دوختۇرلار تورى

تەن ساقلىق زور بايلىق

كۆك يۆتەلنى يەرلىك ئۇسۇلدا داۋالاش

1) بىر دانە توخۇنىڭ ئۆتىنىڭ ئېلىپ ، ئۇنىڭغا قويۇقلاشقۇدەك مىقداردا ئاق شېكەر سېلىپ ئارىلاشتۇرۇپ ئۇماچ ھالىتىگە كەلتۈرۈلىدۇ . بىر ئۆتتە ياسالغان دورا بىر ئايلىقتىن بەش ئايلىققىچە بولغان بالىلارغا كۈندە ئۈچ قېتىمدىن ئۈچ كۈن ئىچكۈزۈلىدۇ . بەش ئايلىقتىن بىر ياشقىچە بولغان بالىلارغا كۈندە ئۈچ قېتىمدىن ئىككى كۈن ئىچۈرۈلىدۇ . بىر ياشتىن ئۈچ ياشقىچە بولغان بالىلارغا بىر كۈندە ئۈچ ۋاخ ئىچۈرۈپ تۈگىتىلىدۇ . مۇشۇ نىسبەت بويىچە ئىچىشنى داۋام قىلسا ، كۆكيۆتەلنى توختىتىشتا ياخشى ئۈنۈم بېرىدۇ .

2) يەتتە دانە تۇخۇمدا ياغ چىقىرىپ ، بەش مىسقال ناۋاتنى تالقانلاپ ، ئىككى قوشۇق قايناق سۇغا ناۋاتتىن بىر مىسقال سېلىپ ئېرىتىپ ، تۇخۇم يېغىدىن ئىككى – ئۈچ تامچە تېمىتىپ ئارىلاشتۇرۇپ ئىچۈرۈشنى داۋام قىلسا ، كۆكيۆتەلنى توختىتىشتا ئەھمىيىتى بار ( كۈندە ئىككى قېتىمدىن ئىچۈرسە بولىدۇ ).

3) بىر دانە ئاق قۇشقاچنى ئۆلتۈرۈپ پاكىزلاپ ، بىر چىنە سۇدا يېرىم سەر ناۋات قوشۇپ قاينىتىپ ، پىشقاندىن كېيىن گۆشنى يېگۈزۈپ سۈيىنى ئىچۈرسە ، كۆكيۆتەلنى توختىتىدۇ .

4) بىر دانە كۆك كەپتەرنى ئۆلتۈرۈپ ، قېنىنى كېسەلنىڭ كاناي ۋە كۆكرەكلىرىگە سۈركەپ ، گۆشىنى بىر چىنە سۇدا پىشۇرۇپ يېگۈزۈشنى داۋام قىلسا ، سوغۇقتىن بولغان كۆكيۆتەلنى پەسەيتىشتە ياخشى ئۈنۈم بېرىدۇ . رەڭلىك قوڭغۇراق موزىكىلىرى

5) بىر دانە ھەرە كۆنىكىنى ئۈچتىن بەش قېتىمغىچە ئىلمان سۇغا بىر سائەتتىن چىلاپ ، سۈيىنى قايتا يېڭىلاپ پاكىزلاپ ، بىر سەر ناۋات بىلەن بىر پىيالە سۇدا ئىككى قېتىم قاينىتىپ كۆپۈكىنى ئېلىۋېتىپ ، داكا بىلەن سۈزۈپ شېشىگە ئېلىپ قويۇپ ، كۈندە ئىككى قېتىم كىچىك بالىلارنىڭ ئەھۋالىغا قاراپ كىچىك تۆمۈر قوشۇقتا يېرىم قوشۇقتىن بىر قوشۇققىچە ئىچۈرۈشنى داۋام قىلسا ، كۆكيۆتەلگە ئوبدان ئۈنۈم بېرىدۇ .

6) بىر سەر ئۈچ مىسقال تاتلىق بادام مېغىزى ، ئالتە مىسقال قارىمۇچ ، بىر سەر ناۋاتنى تالقانلاپ ، كۆكيۆتەل بالىلارنىڭ ياش پەرقى ۋە باشقا ئەھۋالىغا قاراپ كۈندە ئىككى قېتىم ، ھەر قېتىمدا ئىككى – تۆت بارماقتا بىر چىمدىمنى يېرىم قوشۇقتىن بىر قوشۇققىچە قايماققا ئارىلاشتۇرۇپ يېگۈزۈشنى داۋام قىلسا ، يۆتەل ۋە قۇسۇش ، كۆكسى چىڭلىق ، قىزىتما ، كۆكيۆتەلگە ئالاھىدە ئۈنۈم بېرىدۇ .

7) بىر دانە بېھىنىڭ ئىچىنى پىچاق بىلەن ئويۇپ ، ئىچىگە قوينىڭ چاۋا يېغىدىن ۋە ئاقمۇچ تالقىنىدىن بىر چىمدىم سېلىپ ، بېھى تۆشۈكىنى خېمىر بىلەن ئېتىپ قوقاسقا كۆمۈپ ، ئوبدان پىشقاندىن كېيىن پوستىنى سويۇۋېتىپ ، بىر بېھىنى ئىككى – ئۈچ قېتىمغا بۆلۈپ يېگۈزۈشنى داۋام قىلسا ، يۆتەل ، كۆڭلى ئېلىشىش ، كۆكسى چىڭلىقنى پەسەيتىشتە ياخشى ئۈنۈم بېرىدۇ .

