ئەيدس كېسىلى بىلەن يۇقۇملىنىپ كېسەل قوزغالغىچە بىر جەريان كېتىدۇ. كلىنىكىدا بۇ جەريان 4 باسقۇچقا بۆلۈنىدۇ. بۇلار: جىددىي يۇقۇملىنىش باسقۇچى، يوشۇرۇن باسقۇچ، ئەيدس كېسىلىنىڭ دەسلەپكى باسقۇچى ۋە تىپىك ئەيدس كېسىلى باسقۇچى.
1. جىددىي يۇقۇملىنىش باسقۇچى: كېسەل ئالامىتى يىنىك بولغاچقا، كۆپ قىسىم كىشىلەر سەل قارايدۇ. يۇقۇملىنىپ 6-2 ھەپتىدىن كېيىن قان تەكشۈرتۈشتە ئەيدىس كېسىلى ۋىروسى ئانتىتېلاسى مۇسىبەت ئىپادىلىنىدۇ. كېيىن ئۇزۇن مەزگىلگىچە ساملاملىققا تەسىر يەتمەيدىغان، ھېچقانداق ئالامەت كۆرۈنمەيدىغان يوشۇرۇن باسقۇچقا ئۆتىدۇ، ئەمما يەنىلا يۇقۇشچانلىققا ئىگە بولىدۇ.
2. يوشۇرۇن باسقۇچ: يۇقۇملانغۇچىدا كلىنىكىلىق كېسەل ئالامىتى كۆرۈلمىسىمۇ، ئەمما بۇ بىخەتەر باسقۇچ ئەمەس، كېسەللىك ۋىرۇسى ئۈزلۈكسىز كۆپىيىپ، بۇزغۇنچىلىق قىلىشى كۈچىيىپ بارىدۇ. يوشۇرۇن باسقۇچ ئەيدىس ۋىرۇسى بىلەن يۇقۇملىنىپ كلىنىكىلىق كېسەل ئالامىتى كۆرۈلگەچە بولغان ئارىلىقنى كۆرسىتىدۇ. بۇ باسقۇچ 10-2 يىلغىچە ياكى ئۇنىڭدىن ئۇزۇن بولىدۇ. بۇنداق بولۇشى ئەيدىس كېسىلىنى بايقاش ۋە ئالدىنى ئېلىشقا زور قىيىنچىلىق تۇغدۇرماقتا.
3. ئەيدىس كېسىلىنىڭ دەسلەپكى باسقۇچى: يوشۇرۇن باسقۇچتىن كېيىن بەدەندە ئەيدىس كېسىلى ئالامىتى كۆرۈلۈشكە باشلايدۇ ۋە تېز تەرەققىي قىلىدۇ. بىماردا ئەيدىس كېسىلىنىڭ ئاساسلىق ئالاھىدىلىكى ئىپادىلىنىپ، ھۈجەيرىلەرنىڭ ئىممۇنىتېت كۈچى ئاجىزلايدۇ، كېسەل ئەھۋالى سەل يىنىك بولىدۇ.
4. تىپىك ئەيدىس كېسىلى باسقۇچى: بەزىلەر بۇ باسقۇچنى ئەيدس كېسىلى بىمارلىرىنىڭ ئۆلۈش باسقۇچى دەپ ئاتايدۇ. بۇ باسقۇچتا 3 ئاساسىي ئالاھىدىلىك گەۋدىلىنىدۇ. ھۈجەيرە ئىممۇنىتېت كۈچىنىڭ ئاجىزلىشىشى ئېغىرلىشىپ، ھەر خىل جانغا زامىن بولىدىغان يۇقۇملىنىش پۇرسىتى كۆپىيىپ، بەدەندە يامان سۈپەتلىك ئۆسمە پەيدا بولىدۇ. ئەيدىس كېسىلىنىڭ ئاخىرقى باسقۇچىدا بىمارنىڭ ئىممونىتېت ئىقتىدارى پۈتۈنلەي يوقىلىپ، ھەرخىل ئېغىر كېسەللەر پەيدا بولىدۇ، ئاخىرىدا ئۆلىدۇ.
مەنبە:
xjaids.com
