Abletjan Mosa

ئارقا كۆرۈنۈشنى بوياش ئادەتتە ھىستولوگىيە، ھۈجەيرە ئىلمى ياكى پاتولوگىيەدە، ھۈجەيرە ياكى توقۇلمىلارنىڭ مىكرو قۇرۇلمىسىنى كۆزىتىش ۋە تەتقىق قىلىش ئۈچۈن، بوياق ماتېرىيالى ئارقىلىق ئەۋرىشكىگە رەڭ بېرىش جەريانىنى كۆرسىتىدۇ. ئارقا كۆرۈنۈشنى بوياش ئەۋرىشكىنىڭ سېلىشتۇرما دەرىجىسىنى ئاشۇرۇپ، ھۈجەيرە ياكى توقۇلمىلارنىڭ ئالاھىدە قۇرۇلمىسىنى تېخىمۇ ئېنىق كۆرگىلى بولىدىغان قىلىشنى مەقسەت قىلىدۇ.

ئازوتنى مۇستەقىل تۇراقلاشتۇرغۇچى باكتېرىيە ئاتموسفېرادىكى ئازوتنى مۇستەقىل تۇراقلاشتۇرالايدىغان مىكرو ئورگانىزملارنى كۆرسىتىدۇ، ئۇلار ئېكولوگىيەلىك سىستېمىدىكى ئازوتنىڭ ئايلىنىشىدا مۇھىم رول ئوينايدۇ.

ئاساسىي ئۆستۈرگۈچ minimal medium ( MM ) دەپمۇ ئاتىلىدۇ ،ئۇ بىر خىل ئاددىي ئوزۇقلۇق ئۆستۈرگۈچ بولۇپ، ئۇنىڭدا مىكرو ئورگانىزملارنىڭ ياۋا تىپلىق باكتېرىيە تۈپىنىڭ ئۆسۈشى ئۈچۈن زۆرۈر بولغان ئەڭ تۆۋەن چەكتىكى ئوزۇقلۇق تەركىبلىرىلا بولىدۇ. 

ياۋايى مىكرو ئورگانىزملار تەبىئەت دۇنياسىدا سۈنئىي ئۆزگەرتىلمىگەن، ئىپتىدائىي ئىرسىيەت ئالاھىدىلىكىنى ساقلاپ قالغان مىكرو ئورگانىزملارنى كۆرسىتىدۇ.

ئاكتىپ لاي - لاتقىلارنى بىر تەرەپ قىلىش بىر خىل يۇقىرى ئۈنۈملۈك كېرەكسىز سۇنى بىئولوگىيەلىك بىر تەرەپ قىلىش تېخنىكىسى بولۇپ، ئۇ مىكرو ئورگانىزملاردىن پايدىلىنىپ كېرەكسىز سۇ تەركىبىدىكى ئورگانىك بۇلغىمىلارنى پارچىلاپ، سۇ سۈپىتىنى ساپلاشتۇرىدۇ.

ئاكتىپ ئىممۇنىتېت ۋاكسىنا ئەملەش ئارقىلىق ئورگانىزمدا ئالاھىدە ئىممۇنىتېتلىق ئىنكاس پەيدا قىلىش جەريانىنى كۆرسىتىدۇ. بۇ خىل ئىممۇنىتېت ئۇسۇلى ئورگانىزمنى كېسەللىك قوزغاتقۇچىلار بىلەن ئۇچراشقاندا تېز پەرق ئېتىش ھەمدە بۇ كېسەللىك قوزغاتقۇچىلارغا قارىتىلغان ئانتىتېلا ھاسىل قىلىش ئىمكانىيىتىگە ئىگە قىلىپ، ئۇزاق مۇددەتلىك قوغداش بىلەن تەمىنلەيدۇ.