويۇلىدۇ .
تۆمۈز ماددىسى يېتىشمەسلىكتىن باشقا ، يەنە تۆۋەندىكى ئامىللارمۇ ياشانغانلاردا قان ئازلىق كېسىلىنى كەلتۈرۈپ چىقىرىدۇ :
1) قان ئىشلەش ئىقتىدارى تۆۋەنلەش . ياشنىڭ چوڭىيىشىغا ئەگىشىپ يىلىكتىكى قان ئىشلەش توقۇلمىلىرى تەدرىجىي ياغ توقۇلمىسى ۋە قوشۇمچە توقۇلمىلارغا ئايلىنىدۇ .
2) ھەر خىل كېسەللەرنىڭ تەسىرى . ھەر خىل راك كېسىلى ، ئاق قان كېسىلى قاتارلىق كېسەللەر قان ئازلىق كېسىلىنى كەلتۈرۈپ چىقىرىدۇ .
3) ئاشقازان كىسلاتاسى كەمچىل بولۇش . نۇرغۇن ياشانغان كىشىلەردا ئاشقازان كىسلاتاسىنىڭ ئاجرىلىپ چىقىشى يېتەرلىك بولماسلىق سەۋەبىدىن تۆمۈر ماددىسىنى قوبۇل قىلىش توسالغۇغا ئۇچرىشى مۇمكىن .
4) ئاقسىلنىڭ قوبۇل قىلىنىشى يېتەرلىك بولماسلىق . ياشانغانلاردا ئاقسىلىنىڭ قوبۇل قىلىنىشىنىڭ يېتەرلىك بولماسلىقى سەۋەبىدىن قان ئازلىق كېلىپ چىقىدۇ .
5) باشقا سەۋەبلەر . ئۇزۇقلۇق ماددىلارنىڭ قوبۇل قىلىنىشىنىڭ يېتەرلىك بولماسىلىقى مەسىلەن ، ۋىتامىن B12 ، فۇلىن كىسلاتاسى ، مىس قاتارلىق ئوزۇقلۇقلارنىڭ قوبۇل قىلىنىشىنىڭ يېتەرلىك بولماسىلىقى
ياشانغانلاردا قان ئازلىق كېسىلىگە گىرىپتار بولغاندا دوختۇرغا تەكشۈرتۇپ ، كېسەلنىڭ پەيدا بولۇش سەۋەبىنى ئېنىقلىغاندىن كېيىن دوختۇرنىڭ كۆرسەتمىسى بويىچە داۋالىنىش تەدبىرلىرىنى قوللىنىشى كېرەك .