دوختۇرلار تورى

تەن ساقلىق زور بايلىق

ياشانغانلارنىڭ سالامەتلىكىگە تەسىر يەتكۈزىدىغان ئامىللار

1. دەم ئېلىشقا چىققاندىن كېيىن كۆرۈلىدىغان ياشانغانلار ئۇنىۋېرسال كېسىلى

ياشانغان كىشىلەردە پېنسىيىگە چىققان دەسلەپكى مەزگىلدە يالغۇزلۇق ھېس قىلىش ، تىت – تىت بولۇش ، ئاسان ئاچچىقلىنىش ، ئىشتىھاسى تۇتۇلۇش ، ھەمىشە چارچاش ھېس قىلىش ، ئۇيقۇسى ياخشى بولماسلىق قاتارلىق ئالامەتلەر كۆرۈلىدۇ . بۇ ئادەتتە < پېنسىيە ئۇنىۋېرسال كېسىلى > دەپ ئاتىلىدۇ . بۇ خىل ئالامەتلەر كۆپىنچە دەم ئېلىشقا چىققان دەسلەپكى ئۈچ ئايدا نىسبەتەن كۆپ كۆرۈلىدۇ .

كۆپ سانلىق كىشىلەردە بۇ ئالامەتلەر بىر يىلغىچە ئاستا – ئاستا يوقىلىدۇ . < پېنسىيە ئۇنىۋېرسال كېسىلى > نىڭ ئالدىنى ئېلىشتا ، پىسخىك جەھەتتە ماسلىشىش ئىقتىدارىنى يۇقىرى كۆتۈرۈش ئىنتايىن مۇھىم رول ئوينايدۇ .

2 . قېرىش ۋە كېسەللىك

ياشانغان مەزگىلدە ئادەمنىڭ كېسەلگە گىرىپتار بولۇش نىسبىتى كۆرۈنەرلىك ئاشىدۇ ، بۇ خىل ئەھۋال ياشانغانلارنىڭ پىسخىك ھالىتىگە زور تەسىر كۆرسىتىدۇ . شۇڭا ياشانغانلار مۇۋاپىق دەرىجىدىكى ئەقلىي ۋە جىسمانىي چېنىقىشقا ئەھمىيەت بېرىپ ، ناچار تۇرمۇش ئادەتلىرىنى ئۆزگەرتىپ ، ساغلام خاراكتېر يېتىلدۈرۈپ ، پىسخىك ماسلىشىش ئىقتىدارىنى يۇقىرى كۆتۈرۈش ئارقىلىق ، كېسەلگە گىرىپتار بولۇشنىڭ ئالدىنى ئېلىشى كېرەك .

3 . ئائىلە ۋە شەخسىي مۇناسىۋەت

تەكشۈرۈشلەردىن قارىغاندا ئىناق بولغان ئائىلە مۇھىتى ، ياشانغان ئەر – ئايالۆرنىڭ ئۆزئارا كۆيۈنۈشى ، پەرزەنتلەرنىڭ ياشانغانلارنىڭ ھالىدىن ياخشى خەۋەر ئېلىپ ، ئۇلارنى ھۆرمەتلىشى ياشانغانلارنىڭ ئۇزۇن ئۆمۈر كۆرۈشىدە مۇھىم رول ئوينايدىكەن . ناچار بولغان ئائىلە مۇھىتى ياشانغانلاردا تىت – تىت بولۇش ، غەم قىلىش ، يالغۇزلۇق ھېس قىلىش ، ئارىسالدى بولۇش قاتارلىق ناچار پىسخىكىلىق ھالەت پەيدا قىلىپ ، ئۇلارنىڭ ساغلاملىقىغا زىيان يەتكۈزىدۇ .

