قىش پەسلىدە قانداق ئوزۇقلانسا مۇۋاپىق؟

تېڭشۈن تورى خەۋىرى، نۇر تورى تەرجىمىسى:

ساغلاملىق بىلىملىرىنى ئەستە چىڭ ساقلاپ، كۈتۈنۈشنىڭ ئەپچىل چارىلىرىدىن تەڭ بەھرىمەن بولۇپ، ساغلام كىشىىك ھاياتقا قۇچاق ئاچايلى.

قىشنىڭ باشلىنىشى يەنى ھاۋانىڭ كۈندىن-كۈنگە سوغۇق بولىدىغانلىقىدىن دېرەك بېرىدۇ. قەھرىتان سوغۇققا تاقابىل تۇرۇش ئۈچۈن، كىشىلەر كىيىم ـ كېچەك ۋە يوتقان ـ كۆرپىلەرنى تەييارلاشتىن باشقا، يەنە ئۇزۇقلۇق تولۇقلاشمۇ ئىنتايىن مۇھىم. ئوزۇقلۇق تولۇقلاش خالىغانچە يېيىشنى ئەمەس، بەلكى مۇۋاپىق يېمەكلىكنى تاللاپ يېيىشنى كۆرسىتىدۇ.

باش قىشتىن كېيىن، يېمەكلىك ۋە ياغنىڭ قوبۇل قىلىنىشىنى مۇۋاپىق كۆپەيتىپ، يۇقىرى ئاقسىللىق يېمەكلىكلەرنى كۆپرەك يەپ، ئېنېرگىيە تولۇقلاپ سوغۇقتىن ساقلىنىش كېرەك.

قىش كەلگەندە كۆپچىلىك گۆشنى كۆپرەك يەپ «قۇۋۋەت تولۇقلاش»قا باشلايدۇ. بۇ ۋاقىتتا، كالا گۆشى، قوي گۆشى، توخۇ گۆشى، ئۆردەك گۆشى، بېلىق، راك قاتارلىقلارنىڭ ھەممىسى ياخشى تاللاش ھېسابلىنىدۇ.

كۆكتاتقا كەلسەك، كۆپچىلىككە ئىككى خىل ئەرزان ھەم ئۈنۈملۈك بولغان − تۇرۇپ بىلەن يېسسىۋېلەكنى ئالاھىدە تەۋسىيە قىلىمىز. يەنى ئاق تۇرۇپ ئىشتىھانى ئېچىپ، تالنى ساغلاملاشتۇرۇپ، يەلنى ھەيدەپ، بەلغەمنى بوشىتىدۇ، يەنە ئىممۇنىتېت كۈچىنى ئاشۇرىدۇ. يېسىۋېلەك تەركىبىدە مول يىرىك تالا بولۇپ، ئاشقازان، ئۈچەينىڭ لۆمۈلدىشىنى غىدىقلاپ، ھەزىم قىلىشقا ياردەم بېرىدۇ، گۆش تۈرىدىكىلەرنى ماسلاشتۇرۇپ ئىستېمال قىلسا بولىدۇ.

شۇنىڭ بىلەن بىر ۋاقىتتا، باش قىشتا بۆرەكنى ئاسراشقا ئالاھىدە دىققەت قىلىش كېرەك، قىشتا بۆرەكنىڭ ئىقتىدارى ئەڭ ئاسان زىيانغا ئۇچرايدۇ. بۆرەك ئىقتىدارىنىڭ ئاجىزلىشىشى ئاسانلا روھسىزلىنىش، سوغۇقتىن قورقۇش، بەل، دۈمبە ئاغرىش قاتارلىق ئالامەتلەرنى كەلتۈرۈپ چىقىرىدۇ، ئۇزاق مۇددەت داۋاملاشسا ئېغىرلىشىپ، كۆڭۈل ئېلىشىش، قىزىش، قۇلاق غوڭۇلداش، قۇلاق گاس بولۇش، ئېغىز قۇرۇش، تىل قۇرغاقلىشىش قاتارلىقلارنى كەلتۈرۈپ چىقىرىدۇ. شۇڭا قىش پەسلىدىن باشلاپ، بىر تەرەپتىن تۇز قوبۇل قىلىشنى ئازايتىپ، بۆرەكتە سۇنىڭ زىيادە كۆپىيىپ كېتىشىنىڭ ئالدىنى ئېلىش كېرەك؛ يەنە بىر تەرەپتىن، بۆرەكنى قۇۋۋەتلەيدىغان يېمەكلىكلەرنى كۆپرەك ئىستېمال قىلىش كېرەك. مەسىلەن، پىچەكگۈل، قارا قېرىنقۇلاق، ئالقات، قارا كۈنجۈت، قارا گۈرۈچ قاتارلىقلار.

