توۋتياۋ تورى خەۋىرى، نۇر تورى تەرجىمىسى:
1. كەيپىيات جىددىيلەشكەندە ۋە بېسىم چوڭ بولغاندا، بەدەندىكى ۋىتامىن B كۆپ مىقداردا مېتابولىزم ئېلىپ بارىدۇ، مۇۋاپىق تولۇقلىغاندا، ئېنېرگىيە مېتابولىزمىنى كۈچەيتىپ، ئورگانىزمنىڭ ھاياتىي كۈچىنى يۇقىرى كۆتۈرگىلى بولىدۇ، بۇنىڭ ھامىلىدار بولۇشقا بەلگىلىك ياردىمى بولىدۇ.
2. ئەگەر ھەيز ئاز كېلىش قاتارلىق ئانىلىق ھورمون تۆۋەن بولۇش ئالامەتلىرى كۆرۈلسە، پۇرچاقتىن ياسالغان يېمەكلىكلەرنى كۆپرەك ئىستېمال قىلىش كېرەك. ئېيتىشلارغا قارىغاندا، ياپونىيە ئاياللىرىنىڭ ھەيز توختاش مەزگىلى غەرب ئاياللىرىنىڭكىدىن كېيىن بولغانلىقى دادۇر مەھسۇلاتلىرىنى كۆپ مىقداردا ئىستېمال قىلغانلىقىنىڭ نەتىجىسىدۇر. بىراق ئەگەر بالىياتقۇ مۇسكۇل ئۆسمىسى، بالىياتقۇ ئىچكى پەردىسى غەيرىي ئورۇنلىشىش كېسىلى بولسا، چوقۇم پۇرچاق ياسالمىلىرى ۋە ھەسەل شىرنىسى قاتارلىق تەبىئىي ئانىلىق ھورمونى كۆپ يېمەكلىكلەرنى ئاز يېيىش كېرەك.
3. ئاياللاردا تۆمۈر كەمچىل بولسا تۇخۇمدان زىيانغا ئۇچراپ، ھامىلىدار بولالماسلىقنى كەلتۈرۈپ چىقىرىدۇ، شۇڭا ئادەتتە كالا گۆشى، قوي گۆشى، ھايۋانات جىگىرى، قېرىنقۇلاق، چىلان، پالەك، بانان، ياڭاق قاتارلىق تەركىبىدە تۆمۈر مول بولغان يېمەكلىكلەرنى كۆپرەك يېيىش كېرەك.
4. ئاياللاردىكى ياللۇغلىنىش كۆپىنچە «ئولتۇرۇش»تىن پەيدا بولىدۇ، ئۇزاق ئولتۇرغاندا داس بوشلۇقىغا قان يىغىلىپ قېلىپ، ئاسانلا ياللۇغلىنىشنى كەلتۈرۈپ چىقىرىدۇ.
5. روھىي جەھەتتىن زىيادە جىددىيلىشىش، قورقۇش قاتارلىقلار تۆۋەنكى دۆڭچە مېڭە-مېڭە ئاستى بېزىنىڭ ئىقتىدارىنى قالايمىقانلاشتۇرۇپ، ھەيز چىگىلىش، تۇخۇم چىقارماسلىق ئەھۋاللىرىنى كەلتۈرۈپ چىقىرىدۇ، شۇڭا كەيپىياتنى كۆپرەك ياخشى كېرەك.
مەنبە:
https://m.nur.cn/news/2023/12/17893876.shtml