4 . جىسمانىي ھەرىكەت ۋە كىشىلىك ئالاقە

ياشانغانلار پېنسىيىگە چىققاندىن كېيىن ئېغىر – يېنىك ئىشلارنى زىيادە كۆپ قىلسا ۋە مۇۋاپىق ئارام ئېلىشقا ئەھمىيەت بەرمىسە ، ئۇلارنىڭ سالامەتلىكىگە تەسىر يېتىدۇ . شۇڭا ھەرقانداق ئىشنى مۇۋاپىق ئورۇنلاشتۇرۇپ ، ئۆزىنى ئوبدان ئاسرىشى كېرەك . بۇنىڭ ئۈچۈن جىسمانىي ھەرىكەت بىلەن شۇغۇللىنىش ۋە سىرت بىلەن باردى – كەلدى قىلىشنى مۇۋاپىق دائىرىدە كونترول قىلىش كېرەك

مەزكۈر مەزمون قوشۇلغان ۋاقىت: 2021-02-18

مەزكۈر مەزمون ئاخىرقى قېتىم يېڭىلانغان ۋاقىت: 2021-02-06 / 10:18:05

سەمىمىي ئەسكەرتىش
بىكەتتىكى مەزمۇنلار تورداشلارنىڭ پايدىلىنىشى، ساغلاملىققا بولغان تونۇشىنى ئاشۇرۇش ئۈچۈن تەمىنلەنگەن ئۇچۇرلاردۇر. ئەمما دىئاگنوز ئاساسى بولالمايدۇ. ئوخشىمىغان بىماردا ئوخشىمىغان ئالامەتلەر كۆرۈلىدۇ ۋە دىئاگنوزى ئوخشىمايدۇ. شۇڭا بەدەندە كېسەللىك ئالامەتلىرى كۆرۈلگەندە چوقۇم مۇنتىزىم دوختۇر بىلەن يۈز تۇرانە مەسىلىھەت ئېلىشىڭىزنى، دوختۇرخانىدا تەكشۈرتۈشىڭىزنى تەۋسىيە قىلىمىز.

باشقا يەرلەردىن ئېلىنغان بەزى مەزمۇنلار، رەسىملەرنىڭ ئەسلى مەنبەسىنى ئەسكەرتىشكە تىرىشتۇق. باشقا يەردىن ئېلىنغان مەزمۇنلار پەقەت شۇ ئاپتور يازارنىڭ ئۆز كۆز قارىشىنى ئىپادىلەيدۇ، بېكىتىمىزنىڭ مەيدانىغا ۋەكىللىك قىلالمايدۇ. بۇنىڭدىن سىرت، ئەگەر ئەسەرنىڭ ئەسلى ئاپتورى ماقالىنىڭ تور بېكىتىمىزدە ئېلان قىلىنغانلىقى ئۆزىنىڭ شەخسىي مەنپەئىتىگە دەخلى قىلىندى دەپ ئويلىسا، بىز بىلەن ئالاقىلاشسىڭىز، ئەڭ قىسقا ۋاقىت ئىچىدە بىكەتتىن ئۆچۈرۋەتسەك بولىدۇ.

تور بېكىتىمىزدىكى مەزمۇنلارنى شەخسىي بېتىڭىزدە ئىشلەتمەكچى بولسىڭىز، دوختۇرلار تور بېكىتى ياكى dohturlar.com دىن ئېلىنغانلىقىنى ۋەيا بىز ئەسكەرتكەن مەزمۇننىڭ ئەسلى مەنبەسىنى ئەسكەرتىپ قويۇشىڭىزنى چىن دىلىمىزدىن ئۈمىد قىلىمىز. ئەمگەك مېۋىسىگە ھۆرمەت قىلىڭ.

نۇر دوختۇر Doctor Nur
نۇر دوختۇر Doctor Nurhttp://dohturlar.com
تەن ساقلىق، زور بايلىق. دوختۇرلۇق مېنىڭ كەسپىم، تور بەت لايىھەلەش مېنىڭ قىزىقىشىم، بۇ ئىككىسىنى بىرلەشتۈرۈپ خەلقىم ئۈچۈن بىراز ئىش قىلىپ بېرەلىسەملا مېنىڭ ئەڭ چوڭ خوشاللىقىم بولىدۇ!

مۇناسىۋەتلىك تېمىلار

قالدۇرۇلغان باھالار

سۆز قالدۇرۇش

Please enter your comment!
Please enter your name here

سوتسىيال تاراتقۇلىرىمىز

1,656FansLike
697FollowersFollow
1,860SubscribersSubscribe

يېڭى مەزمونلار

مەخسۇس سەھىپىلەر