تىببىي ماتىرىياللاردا كۆرسىتىلىشىچە، %70تىن يوقىرى ئوتتۇرا ياش، ياشانغان كىشىلەردە شامالدارىپ قېلىش كېسەللىكى كۈز پەسلىدە كۆپرەك كۆرۈلىدىكەن شامالدارىپ قېلىش گەرچە تېز يۈز بېرىدىغان كېسەللىك بولسىمۇ، بىراق كېسەللىك قوزغۇلۇشتىن بۇرۇن يەنىلا دەسلەپكى ئال
شامال دارىپ قېلىش|中风|مېڭىگە قان چۈشۈش|سەكتە
بۇ كېسەللىككە گىرىپتار بولغانلارنىڭ %70تىدە دەسلەپتە باش ئاغرىش، باش قېيىش، كۆزى قاراڭغۇلىشىش، تىلى كالۋالىشىش، پۇت- قولى ئۇيۇشۇش، ماغدۇرسىزلىنىش، كەيپىياتى تۇراقسىزلىشىش، كۆڭلى ئېلىشىش، ئەقلىي- ئىقتىدارى چېكىنىش قاتارلىق ئالامەتلەر كۆرۈلىدۇ. بۇ خىل ئالامەتلەر كۆرۈلگەن ھامان دوختۇرغا كۆرۈنۈپ ۋاقتىدا داۋالىنىش كېرەك.ئۇنداقتا قانداق قىلغاندا، كۈز پەسلىدە شامالدارىپ قېلىشنىڭ ئالدىنى ئالغىلى بولىدۇ؟
بۇنىڭ ئۈچۈن، بىرىنچىدىن، كېسەللىكنىڭ قوزغىلىشىغا سەۋەپچى بولغان ئامىللارنىڭ ئالدىنى ئېلىشقا ئەھمىيەت بېرىش كېرەك. مەسىلەن، يوقىرى قان بېسىم، قاندا ماي مىقدارى ئېشىپ كېتىش، دىئابىت كېسىلى، تاجىسىمان يۈرەك كېسىلى قاتارلىقلار شامالدارىپ قېلىشنى كەلتۈرۈپ چىقىرىشتىكى ئاساسلىق مەنبە. ئائىلە نەسەپنامىسىدە يوقىرقى كېسەللىك تارىخى بولغۇچىلار چوقۇم ئالاھېدە دىققەت قىلىشى كېرەك.
ئىككىنچىدىن، يوقىرى قان بېسىمىنىڭ ئالدىنى ئېلىشقا ئەھمىيەت بېرىش كېرەك. بۇنداق قىلغاندا شامالدارىپ قېلىشنىڭ ئالدىنى ئېلىشتا ياخشى ئۈنۈمگە ئېرىشكىلى بولىدۇ. ئۇنىڭدىن باشقا، قان بېسىم، قاندىكى قەنت، ماي تەركىبىنى تۆۋەنلىتىدىغان دورىلارنى ئىلمىي ئۇسۇلدا ئىستىمال قىلىش بىلەن بىرگە، تۇرمۇشنىڭ تەرتىپلىك بولۇشىغا ئەھمىيەت بېرىش، قېنىپ ئۇخلاش، ھېرىپ- چارچاشتىن ساقلىنىش، ئېغىر ھەركەت قىلماسلىق كېرەك.
ئۈچىنچىدىن ئوزۇقلىنىشقا ئالاھىدە دىققەت قىلىش، مايسىز تائام، كۆكتات، مېۋە- چىۋىنى كۆپ ئىستېمال قىلىش، ھاراق- تاماكىدىن پەرھىز تۇتۇش كېرەك.
