قىزىل قان ھۈجەيرىلىرى تارقىلىش كەڭلىكى RDW

قىزىل قان ھۈجەيرىلىرى تارقىلىش كەڭلىكى ( Red Cell Distribution Width ،RDW ) قىزىل قان ھۈجەيرىلىرىنىڭ چوڭ – كىچىكلىكىنىڭ ئۆزگىرىش دەرىجىسىنى ئۆلچەيدىغان كۆرسەتكۈچ بولۇپ، ئادەتتە پىرسەنت ( %) بىلەن ئىپادىلىنىدۇ. قىزىل قان ھۈجەيرىلىرى تارقىلىش كەڭلىكى ( RDW ) قىزىل قان ھۈجەيرىلىرى ھەجىمىنىڭ ئۆزگىرىشچانلىقىنى ئەكس ئەتتۈرىدۇ. نورمال ئەھۋالدا، قىزىل قان ھۈجەيرىلىرىنىڭ چوڭ – كىچىكلىكى نىسبەتەن ئوخشاش بولغاچقا ، قىزىل قان ھۈجەيرىلىرى تارقىلىش كەڭلىكى ( RDW ) قىممىتى بىر قەدەر تۆۋەن بولىدۇ ; قىزىل قان ھۈجەيرىلىرىنىڭ چوڭ – كىچىكلىكىدە پەرق چوڭراق بولغاندا ،قىزىل قان ھۈجەيرىلىرى تارقىلىش كەڭلىكى ( RDW ) قىممىتى ئۆرلەيدۇ. قان ئازلىق كۆرۈلگەندە، قىزىل قان ھۈجەيرىلىرىنىڭ ھەجىم ئوخشىماسلىقىغا قارىتا پەرقلەندۈرۈش ئۈچۈن، قىزىل قان ھۈجەيرىلىرى تارقىلىش كەڭلىكى ( RDW ) نى تەكشۈرۈش ئارىلىق دىئاگنوز قويۇشقا تېخىمۇ ئاسانلىق تۇغۇلىدۇ ،قان ئازلىقنىڭ تىپى ۋە ئۇنىڭ يوشۇرۇن كېسەللىك سەۋەبىنى پەرقلەندۈرۈشكە ياردەم بېرىدۇ.

ئۇيغۇرچە ئىسمى: قىزىل قان ھۈجەيرىلىرى تارقىلىش كەڭلىكى
ئىنگىلىزچە ئىسمى: Red Cell Distribution Width
خەنزۇچە ئىسمى: 红细胞分布宽度
تۈركچە ئىسمى: Kırmızı Kan Hücreleri Dağılım Genişliği

قىسقارتىلىشى: RDW

نورمال سەۋىيىسى:
ئەرلەرنىڭ نورمال قىممىتى:%11.5 ~ %14.5
ئاياللارنىڭ نورمال قىممىتى:%11.5 ~ %14.5

قىزىل قان ھۈجەيرىلىرى تارقىلىش كەڭلىكى ئۆلچەش ئۇسۇلى:

قىزىل قان ھۈجەيرىلىرى تارقىلىش كەڭلىكى ( RDW ) ئاپتوماتىك قان ئانالىزاتورى ئارقىلىق ئۆلچىلىدۇ. قان ئەۋرىشكىسى ئانالىز قىلىش ئەسۋابىغا كىرگۈزۈلگەندىن كېيىن، ئەسۋاب ھەربىر قىزىل قان ھۈجەيرىسىنىڭ ھەجىمىنى ئۆلچەيدۇ ھەمدە بارلىق قىزىل قان ھۈجەيرىلىرىنىڭ ھەجىمىنىڭ ئۆزگىرىش كوئېففىتسېنتى ( يەنى ئۆلچەملىك پەرق بىلەن ئوتتۇرىچە قىزىل قان ھۈجەيرىلىرىنىڭ ھەجىمىنىڭ سېلىشتۇرما قىممىتى ) نى ھېسابلايدۇ. RDW ئادەتتە ئۆزگىرىشچان كوئېففىتسېنت (coefficient of variation ، CV ) بىلەن ئىپادىلىنىدۇ ،كونكرېت ھېسابلاش فورمۇلاسى تۆۋەندىكىچە:

(RDW-CV = 1 SD ÷ MCV × 100)

قىزىل قان ھۈجەيرىلىرى تارقىلىش كەڭلىكى ئەر – ئاياللاردىكى پەرقى:

