1.ئەقىل بىلەن چېنىقىڭ :
ھەممە ئادەمنىڭ توغرا بولغان چېنىقىش ئۇسۇلى ئۇسۇلىنى بىلىشى ناتايىن . مۇتلەق كۆپ ساندىكى كىشىنىڭ چېنىقىشتىكى مۇددىئاسى پەقەتلا ئۆزىنى ھېرىپ _چارچاشتىن قۇتقۇزۇش ، بۇ خىل ئۇسۇلدا چېنىققاندا ئۆزىنى ناھايىتى ئاسانلا زەخىملەندۈرۈۋالىدۇ . ئۇنىڭ ئۈستىگە ئۈنۈمىمۇ ئانچە ياخشى بولمايدۇ . ئەڭ ياخشىسى ئۆزىڭىزنىڭ چېنىقىش ئۇسۇلىڭىزغا قارىتا بىر قېتىم توغرا باھالاش ئېلىپ بېرىڭ .
2.ۋېلىسىپىتنى كۆپ مىنىڭ :
نورمال سۈرئەتتە ۋېلىسىپىت مىنىپ بەرگەننىڭ يۈرەك ۋە ئۆپكىنىڭ ئىقتىدارىنى ياخشىلاشقا ناھايىتى پايدىسى بار، ئورۇقلاشقىمۇ پايدىلىق .
3.يېرىم سائەت سەيلە قىلىڭ :
ھەر ھەپتىدە تۆت ،بەش قېتىم ، ھەر قېتىمدا يېرىم سائەت ئەتراپىدا سەيلە قىلىپ ئايلىنىشنىڭ بەدەنگە ناھايىتى زور پايدىسى بولىدىكەن .
4.پەلەمپەيدىن كۆپرەك مېڭىڭ :
ئەڭ ياخشىسى لىفىتقا چىقماي ، كۆپرەك پەلەمپەيدىن مېڭىش كېرەك ، بۇ بىر خىل ياخشى چېنىقىش شەكلى بولۇپ ، يۈرەك قان تومۇرلىرى ئۈچۈن پايدىلىق ، يەنە تېخى پۇت مۇسكۇللىرىڭىزنى ياخشىلىيالايسىز . ئۇنىڭدىن باشقا ، قورساق مۇسكۇللىرىنىمۇ ياخشى چېنىقتۇرالايمىز .
5.توغرا بولغان قىياپەتنى ساقلاڭ :
توغرا بولغان مېڭىش ۋە ئولتۇرۇش قىياپىتىنى ساقلاش سالامەتلىك ئۈچۈن ئىنتايىن مۇھىم .ماڭغاندا ئىككى مۈرىنى بوش قويۇۋېتىش ، بويۇن قىسمىنى تۈز تۇتۇش ، داس سۆڭىكى مۇسكۇللىرىنى چىڭ تارتىپ ، كۆكرەكنى كېرىپ قورساقنى تارتىش كېرەك ،مۇشۇنداق ماڭغاندا تېخىمۇ قاۋۇل كۆرۈنىسىز ، ئۆزىڭىزنى تېخىمۇ ئەركىن ھېس قىلىسىز .
6.دائىم بوينىڭىزنى سوزۇپ بېرىڭ :
ھەر كۈنى ۋاقىت چىقىرىپ ، بوينىڭىزنى ئاستا -ئاستا سوزۇپ بېرىڭ ، نۇرغۇنلىغان سوزۇلما خاراكتېرلىك باش ئاغرىقىنى بويۇن سۆڭەكلىرىنىڭ تۇتىشىش ئورنى ۋە نېرۋىنىڭ زەخىملىنىشى كەلتۈرۈپ چىقىرىدۇ . ئىمكانقەدەر ئېڭەكنى تۆۋەنگە بېسىپ ، كۆكرەكنى ئىچىگە تارتىپ تۇرغاندا ،باش ئاغرىقىنى يەڭگىللەتكىلى ۋە ئۇنىڭ ئالدىنى ئالغىلى بولىدۇ .
