پات – پات سىيىش سىيىش قېتىم سانىنىڭ كۆپىيىشىنى، ھەر كۈنى سىيىش قېتىم سانىنىڭ نورمال دائىرىدىن ئېشىپ كېتىشىنى كۆرسىتىدۇ.
غەرب تېبابىتى نۇقتىسىدىن قارىغاندا، پات – پات سىيىشنىڭ سەۋەبى كۆپ خىل بولۇشى مۇمكىن، بۇ تۆۋەندىكىلەرنى ئۆز ئىچىگە ئالىدۇ:
1. سۈيدۈك ئاجرىتىش سىستېمىسى يۇقۇملىنىش:مەسىلەن، دوۋساق ياللۇغى، سۈيدۈك يولى ياللۇغى قاتارلىق كېسەللىكلەرنىڭ ھەممىسى پات – پات سىيىشنى كەلتۈرۈپ چىقىرىشى مۇمكىن.
2. مەزى بېزى مەسىلىسى:ئەر بىمارلار مەزى بېزى ئۆسۈپ قېلىش ياكى ياللۇغلىنىش قاتارلىق مەسىلىلەر سەۋەبىدىن پات – پات سىيىش كېلىپ چىقىشى مۇمكىن.
3. دوۋساق مەسىلىسى:مەسىلەن، دوۋساق زىيادە ھەرىكەتلىنىش، دوۋساققا تاش چۈشۈش قاتارلىق مەسىلىلەرمۇ پات – پات سىيىشنى كەلتۈرۈپ چىقىرىشى مۇمكىن.
4. دورىنىڭ ئەكس تەسىرى:بەزى دورىلار ( مەسىلەن، سۈيدۈك ھەيدىگۈچى دورىلار ) سۈيدۈك مىقدارى ۋە سىيىش قېتىم سانىنى ئاشۇرۇۋېتىدۇ.
5. دىيابېت كېسىلى:يۇقىرى قان شېكىرى بۆرەكنىڭ تېخىمۇ كۆپ سۈيدۈكنى چىقىرىۋېتىشىنى كەلتۈرۈپ چىقىرىپ، پات – پات سىيىشنى كەلتۈرۈپ چىقىرىدۇ.
تەكشۈرۈش ۋە دىئاگنوز قويۇش ئۇسۇلى تۆۋەندىكىلەرنى ئۆز ئىچىگە ئالىدۇ:
1. بەدەن تەكشۈرۈش:دوختۇر بىمارنىڭ قورساق قىسمى، بەل قىسمى قاتارلىق قىسىملىرىنى تەكشۈرۈپ، بىنورمال ئەھۋالنىڭ بار – يوقلۇقىنى بېكىتىدۇ.
2. تەجرىبىخانىدا تەكشۈرۈش:مەسىلەن، سۈيدۈك ئانالىزى، قان تەكشۈرۈش قاتارلىقلار دوختۇرنىڭ بىماردا يۇقۇملىنىش ياكى باشقا كېسەللىكلەرنىڭ بار – يوقلۇقىنى بېكىتىشىگە ياردەم بېرىدۇ.
3. سۆرەتلەش ئىلمى بويىچە تەكشۈرۈش:مەسىلەن:B تىپلىق ئۇلترا ئاۋازلىق تەكشۈرۈش ئاپپاراتى ،CT تىپلىق ئۇلترا ئاۋازلىق تەكشۈرۈش ئاپپاراتى قاتارلىق تەكشۈرۈشلەر دوختۇرلارنىڭ بىمارنىڭ ئەزالىرى زەخىملەنگەن ياكى زەخىملەنمىگەنلىكىنى ياكى باشقا نورمالسىز ئەھۋاللارنىڭ بار – يوقلۇقىنى ئېنىقلىشىغا ياردەم بېرىدۇ.
داۋالاش ئۇسۇلى پات – پات سىيىش سەۋەبىگە باغلىق. ئەگەر سۈيدۈك ئاجرىتىش سىستېمىسى يۇقۇملىنىشتىن كېلىپ چىققان بولسا، ئانتىبىئوتىك دورىلار ئارقىلىق داۋالاشقا بولىدۇ؛ ئەگەر مەزى بېزى مەسىلىسى كەلتۈرۈپ چىقارغان بولسا، دورا ئارقىلىق داۋالاش ياكى ئوپېراتسىيە ئارقىلىق داۋالاشقا بولىدۇ؛ ئەگەر دوۋساق مەسىلىسى كەلتۈرۈپ چىقارغان بولسا، دورا ئارقىلىق داۋالاش ياكى ئوپېراتسىيە ئارقىلىق داۋالاشقا بولىدۇ، ئەگەر دورىنىڭ ئەكس تەسىرىدىن كېلىپ چىققان بولسا، دورىنى ئالماشتۇرۇشنى ياكى مىقدارىنى ئازايتىشنى ئويلىشىشقا بولىدۇ؛ ئەگەر دىئابېت كېسىلى كەلتۈرۈپ چىقارغان بولسا، قان شېكىرىنى كونترول قىلىش كېرەك. قىسقىسى، ئوخشاش بولمىغان كېسەللىك سەۋەبىگە قارىتا مۇناسىپ داۋالاش ئۇسۇلىنى قوللىنىش مۇھىم ھالقا.
