قىزلارنىڭ يېمەك ئىچمىكى بالاغەت مەزگىلىگە ۋە كېيىنكى كۈنلەردىكى كېسەللىكلەرگە تەسىر كۆرسىتەمدۇ؟
تەتقىقاتلارغا ئاساسلانغاندا، قىزلارنىڭ يېمەك-ئىچمىكىدە، ھايۋانات ئاقسىلى بىلەن ھايۋانات مېيى مول بولسا ، ئاسانلا بالدۇر يېتىلىدىكەن، ئۇنىڭ ئۈستىگە ياشانغاندىن كېيىن سوزۇلما كېسەللىكلەرگە گىرىپتار بولۇش خەۋپى زور بولىدىكەن. ئالاقىدار تەتقىقاتلاردا ئىسپاتلىنىشىچە، بالدۇر يېتىلگەن قىزلاردا كېيىكى كۈنلەردە سۈت بېزى راكى ۋە تۇخۇمدان راكى بولۇش خەتىرى ئاشىدىكەن.
بەزىلەر 20-ئەسىرنىڭ 30-يىللىرىدىن 40-يىللىرىغىچە ئارىلىقتا تۇغۇلغان ئاياللارنىڭ داۋالىنىش ھەم ئوزۇقلىنىش خاتىرە ماتېرىياللىرىنى سىتاتىسكا قىلىپ، ئۇلارنىڭ يېمەك ئىچمەك ، تەرەققىي قىلىش ۋە يېتىلىش ئەھۋاللىرى ئوتتۇرىسىدىكى مۇناسىۋەتلەر ئۈستىدە مۇھاكىمە ئېلىپ بارغان. بۇنىڭدىن چىققان نەتىجە شۇنى كۆرسەتكەنكى، ئۈچ ياشتىن 5 ياشقىچە بولغان مەزگىلدە ھايۋانات ئاقسىلىنى بەك كۆپ ئىستېمال قىلغان قىزلارنىڭ تۇنجى قېتىملىق ھەيز كۆرگەن ۋاقتى ئۆسۈملۈك ئاقسىلىنى بەك كۆپ ئىستېمال قىلغان قىزلارنىڭكىدىن بۇرۇن بولغان. شۇنىڭغا ئوخشاش، بىر ئىككى ياش ۋاقتىدىن تارتىپ ھايۋانات مېيىنى كۆپرەك ئىستېمال قىلغان ھەمدە 6-8 ياش ۋاقىتلىرىدىن تارتىپ ھايۋانات ئاقسىلىنى كۆپرەك ئىستېمال قىلغان قىزلارنىڭ بالاغەتكە يېتىش مەزگىلى بالدۇرراق بولغان.
خۇلاسە شۇكى، قۇرامىغا يەتكەندىن كېيىن كېسەللىككە گىرىپتار بولۇش خەۋپى بالاغەت مەزگىلىدىكى يېتىلىش ۋە ئۇنىڭغا تەسىر كۆرسىتىدىغان ئامىللار بىلەن مۇناسىۋەتلىك بولىدىكەن.
نۆۋەتتە جامائەتنى ساغلاملىققا يېتەكلەش دىئاگراممىسىدا، ئۆسمۈرلەرنىڭ تويۇنغان ماي، ئورۇق گۆش ۋە ئىسسىقلىق مىقدارى بەك يۇقىرى يېمەكلىكلەرنى ئىستېمال قىلىشىنى ئازايتىش، مېۋە-چىۋە ۋە كۆكتاتنى كۆپرەك ئىستېمال قىلىش كۆرسىتىلگەن. بۇ ئۇسۇل سۈت بېزى راكىنىڭ پەيدا بولۇش نىسبىتىنى تۆۋەنلىتىشى، ئۇنىڭ ساغلاملىققا پايدىلىق باشقا تەرەپلىرىمۇ بولۇشى مۇمكىن.
ئاياللار ساغلاملىقى ۋە جىنسىيەت كىتابىدىن ئۈزۈندە
تەھرىرلىگۈچى: نۇرمەمەت دوختۇر