توۋتياۋ تورى خەۋىرى، نۇر تورى تەرجىمىسى:
بوۋاق تۇغۇلىدىغان ۋاقتىدا ھامىلىدار ئانىلا يالغۇز جەڭ قىلىپ قالماستىن، بەلكى يەنە بوۋاقمۇ بالدۇرراق دۇنياغا كۆز ئېچىپ ئانىسى بىلەن كۆرۈشۈش، يورۇق دۇنيادىكى يېڭىچە ھاياتقا ئۇلىشىش ئۈچۈن ئانىسى بىلەن بىر سەپتە تۇرۇپ تۇغۇلۇش ئۈچۈن تەييارلىق قىلىدۇ.
بوۋاق تۇغۇلۇشتىن يېرىم سائەت بۇرۇن ئانا قورسىقىدا زادى نېمىلەرنى قىلىدۇ؟
كونىلار «ئانا-بالا رىشتىسى بىر تۇتاش» دەپ ناھايىتى توغرا ئېيتقان، تۇغۇلۇش ئالامەتلىرى كۆرۈلگەندىن باشلاپ تۇغۇلغىچە بولغان ئارىلىقتا توختىماستىن ئانىغا بەلگە بېرىدۇ ۋە تۇغۇلۇشقا تەييارلىق قىلىدۇ:
1. تۇغۇلۇش ئالدىدىگە بەلگىلەر:
بوۋاق تۇغۇلۇشقا ئاز قالغاندا ھامىلىدار ئانىدا باش سۈيى يېرىلىش، قىزىل بەلگە كېلىش، ياكى رېتىمسىز ھالدا قورساق مۇجۇپ ئاغرىش قاتارلىق ئالامەتلەر كۆرۈلىدۇ، ئەمەلىيەتتتە بۇلارنىڭ ھەممىسى بوۋاق تۇغۇلۇش ئالدىدا ئانىسىغا بەرگەن بەلگىلەر بولۇپ، بوۋاق ئانىسىغا تۇغۇت يېقىنلاپ قالغانلىقىنى، دىققەت قىلىشى كېرەكلىكىنى، تېزرەك دوختۇرخانىغا بېرىشىنى ئەسكەرتمەكچى بولىدۇ.
2. بالىياتقۇ قىسقىراش:
تۇغۇت ئالدىدىكى بەلگىلەردىن بالىياتقۇنىڭ رېتىملىق قىسقىرىشى تولغاققىچە بوۋاق توختىماي مىدىرلاش، ھەرىكەت قىلىش، توختىماي بەدەن ھالىتىنى ئۆزگەرتىش ئارقىلىق پۈتۈن كۈچى بىلەن ئاستا-ئاستا تۇغۇلۇپ چىقىشقا تەييارلىق قىلىدۇ.
3. بالىياتقۇ ئېغىزى 10 بارماققىچە ئېچىلىدۇ:
بوۋاق ئانىسىنىڭ تۇغۇت يولىنىڭ كەڭ-تارلىقىغا ئاساسەن بەدىنىنى تەڭشەيدۇ، قولى بىلەن مۈرىسىنى مەھكەم تۇتقىنىچە ئىككى پۇتىنى پۈتۈن كۈچى بىلەن يىغىدۇ، ئۆزىنى ئەڭ كىچىك ھالەتكە كەلگۈچە تۈگىدۇ ۋە بۇ ئارقىلىق ئانىسىنىڭ ئاغرىق ئازابىنى يىنىكلىتىشكە تېرىشىدۇ.
4. تۇغۇلغان ۋاقىتتا بولسا:
بالىياتقۇ كۈچلۈك قىسقىراشقا باشلىغان ۋاقىتتا بوۋاق پۈتۈن كۈچى بىلەن ئانىسىغا ماسلىشىپ بالىياتقۇ ئېغىزىغا قاراپ ھەرىكەت قىلىشقا باشلايدۇ.
بالا تۇغۇش جىسمانىي ئەمگەك بولۇپلا قالماستىن يەنە تېخنىكىلىق ئەمگەك، شۇڭا ئانا بولغۇچى بالدۇرراق تۇغۇپ بالىسى بىلەن يۈز كۆرۈشۈش ئۈچۈن پۈتۈن كۈچىنى ئىشلىتىدۇ ۋە نەپەس ئالىدۇ. ئەگەر تۇغۇت جەريانىدا ئانىنىڭ كۈچى يېتىشمەي ياخشى ماسلىشالماي قالسا، ئامال يوق ئوپېراتسىيە ئارقىلىق تۇغۇشقا مەجبۇر بولىدۇ.
مەنبە:
https://m.nur.cn/news/2024/08/6215017.shtml