ئەرلەرنىڭ نورمال قىممىتى:%11.5 ~ %14.5
ئاياللارنىڭ نورمال قىممىتى:%11.5 ~ %14.5

قىزىل قان ھۈجەيرىلىرى تارقىلىش كەڭلىكى ( RDW ) قىممىتى ئەرلەر بىلەن ئاياللار ئارىسىدا ئادەتتە كۆرۈنەرلىك پەرق بولمايدۇ، نورمال دائىرىسى ئادەتتە 11.5 %- 14.5 %بولىدۇ. گەرچە يەككە تەندىكى پەرق ۋە فىزىيولوگىيەلىك ھالەت يېنىك داۋالغۇشنى كەلتۈرۈپ چىقىرىشى مۇمكىن بولسىمۇ، لېكىن قىزىل قان ھۈجەيرىلىرى تارقىلىش كەڭلىكى ( RDW ) قىممىتى ئادەتتە يۇقىرىدا بايان قىلىنغان دائىرە ئىچىدە بولىدۇ. بۇ مەيلى جىنسىنىڭ قانداق بولۇشىدىن قەتئىينەزەر ،قىزىل قان ھۈجەيرىلىرى تارقىلىش كەڭلىكى ( RDW ) قىزىل قان ھۈجەيرىسىنىڭ چوڭ – كىچىكلىكىنىڭ ئۆزگىرىشىنى ئىشەنچلىك كۆرسەتكۈچ سۈپىتىدە باھالىيالايدىغانلىقىدىن دېرەك بېرىدۇ.

قىزىل قان ھۈجەيرىلىرى تارقىلىش كەڭلىكى ئىقتىدارى:

قىزىل قان ھۈجەيرىلىرى تارقىلىش كەڭلىكى ( RDW ) قىزىل قان ھۈجەيرىلىرىنىڭ چوڭ – كىچىكلىكىنىڭ ئۆزگىرىشچانلىقىنى باھالاش ئارقىلىق قىزىل قان ھۈجەيرىلىرىنىڭ ھاسىل بولۇش ۋە يېتىلىش جەريانىدا نورمالسىزلىق بار – يوقلۇقىنى ئەكس ئەتتۈرىدۇ. قىزىل قان ھۈجەيرىلىرىنىڭ ھاسىل بولۇشى ۋە يېتىلىشى كۆپ خىل ئامىللارنىڭ تەسىرىگە ئۇچرايدۇ، بۇ ئوزۇقلۇق ئەھۋالى ( مەسىلەن، تۆمۈر، ۋىتامىن B12، فولىك كىسلاتاسى )، يىلىك ئىقتىدارى ۋە ئاستا خاراكتېرلىك كېسەللىك قاتارلىقلارنى ئۆز ئىچىگە ئالىدۇ. قىزىل قان ھۈجەيرىلىرى تارقىلىش كەڭلىكى ( RDW ) نىڭ ئۆرلىشى ئادەتتە قىزىل قان ھۈجەيرىلىرىنىڭ ھاسىل بولۇش جەريانىدا مەسىلە بارلىقىنى، چوڭ – كىچىكلىكى ئوخشاش بولمىغان قىزىل قان ھۈجەيرىلىرىنىڭ بارلىقىنى بىلدۈرىدۇ. كىلىنىكىلىق ئەمەلىيەت جەريانىدا ،قىزىل قان ھۈجەيرىلىرى تارقىلىش كەڭلىكى ( RDW ) دائىم ئوخشاش بولمىغان تۈردىكى قان ئازلىقنى پەرقلەندۈرۈشكە ئىشلىتىلىدۇ ھەمدە قان ئازلىقنى داۋالاش ئۈنۈمىنى كۆزىتىدۇ.

قىزىل قان ھۈجەيرىلىرى تارقىلىش كەڭلىكى كلىنىكىدا قوللىنىش:

