1. ئىككى تۇخۇمنى 50 گرام كۈنجۈت يېغىدا قورۇغاچ مۇۋاپىق مىقداردىكى ئاچچىقسۇ بىلەن ئارىلاشتۇرۇپ پىشۇرۇپ ، ئەتىگەن ۋە كەچتە مۇۋاپىق مىقداردا ئىستېمال قىلىپ بېرىشى كېرەك .
2. شەبنەم يېگەن مۇۋاپىق مىقداردىكى تۇرۇپنى توغراپ قاينىتىپ ، چاي ئورنىدا ئىچىپ بېرىش كېرەك .
3. بىر سىقىم كۈنجۈتنى 50 گرام خام زەنجىۋىل بىلەن ئارىلاشتۇرۇپ سوقۇپ ، قاينىتىپ ئىچىش كېرەك .
4. ئون چىش سامساقنى پوستىن ئايرىۋېتىپ 100 گرام قارا شېكەر بىلەن ئارىلاشتۇرۇپ سوقۇپ ، 200 گرام ئاچچىقسۇغا چىلاپ ، ئۈچ كۈندىن كېيىن ھەر قېتىمدا يېرىم قوشۇقتىن كۈنىگە ئۈچ قېتىم ئىستېمال قىلىپ بېرىش كېرەك .
5. بىر دانە ئامۇتنىڭ بۇرنى تەرىپىنى كېسىپ ئۇرۇقىنى ئېلىۋېتىپ ، ئامۇتنىڭ ئىچىگە ناۋاتنى سوقۇپ سېلىپ ، كەسكەن ئېغىزنى ئېتىۋەتكەندىن كېيىن ، ئامۇتنى قاسقاندا پىشۇرۇپ ھەر كۈنى ئاخشىمى بىر ۋاخ يەپ بېرىش كېرەك .
6. 2.5 كىلوگرام ئەتراپىدىكى تاۋۇزنىڭ ساپاق تەرىپى كېسىۋېتىلىپ ، ئېتى مۇۋاپىق ئويۇپ ئېلىۋېتىلگەن 10 دانە چىلان ، 250 گرام خام زەنجىۋىل ، 200 گرام ھەسەل ، 200 گرام كەندىر يېغى ، ئېزىپ خالتىغا سېلىنغان 30 گرام ئاق قىچا ، 50 گرام ئاق مۇچ قاچىلىنىدۇ . تاۋۇزنىڭ دەسلەپتە كېسىلگەن قىسمى ئەسلىدىكى ئورنىغا يېپىلىپ ھىملىنىدۇ ، تاۋۇز قاسقاندا 90 مىنۇت دۈملەنگەندىن كېيىن كېسەل كىشى تاۋۇزنىڭ ئىچىدىكى دورا سۇيۇقلۇقىنى بىرلا قېتىمدا ئىچىۋېتىپ ھەمدە پىشقان زەنجىۋىلدىن بىر قانچىنى يەپ بولۇپ تەرلىشى كېرەك . بۇ دورا تومۇزنىڭ باش ، ئوتتۇرا ۋە ئاخىرىدا بىر قېتىمدىن تەييارلاپ ئىچىلىدۇ .
