1) ئاشقازان – ئۈچەي ئىششىقى ( ياللۇغى ) كېسەللىكىگە چۈچۈكبۇيا يىلتىزىدىن يېرىم جىڭنى پاكىزلاپ قۇرۇتۇپ تالقانلاپ ، كۈندە ئۈچ قېتىم ، ھەر قېتىمدا بىر مىسقالدىن تاماقتىن ئىلگىرى ئىچىشنى داۋام قىلسا ، ياخشى ئۈنۈم بېرىدۇ .
2 ) تۇخۇم شاكىلىنى لازىملىق مىقداردا ئېلىپ ئېزىپ تالقانلاپ ، چوڭلار كۈندە ئىككى قېتىم ، ھەر قېتىمدا ئىككى – ئۈچ مىسقالدىن تاماقتىن كېيىن ئىچىشنى داۋام قىلسا ، ئاشقازان – ئۈچەي ئىششىقى ، ئاشقازان يارىسىغا ئۈنۈم بېرىدۇ .
3) ياشراق ئانارنىڭ يۇپۇرمىقى ، تاجىگۈلدىن سەككىز يېرىم مىسقالدىن ئېلىپ ، بىر يېرىم چىنە سۇدا بىر چىنە سۈيى قالغۇچە قاينىتىپ ، تىرىپلارنى ئېلىۋېتىپ ، سۈيىنى پاكىز داكىدا سۈزۈپ تەييارلاپ ، چوڭ كىشىلەر بۇ دورا سۈيىنى ئۈچكە بۆلۈپ تاماقتىن كېيىن ئىچىشنى داۋام قىلسا ، ئۆتكۈر ئاشقازان – ئۈچەي ئىششىقى ۋە كۆڭۈل ئېلىشىش ، ئىچ سۈرۈشنى ياخشىلاشتا ئۈنۈمى ياخشى .
4 ) ئىگىر ئىككى سەر ، چىڭسەي ئۇرۇقى يەتتە يېرىم مىسقال ، جۇۋىنە يەتتە يېرىم مىسقال ئېلىنىدۇ . بۇلارنى تالقانلاپ ، يالپۇز ياكى پىننىنىڭ تەمى چىقىرىلغان قىيام سۇيۇقلۇقى بىلەن خېمىر قىلىپ ، چوڭراق چىلان ئۇرۇقىدەكتىن كۇمىلاچ قىلىپ قۇرۇتۇپ تەييارلاپ ، چوڭلار ھەر كۈنى ئۈچ قېتىم ، ھەر قېتىمدا ئۈچ دانىدىن ، كىچىك بالىلار ئەھۋالغا قاراپ تاماقتىن ئىلگىرى ئىچىشنى داۋام قىلسا ، ئاشقازان ۋە 12 بارماق ئۈچەي كېسەللىكى ، قۇسۇش ۋە كۆڭۈل ئېلىشىش كېسەللىكلىرىنى دەپئى قىلىشتا ياخشى ئۈنۈم بېرىدۇ . رەڭلىك قوڭغۇراق موزىكىلىرى
5 ) ئارپىبەدىيان بەش سەر ، چىڭسەي ئىككى يېرىم سەر ، سېرىق ئوت ( ئەپتىدون ) ئىككى يېرىم سەر ( بىر سەر ئىككى يېرىم مىسقال ) ، كاسىنە بىر سەر ئىككى يېرىم مىسقال ، پىننە ئىككى يېرىم سەر ئېلىنىدۇ . يۇقىرىقى دورىلارنى بەش چىنە سۇدا ئۈچ يېرىم چىنە سۈيى قالغۇچە قاينىتىپ ، تىرىپلىرىنى ئېلىۋېتىپ ، سۈيىنى داكىدا سۈزۈپ تەييارلاپ ، چوڭلار ھەر كۈنى ئۈچ قېتىم ، ھەر قېتىمدا بىر سەردىن ، كىچىك بالىلار ئەھۋالغا قاراپ تاماقتىن كېيىن ئىچىشنى داۋام قىلسا ، ئاشقازان ئاغرىقىنى پەسەيتىش ، ئىچ سۈرۈشنى توختىتىش ، سۈيدۈكنى راۋان قىلىشتا ياخشى ئۈنۈم بېرىدۇ .
6) ئانار ئۇرۇقى بىر سەر ئالتە يېرىم مىسقال ، يالپۇز ۋە ئۆرۈك يېلىمى بىر سەر ئالتە يېرىم مىسقالدىن ئېلىنىدۇ . يۇقىرىقى دورىلارنى تالقانلاپ ، چوڭلار كۈندە ئۈچ قېتىم ، ھەر قېتىمدا تۆت بارماقتا بىر چىمدىمدىن ، كىچىك بالىلار ئەھۋالغا قاراپ تاماقتىن كېيىن ئىچىشنى داۋام قىلسا ، ئاشقازان كېسەللىكى سەۋەبلىك كۆڭۈل ئېلىشىش ، قۇسۇشنى توختىتىشتا ياخشى ئۈنۈم بېرىدۇ .
7) ئۈچ يېرىم سەر كۆك يانتاق چېچىكى بىر چىنە قايناقسۇدا دەملىنىدۇ ، تەمى چىققاندىن كېيىن تىرىپلىرىنى سۈزۈپ ئېلىۋېتىپ ، چوڭلار دورا سۈيىنى كۈندە ئۈچكە بۆلۈپ ئىچىشنى داۋام قىلس ، ئاشقازان كېسەللىكىدىن بولغان قورساق ئېسىكى ۋە قىزىتمىنى ياندۇرۇشتا ياخشى ئۈنۈم بېرىدۇ .
8) كاللەكبەسەينىڭ يىلتىزىنى ئېلىۋېتىپ پاكىزلاپ ، ئىككى جىڭ مىقدار ئۈگرىدەك توغراپ ، تۆت چىنە سۇغا سېلىپ ، ئۈچ چىنە سۈيى قالغۇچە قاينىتىپ تىرىپلىرىنى ئېلىۋېتىپ ، سۈيىنى ئوبدان سۈزۈپ ، ئۈستىگە بىر جىڭ ئاق شېكەر سېلىپ يەنە قاينىتىپ ئىچىشنى داۋام قىلسا ، ئاشقازان ۋە 12 بارماق ئۈچەي يارىسى كېسەللىكىگە ياخشى ئۈنۈم بېرىدۇ .
9) يانتاق چېچىكى ئۈچ يېرىم سەر ، جىگدە ياغىچىنىڭ كۆمۈرى ئۈچ يېرىم مىسقال ئېلىنىدۇ . يانتاق چېچىكىنى پاكىزلاپ قۇرۇتۇپ ، جىگدە ياغىچىنىڭ كۆمۈرى بىلەن قوشۇپ سوقۇپ تالقانلاپ ، يالپۇز شەربىتى بىلەن خېمىر قىلىپ ، بىر مىسقالنى ئالتە دانە كۇمىلاچ قىلىپ قۇرۇتۇپ ، چوڭلار كۈندە ئۈچ قېتىم ، ھەر قېتىمدا ئىككى دانىدىن ، كىچىك بالىلار ئەھۋالغا قاراپ يېرىمدىن بىر يېرىم دانىغىچە ئىچىشنى داۋام قىلسا ، ئىشتىھاسىزلىق ۋە قورساق ئېسىلىشنى ياخشىلاشتا ئۈنۈم بېرىدۇ .
