بۇ خىل كىشىلەر ھەسەل ئىستېمال قىلسا بولمايدۇ

توۋتياۋ تورى خەۋىرى، نۇر تورى تەرجىمىسى:

ھەسەل ئىنسانلار ئەڭ بۇرۇن ئېچىپ پايدىلانغان تاتلىق تەم خۇرۇچى بولۇش سۈپىتى بىلەن ئىستېمالچىلارنىڭ قارشى ئېلىشىغا ئېرىشكەن.

جۇڭيى تېبابىتىدە ھەسەلنىڭ دورا ۋە يېمەك-ئىچمەكنى ماسلاشتۇرۇش رولى بار بولۇپ، ئوزۇقلۇق تولۇقلايدۇ ۋە كېسەللىكنىڭ ئالدىنى ئالىدۇ، دەپ قارىلىدۇ.

ئالدى بىلەن، ئۇنىڭ تەركىبىدىكى مونوساخارىد ھەزىم قىلىنمايلا بەدەنگە سۈمۈرۈلۈپ، ئاياللار ۋە بالىلارغا، بولۇپمۇ ياشانغانلارغا نىسبەتەن سالامەتلىككە تېخىمۇ ياخشى تەسىر كۆرسىتىدۇ.

ئىككىنچىدىن، ھەسەل جۇڭيى دورىسى بولۇش سۈپىتى بىلەن، دائىم جۇڭيى تېبابىتى كىلىنىكىسى ۋە جۇڭيى دورىلىرىنى تەييارلاش ۋە جۇڭيى دورا ياسالمىلىرىدا ئىشلىتىلىدۇ.

«دورا ئۆسۈملۈكلەر قامۇسى»دا مۇنداق خاتىرىلەنگەن: «ھەسەل يۈرەك ۋە قورساقتىكى يامان ئىللەتلەر، تۇتقاقلىققا قارشى تۇرۇش، قۇۋۋەت تولۇقلاش، ئاغرىق توختىتىش، زەھەر قايتۇرۇش، كېسەللىكنى يوقىتىش قاتارلىق كۆپ خىل كېسەللىكلەرگە پايدىسى بار.»

ھەسەل ھەممىلا ئادەمگە ماس كېلىۋەرمەيدۇ

تۆۋەندىكى بىر نەچچە خىل كىشىلەر چوقۇم ھەسەل ئىستېمال قىلىشتىن ساقلىنىش كېرەك.

ئېغىر دەرىجىدىكى جىگەر، بۆرەك ئىقتىدارى تولۇق بولماسلىق، جىگەر قېتىش بىمارلىرى چوقۇم ھەسەل يېمەسلىكى كېرەك.

چۈنكى ھەسەل تەركىبىدە كۆپ مىقداردا قەنت بولۇپ، قەنت مىقدارى زىيادە كۆپ بولۇپ كەتسە، قان شېكىرىنى ئۆرلىتىۋېتىپ، يۈرەك، جىگەر، بۆرەكنىڭ يۈكىنى ئېغىرلاشتۇرۇپ، جىگەر قېتىشىش كېسىلىنى ئېغىرلاشتۇرۇۋېتىدۇ.

دىئابېت كېسىلى، قاندىكى ماي مىقدارى ئېشىپ كەتكەن بىمارلار ھەسەلنىڭ قوبۇل قىلىنىشىنى كونترول قىلىشى كېرەك.

ھەسەل تەركىبىدە فىرۇكتوزا، گىلۇكوزا ۋە ساخاروزا بولغاچقا، بىمار ئۇنى ئىستېمال قىلغاندىن كېيىن قاندىكى قەنت مىقدارى تېز ئۆرلەپ، بەدەندىكى ياغنىڭ مېتابولىزمىنى بېسىپ چۈشىدۇ، ھەتتا يىمىرىلىدۇ.

بوۋاقلارغىمۇ ھەسەل بېرىش تەشەببۇس قىلىنمايدۇ. چۈنكى ھەسەل ئېچىتىش، توشۇش ۋە ساقلاش جەريانىدا، گۆش زەھىرى لاكتوباكسىلىنىڭ بۇلغىشىغا ئۇچرىشى مۇمكىن، ئۇنىڭ ئۈستىگە بوۋاقلارنىڭ قارشىلىق كۈچى ئاجىز، جىگەرنىڭ زەھەر قايتۇرۇش ئىقتىدارى ئاجىز بولغاچقا، ئاسانلا زەھەرلىنىش مەسىلىسى كېلىپ چىقىدۇ.

تال زەئىپلىشىش، ئىچى سۈرۈش ۋە ھۆل تەمرەتكە سەۋەبىدىن قورساق كۆپۈش، ئاغرىش، تىل گېزى قېلىنلىشىش ئەھۋاللىرى كۆرۈلگەنلەرمۇ ھەسەلنى يېمەسلىكى كېرەك.

ياۋا ھەسەل ئىستېمال قىلىشتىن ساقلىنىش كېرەك

ھەسەل ھەسەل ھەرىسى يىغقان گۈل شىرنىسى ياكى ئۆسۈملۈك ھۈجەيرىسىدىن سىرغىپ چىققان شىرنە ياكى ھاشاراتلار ئاجرىتىپ چىقارغان شىرنە بىلەن ھەسەل ھەرىسىنىڭ شۆلگەي بېزى ئاجرالمىلىرىنى تولۇق ئېچىتىش ئارقىلىق ھەرە كۆنىكىدە ساقلىنىدىغان تاتلىق تەم ماددا، شۇڭا كىشىلەر ئىستېمال قىلىدىغان ھەسەل ۋە ھەسەل يېمەكلىكلىرىدە كۆپ مىقداردا ئۆسۈملۈك گۈل چېڭى بولىدۇ.

ھۇشيار بولۇشقا ئەرزىيدىغىنى شۇكى، ئۆسۈملۈك دۇنياسىدا ناھايىتى ئاز ساندىكى گۈل چېڭى زەھەرلىك، ياكى كىچىك زەھەرلىك، ياكى چوڭ زەھەرلىك، ياكى ئۆتكۈر زەھەرلىك بولىدۇ.

شۇڭا، ھەقىقىي ياخشى ھەسەلنى سېتىۋېلىش ئۈچۈن، ئىستېمالچىلار ئەڭ ياخشىسى سودا سارايلارغا بېرىپ چوڭ ماركىلىق ھەسەلنى تاللاپ سېتىۋالسا بولىدۇ. كېلىش مەنبەسى ئېنىق بولمىغان، مەھسۇلات بەلگىسى بولمىغان «ياۋا ھەسەل»نى سېتىۋېلىش تەۋسىيە قىلىنمايدۇ.

بولۇپمۇ گۈل چېڭىغا زىيادە سەزگۈر كىشىلەر ھەسەلنى ئېھتىيات بىلەن تاللاپ، يېگەندىن كېيىن زىيادە سېزىمچانلىق رېئاكسىيەسىدىن ساقلىنىشى كېرەك.

مەنبە:
https://m.nur.cn/news/2023/12/25794398.shtml