تەييارلاش ئۇسۇلى: يەرلىك توخو تۇخۇمىنى سۇدا پىشۇرىمىز، تۇخۇم تولۇق پىشقاندىن كېيىن، ئاندىن تۇخۇم سېرىقى ئايرىپ ئېلىپ، قۇرۇتىمىز. ئاندىن ئۇششاق ئېزىمىز. ئۇۋاقلىنىپ ئېزىلگەن تۇخۇم سېرىقىنى تەكشى يۈزلۈك تاۋا ياكى قوغۇشۇن قازاندا قىزىتىمىز. تۇخۇم سېرىقى كۆيۈپ كۈچلۈك تۇخۇم سېرىقى پۇرىقى كېلىشكە باشلىغاندا، ئوتنى توختىتىپ، تۇخۇم يېغى (تۇخۇم مېيى) يىغىۋالىمىز. قالغان تۇخۇم سېرىقى ئۇۋاقلىرىنى داكىدا سىقىش ياكى ئەلگەكتىن ئۆتكۈزۈش شەكىلدە قالغان ياغلارنىمۇ يىغىۋالىمىز.
تەبىئىتى: قۇرۇق ئىسسىق.
خۇسۇسىيىتى: زەھەر قايتۇرۇش، ياللۇغ قايتۇرۇش خۇسۇسىيىتىگە ئىگە.
ئىشلىتىلىشى: تېرە ياللۇغى، ھۆل تەمرەتكە، كالا تەمرەتكىسى، تاز ، نەم سوغۇق ئېشىپ كېتىش سەۋەبلىك قۇرۇق يۆتەل، ئۇيقۇدا سىيىپ قويۇش … قاتارلىق كېسەللىكلەردە يەرلىك ئورۇن ياغلىنىدۇ.
ئۇيغۇرچە باشقا ئاتىلىشلىرى: تۇخۇم سېرىقى ماي، تۇخۇم سېرىق مېيى
باشقا تىللاردا ئاتىلىشى:
ئىنگىلىزچە: Egg oil, egg yolk oil
تۈركچە: yumurta yağı, yumurta sarısı yağı
خەنزۇچە: 鸡蛋油, 凤凰油