1. يىلىكنىڭ قان ئىشلەش مۇھىتىنىڭ ئۆزگىرىشى . ياشنىڭ چوڭىيشىغا ئەگىشىپ ، يىلىك ياغ توقۇلمىلىرى بارغانسىرى كۆپىيىپ ، قان ئىشلەيدىغان قىزىل يىلىك كېمىيىپ بارىدۇ . قىزىل قان ھۈجەيرىسىدىكى ھەرخىل ئېنزىملارنىڭ ماددا ئالماشتۇرۇش ئىقتىدارى تۆۋەنلەپ ، قىزىل قان ھۈجەيرىسىنىڭ ئۆمرى قىسقىرايدۇ .
2. قان ئىشلەش ماددىلىرىنىڭ سۈمۈرۈلۈشى يېتەرلىك بولماسلىق . ياشانغانلارنىڭ ئاشقازان ، ئۈچەي ئىقتىدارى چېكىنىپ ، ئاشقازان شىللىق پەردىسى يىگلەپ ، ئاشقازان كىسلاتاسىنىڭ ئاجرىلىپ چىقىشى ئازىيىپ ، قان ئىشلەشتە كېرەك بولىدىغان تۆمۈر ، ۋىتامىن B12 قاتارلىقلارنىڭ سۈمۈرۈلۈشى ئازىيىدۇ . ئۇنىڭ ئۈستىگە، ياشانغانلاردا قەۋزىيەت كۆپ كۆرۈلىدۇ . ئەگەر دورا ئىشلىتىش مۇۋاپىق بولمىسا ، ئاشقازان ، ئۈچەي ئىقتىدارىنىڭ قالايمىقانلىشىشىنى پەيدا قىلىپ ، قان ئىشلەش ماددىلىرىنىڭ سۈمۈرۈلۈشىگە تەسىر يەتكۈزىدۇ .
3. ئىممۇنىتېت ئىقتىدارىنىڭ چېكىنىشى . ياشانغانلارنىڭ ئىممۇنىتېت ئىقتىدارى ئومۇمەن تۆۋەن بولۇپ ، بۇ ھۈجەيرە خاراكتېرلىك ئىممۇنىتېت تۆۋەنلىكىنى كەلتۈرۈپ چىقىرىدۇ . ئورگانىزىم نورمال توقۇلمىلىرى ئۆزىدىكى ئىممۇنىتېتلىق ئاكتىپ ھۈجەيرە ۋە ئانتىتېلا تەرىپىدىن بۇزغۇنچىلىققا ئۇچرايدۇ . بۇنىڭ بىلەن ئممۇنىتېت خاراكتېردىكى قان ئازلىق كېلىپ چىقىدۇ . ئممۇنىتېت خاراكتىردىكى قان ئازلىق كېلىپ چىقىدۇ . ئىممۇنىتېت ئىقتىدارىنىڭ تۆۋەنلىشى ئاسانلا يۇقۇملىنىش خاراكتېرلىك كېسەللەر ، ئۆسمە كېسەللىرىنى كەلتۈرۈپ چىقىرىدىغان بولغاچقا ، كۆپىنچە ئىككىلەمچى قان ئازلىق پەيدا بولىدۇ .
‹‹ شىنجاڭ پەن-تېخنىكا گېزىتى›› دىن ئېلىندى
