يۇتۇش قىيىنلىشىش يېمەكلىك ياكى سۇيۇقلۇقنى يۇتقاندا بىئارام بولۇش ياكى ئاغرىشنى كۆرسىتىدۇ. ئۇ ئادەتتە گال، قىزىلئۆڭگەچ ياكى ئېغىز بوشلۇقىدىكى مەلۇم ئورۇندا مەسىلە كۆرۈلگەنلىكتىن كېلىپ چىقىدۇ.
ئۇيغۇرچە: يۇتۇش قىينىلىش
ئىنگىزچە: dysphagia
خەنزۇچە: 吞咽困难
تۈركچە: disfaji
تۆۋەندىكىسى يۇتۇش قىيىنلىشىشنى كەلتۈرۈپ چىقىرىدىغان دائىم كۆرۈلىدىغان سەۋەبلەر:
1. قىزىلئۆڭگەچ ياللۇغى قىزىلئۆڭگەچ ياللۇغى قىزىلئۆڭگەچنىڭ ئىچكى دىۋارىدا يۈز بەرگەن ياللۇغنى كۆرسىتىدۇ، دائىم ئاشقازان كىسلاتاسىنىڭ تەتۈر ئېقىشىدىن كېلىپ چىقىدۇ. بۇ قىزىلئۆڭگەچنىڭ قىسقىرىشى ياخشى بولماسلىقنى كەلتۈرۈپ چىقىرىدۇ، شۇنىڭ بىلەن يېمەكلىك ئۆتەلمەيدۇ.
2. قىزىلئۆڭگەچ تارىيىش قىزىلئۆڭگەچنىڭ تارىيىشى قىزىلئۆڭگەچنىڭ ئىچكى دىئامېتىرىنىڭ تارىيىشىنى كۆرسىتىدۇ، ئادەتتە ئۇزاق مۇددەت تاماكا چېكىش، ھاراق ئىچىش، ئاشقازان – قىزىلئۆڭگەچ ياندۇرۇش كېسىلى قاتارلىق سەۋەبلەردىن كېلىپ چىقىدۇ. بۇ يېمەكلىكنىڭ ئۆتەلمەسلىكىنى كەلتۈرۈپ چىقىرىدۇ.
3. گال كېسىلى كېكىردەك كېسەللىكلىرى، مەسىلەن، بادامبەز ياللۇغى، كېكىردەك ياللۇغى قاتارلىقلارمۇ يۇتۇش قىيىنلىشىشنى كەلتۈرۈپ چىقىرىشى مۇمكىن.
4. نېرۋا مۇسكۇل كېسىلى نېرۋا مۇسكۇل كېسەللىكلىرى، مەسىلەن، پاركىنسون كېسىلى، مۇسكۇل يىگلەش يان خوردىسى قېتىشىش كېسىلى قاتارلىقلارمۇ يۇتۇش قىيىنلىشىشنى كەلتۈرۈپ چىقىرىشى مۇمكىن.
يۇتۇش قىيىنلىشىشنى داۋالاش ئۇسۇلى ئۇنىڭ سەۋەبى ۋە ئېغىرلىق دەرىجىسىگە باغلىق. يېنىك دەرىجىدىكى يۇتۇش قىيىنلىشىشقا قارىتا، يېمەك ئىچمەك ئادىتىنى ئۆزگەرتىش، تاماقنى ئاستا يېيىش، زىيادە ھاراق ئىچىشتىن ساقلىنىش قاتارلىق ئۇسۇللار ئارقىلىق كېسەللىك ئالامىتىنى پەسەيتىشكە بولىدۇ. ئېغىر ئەھۋالغا نىسبەتەن، دورا ياكى باشقا داۋالاش ئۇسۇلى ئارقىلىق كېسەللىك ئەھۋالىنى كونترول قىلىش كېرەك. ئۇنىڭدىن باشقا، قەرەللىك ھالدا دوختۇرغا بېرىپ تەكشۈرتۈشمۇ ئىنتايىن مۇھىم بولۇپ، يوشۇرۇن ساغلاملىق مەسىلىلىرىنى بالدۇر بايقاش ۋە داۋالاشقا قولايلىق.