8) چۈچۈكبۇيا يىلتىزىدىن ئىككى مىسقال ، بادامدىن بىر سەر ، ئاق لەيلى ئۇرۇقى ياكى تېنى ، زىغىرنىڭ ھەر بىرىدىن ئىككى مىسقال ، كۆكنار شاكىلىدىن بىر مىسقال ، ناۋاتتىن يەتتە مىسقال ئېلىپ يۇقىرىقى دورىلارنى چالىراق سوقۇپ ، ھەر قېتىمدا بەش بارماقتا چوڭ بىر چىمدىمدىن بىر چىنە قايناق سۇغا دەملەپ ئۇسسۇلۇق ئورنىدا ئىچۈرۈشنى داۋام قىلسا ، يۆتەلنى پەسەيتىش ، قىزىتمىنى ياندۇرۇش ، ئۇسسۇلۇقنى دەپئى قىلىشتا ئەمەلىي ئۈنۈم بېرىدۇ ( بالا ئېمىتىۋاتقان ئاياللارمۇ ئىچىشى كېرەك ).

مەزكۈر مەزمون قوشۇلغان ۋاقىت: 2021-08-12

مەزكۈر مەزمون ئاخىرقى قېتىم يېڭىلانغان ۋاقىت: 2021-12-05 / 06:07:14

سەمىمىي ئەسكەرتىش
بىكەتتىكى مەزمۇنلار تورداشلارنىڭ پايدىلىنىشى، ساغلاملىققا بولغان تونۇشىنى ئاشۇرۇش ئۈچۈن تەمىنلەنگەن ئۇچۇرلاردۇر. ئەمما دىئاگنوز ئاساسى بولالمايدۇ. ئوخشىمىغان بىماردا ئوخشىمىغان ئالامەتلەر كۆرۈلىدۇ ۋە دىئاگنوزى ئوخشىمايدۇ. شۇڭا بەدەندە كېسەللىك ئالامەتلىرى كۆرۈلگەندە چوقۇم مۇنتىزىم دوختۇر بىلەن يۈز تۇرانە مەسىلىھەت ئېلىشىڭىزنى، دوختۇرخانىدا تەكشۈرتۈشىڭىزنى تەۋسىيە قىلىمىز.

باشقا يەرلەردىن ئېلىنغان بەزى مەزمۇنلار، رەسىملەرنىڭ ئەسلى مەنبەسىنى ئەسكەرتىشكە تىرىشتۇق. باشقا يەردىن ئېلىنغان مەزمۇنلار پەقەت شۇ ئاپتور يازارنىڭ ئۆز كۆز قارىشىنى ئىپادىلەيدۇ، بېكىتىمىزنىڭ مەيدانىغا ۋەكىللىك قىلالمايدۇ. بۇنىڭدىن سىرت، ئەگەر ئەسەرنىڭ ئەسلى ئاپتورى ماقالىنىڭ تور بېكىتىمىزدە ئېلان قىلىنغانلىقى ئۆزىنىڭ شەخسىي مەنپەئىتىگە دەخلى قىلىندى دەپ ئويلىسا، بىز بىلەن ئالاقىلاشسىڭىز، ئەڭ قىسقا ۋاقىت ئىچىدە بىكەتتىن ئۆچۈرۋەتسەك بولىدۇ.

تور بېكىتىمىزدىكى مەزمۇنلارنى شەخسىي بېتىڭىزدە ئىشلەتمەكچى بولسىڭىز، دوختۇرلار تور بېكىتى ياكى dohturlar.com دىن ئېلىنغانلىقىنى ۋەيا بىز ئەسكەرتكەن مەزمۇننىڭ ئەسلى مەنبەسىنى ئەسكەرتىپ قويۇشىڭىزنى چىن دىلىمىزدىن ئۈمىد قىلىمىز. ئەمگەك مېۋىسىگە ھۆرمەت قىلىڭ.

نۇر دوختۇر Doctor Nur
نۇر دوختۇر Doctor Nurhttp://dohturlar.com
تەن ساقلىق، زور بايلىق. دوختۇرلۇق مېنىڭ كەسپىم، تور بەت لايىھەلەش مېنىڭ قىزىقىشىم، بۇ ئىككىسىنى بىرلەشتۈرۈپ خەلقىم ئۈچۈن بىراز ئىش قىلىپ بېرەلىسەملا مېنىڭ ئەڭ چوڭ خوشاللىقىم بولىدۇ!

مۇناسىۋەتلىك تېمىلار

قالدۇرۇلغان باھالار

سۆز قالدۇرۇش

Please enter your comment!
Please enter your name here

سوتسىيال تاراتقۇلىرىمىز

1,656FansLike
697FollowersFollow
1,860SubscribersSubscribe

يېڭى مەزمونلار

مەخسۇس سەھىپىلەر