كىندىك قىسمى يېرىم شارسىمان ئىششىق كىندىك چۇقۇقى كېسەللىك ئالامەتلىرىنىڭ بىرى بولۇشى مۇمكىن.
تۆۋەندىكىسى بىر قىسىم دائىم كۆرۈلىدىغان سەۋەبلەر:
1. قورساق دىۋارى مۇسكۇلىنىڭ بوشىشى:قورساق دىۋارى مۇسكۇلىنىڭ بوشىشى قورساق بوشلۇقىدىكى ياغ ياكى ئۈچەي توقۇلمىلىرىنىڭ كىندىك ھالقىسى ئارقىلىق پولتىيىپ چىقىپ كىندىك چۇقۇقىنى شەكىللەندۈرۈشىنى كەلتۈرۈپ چىقىرىشى مۇمكىن.
2. قورساق بېسىمى ئېشىپ كېتىش:ئۇزاق مۇددەت يۆتىلىش، چۈشكۈرۈش، ئېغىرلىق كۆتۈرۈش قاتارلىق ھەرىكەتلەر قورساق بېسىمىنى ئاشۇرۇپ، كىندىك چۇقۇقىنىڭ پەيدا بولۇشىنى كەلتۈرۈپ چىقىرىدۇ.
3. تۇغما ئامىل:بەزى كىشىلەردە تۇغما كىندىك ھالقىسى زىيادە چوڭ بولۇش ياكى كىندىك قىسمىنىڭ قۇرۇلمىسى بىنورمال بولۇش ئەھۋالى كۆرۈلىدۇ، ئاسانلا كىندىك چۇقۇقى پەيدا بولىدۇ.
غەرب تېبابىتى نۇقتىسىدىن قارىغاندا، كىندىك قىسمىدىكى يېرىم شارسىمان مونەككە دىئاگنوز قويۇشتا كېسەللىك تارىخىنى تەپسىلىي سوراش، بەدەن تەكشۈرۈش ۋە مۇناسىۋەتلىك تەكشۈرۈشلەرنى ئېلىپ بېرىشقا توغرا كېلىدۇ. دائىم قوللىنىلىدىغان تەكشۈرۈش ئۇسۇللىرى تۆۋەندىكىلەرنى ئۆز ئىچىگە ئالىدۇ:
1. قورساق قىسمىنى ئۇلترا ئاۋاز دولقۇنىدا تەكشۈرۈش:كىندىك چۇقۇقى مەۋجۇت ياكى مەۋجۇت ئەمەسلىكىنى ھەمدە چۇقۇق خالتىسىنىڭ چوڭ – كىچىكلىكى ۋە ئورنىنى بېكىتكىلى بولىدۇ.
2. CT تەسۋىر كۆچۈرۈش:چۇقۇق خالتىسىنىڭ چوڭ – كىچىكلىكى ۋە ئورنى ھەمدە ئەگەشمە كېسەللىكلەرنىڭ بار – يوقلۇقىغا تېخىمۇ توغرا باھا بەرگىلى بولىدۇ.
داۋالاش ئۇسۇلى كونكرېت كېسەللىك سەۋەبى ۋە كېسەللىك ئەھۋالىنىڭ ئېغىرلىق دەرىجىسىگە باغلىق. دائىم كۆرۈلىدىغان بەزى داۋالاش ئۇسۇللىرى تۆۋەندىكىلەرنى ئۆز ئىچىگە ئالىدۇ:
1. كۆزىتىپ داۋالاش:كىچىك تىپتىكى كىندىك چۇقۇقىغا قارىتا، دوختۇر بىمارغا قەرەللىك كۆزىتىپ تۇرۇش، قاتتىق ھەرىكەت قىلىش ۋە كۈچەپ تەرەت قىلىش قاتارلىق ھەرىكەتلەردىن ساقلىنىش تەكلىپىنى بېرىشى مۇمكىن.
2. ئوپېراتسىيە قىلىپ داۋالاش:چوڭراق كىندىك چۇقۇقى ياكى ئەگەشمە كېسەللىكى بار بىمارلارنى ئوپېراتسىيە قىلىپ داۋالاشقا توغرا كېلىشى مۇمكىن، مەسىلەن، قورساق بوشلۇقى ئەينىكى ئوپېراتسىيەسى ياكى ئەنئەنىۋى ئوچۇق ئوپېراتسىيە قاتارلىقلار.
