بىرقانچە ۋاقىتنىڭ ياقى سىناق قىلىش نەتىجىسىدە مۇنبەر سىستېمىسىنى يولغا قويدۇق. گەرچە ھازىرقى تور دۇنياسىدا خەتلىك مۇنبەر ئاللىبۇرۇن مودىدىن قالغان بولسىمۇ، ئەمما ھېلىھەم ھېلىھەم بىر ئۆز ئانا تىلىمىزدا ساغلاملىققا ئائىت مەزمون چىقىرىش، رەتلەش، ئۆز ئارا مۇنازىرە مۇزاكىرە قىلىش، سوئال جاۋاپ بېرىشقا پايدىسى تىگىدىغان بىر سۇپا بولىدىغانلىقىغا ئىشەنچىمىز بار.

 

دوختۇرلار تور بېكىتىمىزدە مېدىتسىناغا مۇناسىۋەتلىك ئۇيغۇرچە تىلدا ئاساسىي مەزمونلارنى قوشۇش بىلەن بىرگە، مېدىتسىنا ساھەسىدە ئەڭ يېڭى يۈز بېرىۋاتقان ۋەقەلەر، تەتقىقات ئىزدىنىش نەتىجىلىرى ، ساغلاملىق ئۇچۇرلىرىنى چىقىرىشقا تىرىشىۋاتىمىز. چۈنكى ئىشىنىمىزكى، ئانا تىلىمىز سۇغۇرۇلۇشقا مۇھتاج. ئانا تىلىمىز داۋاملىق يېڭى مەزمۇنلار بىلەن سۇغۇرۇلۇپ تۇرۇشىغا مۇھتاج. بۇ سۇغۇرۇشنى سىز ۋە بىز قىلمىساق، باشقىلار كېلىپ بىزگە قىلىپ بەرمەيدۇ ۋە ھەممىمىز ئىچىمىزدىن ئۇرغۇپ چىقىرىپ تۇرۇپ بىللە مىدىرلىشىمىزگە توغرا كېلىدۇ.

 

مەزكۇر مۇنبەر يېڭى ئېچىلغاچقا، ھازىرچە پەقەت ساناقلىقلا سەھىپىلەرنى تەسىس قىلدۇق. كېيىن چىقىرىلغان مەزمۇنلار تېخىمۇ كۆپەيگەندە، ھەر قايسى تارماق سەھىپىلەرنى ھەرزامان كۆپەيتكىلى بولىدۇ. بۇنىڭدىن سىرت، يەنە كۆپلىگەن نۇقسانلار بولۇشى مۇمكىن. قىممەتلىك تەكلىپ پىكىرلىرىڭلار بولسا، ھەرزامان مۇنبەرگە سۆز قالدۇرۇشۇڭلارنى ئۈمىت قىلىمىز ۋە ئەڭ قىسقا ۋاقىت ئىچىدە تۈزىتىپ چىقىشقا تىرىشىمىز.

 

كەلگۈسى ئۈچۈن يەنە كۆپ ياخشى پىلانلىرىمىز بار ۋە ھەربىر قەدەمنى مۇشۇنداق بىر بىرلەپ مەزمۇت دەسسەپ مېڭىشىمىزغا توغرا كېلىدۇ. ئىشىنىمىزكى ، ھەممىمىز مىدىرلاپلا تۇرساق، چوقۇم ياخشى ئىشلار ئەمەلگە ئاشىدۇ. كۆزلىگەن مەنزىللەرگە يېتەلەيمىز.