قىزىل قان ھۈجەيرىلىرى تارقىلىش كەڭلىكى ( RDW ) كىلىنىكىدا قان ئازلىققا دىئاگنوز قويۇش ۋە ئۇنى داۋالاشتا كەڭ قوللىنىلىدۇ. ئالدى بىلەن ،قىزىل قان ھۈجەيرىلىرى تارقىلىش كەڭلىكى ( RDW ) نى ۋە باشقا قان تۈرلىرىنى ئۆلچەش ئارقىلىق دەسلەپكى قەدەمدە قان ئازلىقنىڭ تۈرىگە ھۆكۈم قىلغىلى بولىدۇ. مەسىلەن:تۆمۈر كەملىكتىن بولغان قان ئازلىق كېسىلىدە ئادەتتە قىزىل قان ھۈجەيرىلىرى تارقىلىش كەڭلىكى ( RDW ) يۇقىرى كۆرۈلىدۇ ، سوزۇلما خاراكتېرلىك قان ئازلىق بولسا قىزىل قان ھۈجەيرىلىرى تارقىلىش كەڭلىكى ( RDW ) نەتىجىسى نورمال ياكى يېنىك دەرىجىدە ئۆرلەيدۇ. ئۇنىڭدىن قالسا ،قىزىل قان ھۈجەيرىلىرى تارقىلىش كەڭلىكى ( RDW ) قان ئازلىقنى داۋالاش ئۈنۈمىنى ئۆلچەپ ، دوختۇرنىڭ داۋالاش لايىھىسىنى تەڭشىشىگە ياردەم بېرىدۇ. بۇنىڭدىن باشقا ، قىزىل قان ھۈجەيرىلىرى تارقىلىش كەڭلىكى ( RDW ) يەنە قىزىل قان ھۈجەيرىسىنىڭ ھاسىل بولۇشى بىنورمال بولغان باشقا ئەھۋاللارنى باھالاشقا ئىشلىتىلىدۇ ،مەسىلەن: يىلىك ئۆسۈشى بىنورمال بولۇش يىغىندى ئالامىتى ۋە قان ئېرىش خاراكتېرلىك قان ئازلىق قاتارلىقلار.

قىزىل قان ھۈجەيرىلىرى تارقىلىش كەڭلىكى بىنورمال كۆپىيىشىنىڭ سەۋەبى:

1. تۆمۈر كەملىكتىن بولغان قان ئازلىق: تۆمۈرنىڭ قوبۇل قىلىنىشى يېتەرلىك بولماسلىق ياكى سۈمۈرۈلۈشى توسقۇنلۇققا ئۇچراش سەۋەبىدىن قىزىل قان ھۈجەيرىلىرىنىڭ ھاسىل بولۇشى تەسىرگە ئۇچرايدۇ، چوڭ – كىچىكلىكى ئوخشاش بولمايدۇ ،قىزىل قان ھۈجەيرىلىرى تارقىلىش كەڭلىكى ( RDW ) نەتىجىدە يۇقىرى ئۆرلەيدۇ.

2. ۋىتامىن B12 ياكى فولىك كىسلاتاسىنىڭ كەمچىل بولۇشى: قىزىل قان ھۈجەيرىلىرىنىڭ نورمال ھاسىل بولۇشى ۋە پىشىشىغا تەسىر كۆرسىتىپ، قىزىل قان ھۈجەيرىلىرىنىڭ چوڭ – كىچىكلىكىنىڭ ئۆزگىرىشى چوڭىيىدۇ، قىزىل قان ھۈجەيرىلىرى تارقىلىش كەڭلىكى ( RDW ) يۇقىرى ئۆرلەيدۇ.

3. قان ئېرىش خاراكتېرلىك قان ئازلىق: قىزىل قان ھۈجەيرىلىرى زىيادە كۆپ بۇزغۇنچىلىققا ئۇچراپ، يىلىك كومپېنساتسىيىلىك يېڭى قىزىل قان ھۈجەيرىسىنى ھاسىل قىلىپ، قىزىل قان ھۈجەيرىسىنىڭ چوڭ – كىچىكلىكىنىڭ تەكشى بولماسلىقىنى كەلتۈرۈپ چىقىرىدۇ، قىزىل قان ھۈجەيرىلىرى تارقىلىش كەڭلىكى ( RDW ) ئۆرلەيدۇ.

4. يىلىك بىنورمال ئۆسۈش سىندرومى: يىلىكنىڭ قان ئىشلەش ئىقتىدارى بىنورمال بولۇش، قىزىل قان ھۈجەيرىلىرىنىڭ ھاسىل بولۇش جەريانى بىردەك بولماسلىق ،قىزىل قان ھۈجەيرىلىرى تارقىلىش كەڭلىكى ( RDW ) يۇقىرى ئۆرلەشنى كەلتۈرۈپ چىقىرىدۇ.

5. ئاستا خاراكتېرلىك جىگەر كېسىلى: جىگەر ئىقتىدارىنىڭ نورمالسىزلىقى قىزىل قان ھۈجەيرىلىرىنىڭ ھاسىل بولۇشى ۋە ماددا ئالمىشىشىغا تەسىر كۆرسىتىپ، قىزىل قان ھۈجەيرىلىرى تارقىلىش كەڭلىكى ( RDW ) قان شېكىرىنى ئۆرلىتىۋېتىدۇ.

