كۆڭلى ئېلىشىش بىر خىل دائىم كۆرۈلىدىغان كېسەللىك ئالامىتى بولۇپ، ئادەتتە ئاشقازان بىئارام بولۇش، قۇسقۇسى كېلىش قاتارلىق ئالامەتلەر كۆرۈلىدۇ.
غەرب تېبابىتى نۇقتىسىدىن قارىغاندا، كۆڭلى ئېلىشىشنىڭ سەۋەبى كۆپ خىل بولۇشى مۇمكىن، ئۇ تۆۋەندىكىلەرنى ئۆز ئىچىگە ئالىدۇ:
1. ھەزىم قىلىش سىستېمىسى مەسىلىسى:مەسىلەن، ئاشقازان ياللۇغى، ئاشقازان يارىسى، ئۆت خالتىسى ياللۇغى قاتارلىق كېسەللىكلەرنىڭ ھەممىسى كۆڭلى ئېلىشىشنى كەلتۈرۈپ چىقىرىشى مۇمكىن.
2. مەركىزىي نېرۋا سىستېمىسى مەسىلىسى:مەسىلەن، مېڭە سىلكىنىش، سەكتە، تۇتقاقلىق قاتارلىق كېسەللىكلەرنىڭ ھەممىسى كۆڭۈل ئېلىشىشنى كەلتۈرۈپ چىقىرىشى مۇمكىن.
3. دورىنىڭ ئەكس تەسىرى:نۇرغۇن دورىلار كۆڭۈل ئېلىشىشنى كەلتۈرۈپ چىقىرىدۇ، مەسىلەن، خىمىيەلىك داۋالاش دورىسى، ئانتىبىئوتىك، تىنچلاندۇرۇش دورىسى قاتارلىقلار.
4. ھامىلدارلىق ئىنكاسى:ھامىلدار ئاياللاردا ھامىلدارلىقنىڭ دەسلەپكى مەزگىلىدە دائىم كۆڭلى ئېلىشىش ئالامەتلىرى كۆرۈلىدۇ.
5. كەيپىيات ئامىلى:تەشۋىشلىنىش، جىددىيلىشىش، قورقۇش قاتارلىق كەيپىياتلارمۇ كۆڭلى ئېلىشىشنى كەلتۈرۈپ چىقىرىشى مۇمكىن.
تەكشۈرۈش ۋە دىئاگنوز قويۇش ئۇسۇلى تۆۋەندىكىلەرنى ئۆز ئىچىگە ئالىدۇ:
1. بەدەن تەكشۈرۈش:دوختۇر بىمارنىڭ قورساق قىسمى، ئېغىز بوشلۇقى، گال قاتارلىق قىسىملىرىنى تەكشۈرۈپ، بىنورمال ئەھۋالنىڭ بار – يوقلۇقىنى بېكىتىدۇ.
2. تەجرىبىخانىدا تەكشۈرۈش:مەسىلەن، قان، سۈيدۈك قاتارلىقلارنى تەكشۈرۈش دوختۇرنىڭ بىماردا يۇقۇملىنىش ياكى باشقا كېسەللىكلەرنىڭ بار – يوقلۇقىنى بېكىتىشىگە ياردەم بېرىدۇ.
3. سۆرەتلەش ئىلمى بويىچە تەكشۈرۈش:مەسىلەن:X نۇرى، CT نۇرى، MRI نۇرى قاتارلىق تەكشۈرۈشلەر دوختۇرلارنىڭ بىماردا ئەزالاردا زەخىملىنىش ياكى باشقا بىنورمال ئەھۋاللارنىڭ بار – يوقلۇقىنى ئېنىقلىشىغا ياردەم بېرىدۇ.
داۋالاش ئۇسۇلى كۆڭۈل ئېلىشىشنىڭ سەۋەبىگە باغلىق. ئەگەر ھەزىم قىلىش سىستېمىسى مەسىلىسى كەلتۈرۈپ چىقارغان بولسا، يېمەك – ئىچمەك ئادىتىنى ئۆزگەرتىش، كىسلاتاغا قارشى دورىلارنى ئىستېمال قىلىش قاتارلىق ئۇسۇللار ئارقىلىق داۋالاشقا بولىدۇ؛ ئەگەر دورىنىڭ ئەكس تەسىرى كەلتۈرۈپ چىقارغان بولسا، دورا ئالماشتۇرۇش ياكى مىقدارىنى ئازايتىشنى ئويلىشىشقا بولىدۇ؛ ئەگەر كەيپىيات ئامىلى كەلتۈرۈپ چىقارغان بولسا پىسخىكىلىق داۋالاش قاتارلىق ئۇسۇللار ئارقىلىق داۋالاشقا بولىدۇ. قىسقىسى، ئوخشاش بولمىغان كېسەللىك سەۋەبىگە قارىتا مۇناسىپ داۋالاش ئۇسۇلىنى قوللىنىش مۇھىم ھالقا.
