ئۈندىدار سالونى خەۋىرى، نۇر تورى تەرجىمىسى:
دۇنيا سەھىيە تەشكىلاتىنىڭ كۆرسىتىشىچە، نۆۋەتتە پۈتۈن يەرشارىدا قارىغۇ ئادەم سانى 37 مىليوندىن ، كۆرۈش قۇۋۋىتى تۆۋەن ئادەم سانى 124 مىليوندىن ئاشىدىكەن. بۇنىڭ ئىچىدە تۆتتىن ئۈچ قىسىم كېسەلنى داۋالىغىلى ياكى ئالدىنى ئالغىلى بولىدىكەن. 2000-يىلى دۇنيا سەھىيە تەشكىلاتى ۋە خەلقئارا ئەمالىقنىڭ ئالدىنى ئېلىش جەمئىيىتى (国际防盲协会) بىرلىكتە مۇزاكىرە قىلىش ئارقىلىق ھەر يىلى 10-ئاينىڭ ئىككىنچى پەيشەنبە كۈنىنى «دۇنيا كۆز ئاسراش كۈنى» قىلىپ بېكىتكەن ۋە كۆپچىلىكنى كۆز ساغلاملىقىغا ئەھمىيەت بېرىشكە چاقىرغان.
تۆۋەندىكى كۆز ساغلاملىقىغا تەسىر كۆرسىتىدىغان يامان ئادەتلەر سزدىمۇ بارمۇ؟
1. چىراغنى ئۆچۈرۈپ كومپيۇتېر ۋە تېلېفونغا قاراش.
2. ئۇزۇن مەزگېل يېقىن ئارىلىقتىكى نۇقتىغا تىكىلىپ قاراش.
3. دائىم كۆزىنى ئۇۋۇلاش.
4. ئۇزۇن مۇددەت يوشۇرۇن كۆزئەينەك تاقاش.
4. كۆزگە تېمىتىدىغان دورىلارنى قالايمىقان ئىشلىتىش.
يۇقىرىقى ياخشى بولمىغان ئادەتلەرنىڭ ئىككىدىن ئارتۇقى سزدە بولسا كۆز ئاسراشقا ئالاھىدە دىققەت قىلىشىڭىز كېرەك.
ئىلمىي كۆز ئاسراشتىكى تۆت مۇھىم نۇقتا.
1. كۆز بىلەن جىسىمنىڭ ئارىلىقىغا دىققەت قىلىش.
ئادەتتە كىتاب ئوقۇغاندا ۋە خەت يازغاندا كۆز بىلەن كىتابنىڭ ئارىلىقى تەخمىنەن 33.3 سانتىمېتىر بولۇشى بەدىنىڭىز بىلەن ئۈستەل ئارىسىدا تەخمىنەن بىر مۇش پاتقىدەك ئارىلىق قېلىشى، قەلەم تۇتقاندا قەلەمنىڭ ئۇچىدىن، قەلەم تۇتقان ئىككى بارماققىچە بولغان ئارىلىق تەخمىنەن 3.3 سانتىمېتىر بولۇشى كېرەك. كومپيۇتېر ئىشلەتكەندە ئېكران بىلەن كۆزنىڭ ئارىلىقى 50 سانتىمېتىردىن كەم بولماسلىقى كېرەك. تېلېۋىزور كۆرگەندە تېلېۋىزور بىلەن بولغان ئارىلىق ئۈچ مېتىردىن يۇقىرى بولۇشى كېرەك.
2. ئەتراپتىكى مۇھىتقا دىققەت قىلىش.
يول ماڭغاندا، تاماق يەۋاتقاندا ۋە ياتقاندا تېلىفۇن ئوينىماسلىق، غۇۋا يورۇقلۇقتىكى مۇھىتتا ۋە كۈچلۈك قۇياش نۇرى ئاستىدا كىتاب كۆرمەسلىك كېرەك.
3. كۆزگە تېمىتىدىغان دورىلارنى توغرا تاللاپ ئىشلىتىش.
«سۈنئىي ياش سۇيۇقلۇقى» (人工泪液) كۆز دورىسىنى مۇۋاپىق مىقداردا ئىشلىتىش، قالايمىقان ئىشلەتمەسلىك كېرەك. بۇ دورا ئاساسلىقى تەبىئىي ياش سۇيۇقلۇقىغا تەقلىد قىلىپ ياسالغان بولۇپ، كۆز قۇرغاقلاشقاندا مۇۋاپىق مىقداردا ئىشلىتىشكە بولىدۇ. ئەگەر بۇ دورىنى ئىشلەتكەندە ئۈنۈمى بولمىسا ۋە نورمالسزلىق كۆرۈلسە ئىشلىتىشنى توختىتىپ دەرھال دوختۇرغا كۆرۈنۈش كېرەك.
ياللۇغ قايتۇرۇش ۋە باكتېرىيەگە قارشى تۇرۇش تۈرىدىكى كۆز دورىسىنى دوختۇرنىڭ كۆرسەتمىسى بويىچە ئىشلىتىش، قالايمىقان ئىشلىتىشتىن ساقلىنىش كېرەك. بۇ خىلدىكى كۆز دورىسى تەركىبىدە ئانتىبىئوتىك (抗生素) تەركىبلەر بار بولۇپ، قالايمىقان ئىشلەتكەندە كۆزنىڭ دورىغا بولغان سەزگۈرلۈكنى تۆۋەنلىتىۋېتىشى ياكى باشقا كېسەللىكلەرنى پەيدا قىلىشى مۇمكىن.
4. يوشۇرۇن كۆزەينەكنى توغرا تاقاش.
ئادەتتە بىر كۈندە يوشۇرۇن كۆزەينەكنى تاقاش ۋاقتى سەككىز سائەتتىن ئېشىپ كەتمەسلىكى كېرەك. ئۇخلاشتىن بۇرۇن چوقۇم يوشۇرۇن كۆزەينەكنى ئېلىۋېتىش. يوشۇرۇن كۆزەينەكنىڭ تازىلىقىغا ئالاھىدە ئەھمىيەت بېرىش كېرەك.
كۆز ئاسراشنىڭ ئۈنۈملۈك ئۇسۇللىرى قايسىلار؟
كۆز ئاسراش گىمناستىكىسىنى قەدەم باسقۇچلىرى بويىچە ئەستايىدىل ئىشلەش، كۆزنى كۆپرەك يۇمۇپ ئېچىپ بېرىش ۋە يىراققا قاراپ بېرىش كېرەك. كۆزنى ئۇزۇن مۇددەت ئىشلەتكەندە كۆز ئاسانلا قۇرغاقلىشىدۇ، بۇ ۋاقىتتا كۆزنى يۇمۇپ ئېچىپ، يىراققا قاراپ بەرگەندە كۆزدىكى بىئارام بولۇشنى تۈگەتكىلى بولىدۇ.
ئىسسىق لۆڭگىنى كۆزگە چاپلاپ بېرىش. لۆڭگىنى ئىسسىق سۇدا يۇيۇپ كۆزگە چاپلاپ بەرگەندە كۆزنىڭ قۇرغاقلىشىنىڭ ئالدىنى ئالىدۇ.
ئۆز قەرەلىدە كۆز ساغلاملىق تەكشۈرتۈپ تۇرۇش. كۆزئەينەك تاقايدىغانلار كۆزىنى ئۆز قەرەلىدە تەكشۈرتۈپ تۇرۇشى ۋە كۆزئەينىكىنى ۋاقتىدا ئالماشتۇرۇپ تۇرۇشى كېرەك.