ئوزۇقلۇق تولۇقلاش پەقەت كۈتۈنۈشنىڭ بىر تەرىپى، نوقۇل ھالدا «ياخشى يېيىش» كۇپايە قىلمايدۇ، يەنە ياخشى ئۇخلاش، ياخشى ھەرىكەت قىلىش، كەيپىياتى ياخشى بولۇش كېرەك.

بالدۇر ئۇخلاپ ئەتىگەن تۇرۇش، ئۇيقۇنىڭ يېتەرلىك بولۇشىغا كاپالەتلىك قىلىش؛ ھەرىكەت قىلىشتىن بۇرۇن، بەدەن قىزىتىش ھەرىكىتىنى ياخشى ئىشلەش، ئەڭ ياخشىسى ئۆي ئىچىدە ئوكسىگېنلىق بەدەن چېنىقتۇرۇش كېرەك، مەسىلەن، يوگا، تەيجى گۇمپىسى قاتارلىقلار؛ كەيپىيات جەھەتتە، «قىشلىق ساقلىقنى ساقلاش»تا روھىي جەھەتتىكى تىنچلىققا ئەھمىيەت بېرىش كېرەك. مۇۋاپىق ئۇسۇل بىلەن ناچار كەيپىياتنى تەڭشەش ۋە چىقىرىپ تاشلاش، كۆڭۈل خاتىرجەملىكىنى تىزدىن ئەسلىگە كەلتۈرۈش كېرەك.

ئۇنىڭدىن باشقا، ئاپتاپقا كۆپرەك قاقلىنىش. ئاپتاپقا قاقلىنىش بەدەندىكى خولېستېرىننى ۋىتامىن D غا ئايلاندۇرۇپ، كالتسىينىڭ سۈمۈرۈلۈشىنى ئىلگىرى سۈرىدۇ، سۆڭەك شالاڭلىشىش، پۈتۈن بەدەن ئاغرىشنىڭ ئالدىنى ئېلىش ۋە پەسەيتىشكە پايدىلىق؛ ئاپتاپقا قاقلىنىش يەنە بەدەندىكى تېرە قىل قان تومۇرلىرىنىڭ كېڭىيىشىنى ئىلگىرى سۈرۈپ، زۇكامنىڭ ئالدىنى ئېلىش، ئىچكى ئەزالاردىكى يەل ۋە قاننى تەڭشەش، تال ۋە ئاشقازاننىڭ سوغۇقىنى ھەيدەش، قۇۋۋەت تۇلۇقلاش رولىنى ئوينايدۇ.

بىراق كۆپچىلىكنىڭ قۇۋۋەت تۇلۇقلاش بىلەن بىللە، «ئۆلچەم» نى ياخشى ئىگىلىشى، بولۇپمۇ ھەر خىل گۆشلەرنى ۋەكىل قىلغان يۇقىرى ئاقسىللىق يېمەكلىكلەردە يۇقىرى ماي بولۇپ، ئاسانلا سېمىزلىك قاتارلىق مەسىلىلەرنى كەلتۈرۈپ چىقىرىدۇ، كۆپچىلىك قۇۋۋەت تۇلۇقلايمىز دەپ قارىغۇلارچە ئىش قىلماسلىق مۇۋاپىق تولۇقلاش تەكلىپىنى بېرىمىز.

ئەمما قۇۋۋەت تولۇقلايدىغان قورۇمىلارنى ياخشى تەتقىق قىلىشقا ۋاقتى يوق دوستلار بەلكىم ئۆزىگە ماس كېلىدىغان ساغلاملىق يېمەكلىكلىرىنى تاللاپ سىناپ بېقىشى مۇمكىن. بىز كۆپچىلىككە قىش كۈنلىرى ساغلاملىق يېمەكلىكى سېتىۋالغاندا، ئىممۇنىتېت كۈچىنى ئاشۇرۇش ئىقتىدارى بارلىقىنى ئالدىن ئويلىشىش تەكلىپى بېرىمىز. مەسىلەن، توشقان زەدىكى، ئامېرىكا ئادەمگىياھى، قىزىل مېھرىگىياھ قاتارلىق تەركىبلەر بولغان ساغلاملىق يېمەكلىكلىرى بۆرەكنى قۇۋۋەتلەپ، ئىسپېرمىنى كۆپەيتىش، روھىي قۇۋۋەتنى ئاشۇرۇش، قۇۋۋەتنى تولۇقلاش رولىغا ئىگە بولۇپ، كېسەللىكنىڭ ئالدىنى ئېلىش، كېسەللىككە قارشى تۇرۇش كۈچىنى ئاشۇرۇش، قېرىشنى كېچىكتۈرۈش قاتارلىق روللارنى ئوينايدۇ، بۇ باش قىش پەسىلدىكى ياخشى تاللاشتۇر.

مەنبە:
https://m.nur.cn/news/2023/12/11114562.shtml