6. قان بەرگەندىن كېيىن:كىرگۈزۈلگەن قىزىل قان ھۈجەيرىسىنىڭ چوڭ – كىچىكلىكى بىمارنىڭ ئۆزىدىكى قىزىل قان ھۈجەيرىسى بىلەن ئوخشاش بولمىغاچقا ،قىزىل قان ھۈجەيرىلىرى تارقىلىش كەڭلىكى ( RDW ) نىڭ ئۆرلەپ كېتىشىنى كەلتۈرۈپ چىقىرىشى مۇمكىن.

قىزىل قان ھۈجەيرىلىرى تارقىلىش كەڭلىكى بىنورمال ئازىيىشىنىڭ سەۋەبى:

قىزىل قان ھۈجەيرىلىرى تارقىلىش كەڭلىكى ( RDW ) بىنورمال ئازىيىش ئەھۋالى بىر قەدەر ئاز كۆرۈلىدۇ ،ئەمما بەزى ئالاھىدە ئەھۋاللاردا كۆرۈلۈشى مۇمكىن:

1. جىددىي خاراكتېرلىك قانسىراپ كەتكەندىن كېيىن تېز سۈرەتتە تۆمۈر تولۇقلاش: جىددىي خاراكتېرلىك قانسىراپ كەتكەندىن كېيىن تېز سۈرەتتە تۆمۈر ماددىسى تولۇقلاش قىزىل قان ھۈجەيرىلىرىنىڭ ھاسىل بولۇشىنى تېز سۈرەتتە ئەسلىگە كەلتۈرىدۇ، چوڭ كىچىكلىكى بىردەك بولۇشقا قاراپ يۈزلىنىدۇ ،قىزىل قان ھۈجەيرىلىرى تارقىلىش كەڭلىكى ( RDW ) تۆۋەنلەيدۇ.

2. بەزى سوزۇلما خاراكتېرلىك قان ئازلىق: مەسىلەن سوزۇلما خاراكتېرلىك بۆرەك كېسىلى قان ئازلىقىدا قىزىل قان ھۈجەيرىلىرىنىڭ ھاسىل بولۇشى بىر قەدەر تۇراقلىق بولىدۇ، چوڭ – كىچىكلىك پەرقى بىر قەدەر كىچىك بولىدۇ، RDW قان ئازلىقىدا بىر قەدەر تۆۋەن بولىدۇ.

3. يىلىكنىڭ قان ئىشلىشىنى تورمۇزلاش:خىمىيەلىك داۋالاش ياكى رادىئاتسىيەلىك داۋالاش سەۋەبىدىن يىلىكنىڭ قان ئىشلەش ئىقتىدارى تورمۇزلىنىپ، قىزىل قان ھۈجەيرىلىرىنىڭ ھاسىل بولۇش مىقدارى ئازىيىپ، چوڭ – كىچىكلىكىنىڭ بىردەكلىكى ئېشىپ، RDW تۆۋەنلەيدۇ.

قىزىل قان ھۈجەيرىلىرى تارقىلىش كەڭلىكى ( RDW ) قان تەكشۈرۈشتىكى مۇھىم كۆرسەتكۈچلەرنىڭ بىرى بولۇش سۈپىتى بىلەن كىلىنىكىلىق دىياگنوز قويۇش ۋە باشقۇرۇشتا مۇھىم رول ئوينايدۇ. قىزىل قان ھۈجەيرىلىرى تارقىلىش كەڭلىكى ( RDW )نەتىجىسىگە توغرا باھا قويۇش ئۈچۈن، چوقۇم مۇنتىزىم دوختۇرلارغا كۆرۈنۈشى كېرەك.

قان تەكشۈرۈش ئىچىدىكى ھەرقايسى تۈرلەر ۋە نەتىجىلەرنىڭ چۈشەندۈرۈلۈشىنى بىلمەكچى بولسىڭىز، تۆۋەندىكى ئادرىسنى زىيارەت قىلىڭ.

قان تەكشۈرۈش ئىچىدىكى ھەرقايسى تۈرلەر ۋە نورمال قىممىتى چۈشەندۈرۈلۈشى

https://dohturlar.com/qan-tekshurush-ichidiki-herqaysi-turler-we-normal-qimmiti

قان تەكشۈرۈش ئىچىدىكى ھەرقايسى تۈرلەر ۋە نورمال قىممىتى