چوڭ تەرەتنىڭ قارىداپ كېتىشىنى ھەزىم قىلىش يولى قاناشتىن كېلىپ چىققان بولۇشى مۇمكىن، قان ئاشقازان ئۈچەي يولىدا ھەزىم قىلىنغاندىن كېيىن قارا رەڭگە ئۆزگىرىدۇ.
تۆۋەندىكىسى بىر قىسىم دائىم كۆرۈلىدىغان سەۋەبلەر:
1. ئاشقازان يارىسى ياكى ئون ئىككى بارماق ئۈچەي يارىسى:بۇ يارىلار ئاشقازان ياكى ئون ئىككى بارماق ئۈچەي قاناشنى كەلتۈرۈپ چىقىرىشى، بۇنىڭ بىلەن چوڭ تەرەتنىڭ قارىداشنى كەلتۈرۈپ چىقىرىشى مۇمكىن.
2. قىزىلئۆڭگەچ ۋېناسى ئەگرى – بۈگرى كېڭىيىش يېرىلىپ كېتىش:بۇ بىر خىل ئېغىر كېسەللىك بولۇپ، قىزىلئۆڭگەچ ئىچىدىكى قان تومۇرلارنىڭ كېڭىيىشى ھەم يېرىلىشىنى كەلتۈرۈپ چىقىرىدۇ، بۇنىڭ بىلەن كۆپ مىقداردا قان چىقىپ، چوڭ تەرەتنى قارىدىتىۋېتىدۇ.
3. ئۈچەي يولى يۇقۇملىنىش:بەزى باكتېرىيە، ۋىرۇس ياكى پارازىت قۇرتتىن يۇقۇملىنىش ئۈچەي يولى قاناشنى كەلتۈرۈپ چىقىرىپ، چوڭ تەرەتنى قارىدىتىۋېتىشى مۇمكىن.
4. دورىنىڭ ئەكس تەسىرى:بەزى دورىلار، مەسىلەن، تۆمۈر، ئاسپىرىن قاتارلىقلار چوڭ تەرەتنى قارىدىتىۋېتىشى مۇمكىن.
ئەگەر چوڭ تەرەتنىڭ قارىداپ كەتكەنلىكى بايقالسا، ۋاقتىدا دوختۇرغا كۆرۈنۈپ تەكشۈرۈش ۋە دىئاگنوز قويۇش كېرەك. دوختۇر تۆۋەندىكى تەكشۈرۈش ۋە دىئاگنوز قويۇش ئۇسۇللىرىنى ئېلىپ بېرىشى مۇمكىن:
1. بەدەن تەكشۈرۈش:دوختۇر بىمارنىڭ قورساق قىسمىنى سىلاپ مونەك ياكى باشقا نورمالسىزلىق بار – يوقلۇقىنى بېكىتىدۇ.
2. قان سىنىقى:دوختۇر بىماردىن قان سىنىقى ئېلىپ بېرىپ، قان ئازلىق قاتارلىق مەسىلىلەرنىڭ بار-يوقلۇقىنى تەكشۈرۈشنى تەلەپ قىلىشى مۇمكىن.
3. تەسۋىر ئىلمى بويىچە تەكشۈرۈش:مەسىلەن:X نۇرى ،ئۇلترا ئاۋاز دولقۇنى ياكى Uڭق1دا تەسۋىر چۈشۈرۈش قاتارلىق تەسۋىر ئىلمى بويىچە تەكشۈرۈش ئارقىلىق ئەزالاردا زەخىملىنىش ياكى باشقا نورمالسىزلىق بار – يوقلۇقى ئېنىقلىنىدۇ.
4. ئېندوسكوپتا تەكشۈرۈش:ئەگەر بىماردا ئاشقازان – ئۈچەي يولى مەسىلىسى بار دەپ گۇمان قىلىنسا، دوختۇر بىماردىن ئېندوسكوپتا تەكشۈرۈش ئارقىلىق ھەزىم قىلىش يولىنىڭ ئىچكى ئەھۋالىنى كۆزىتىشنى تەلەپ قىلىشى مۇمكىن.
داۋالاش ئۇسۇلى كونكرېت كېسەللىك سەۋەبىگە باغلىق. دائىم كۆرۈلىدىغان بەزى داۋالاش ئۇسۇللىرى تۆۋەندىكىلەرنى ئۆز ئىچىگە ئالىدۇ:
1. دورا بىلەن داۋالاش:كېسەللىك سەۋەبىنىڭ ئوخشىماسلىقىغا ئاساسەن، دوختۇر ئانتىبىئوتىك، ياللۇغقا قارشى دورىلار، قان توختىتىش دورىلىرى ياكى باشقا دورىلارنى يېزىپ بېرىش ئارقىلىق كېسەللىك ئالامىتىنى پەسەيتىشى ۋە كېسەلنى داۋالىشى مۇمكىن.
2. يېمەك – ئىچمەكنى تەڭشەش:بەزى كېسەللىكلەرگە، مەسىلەن، ھەزىم قىلىش ياخشى بولماسلىق ياكى ئۈچەي ئاسان غىدىقلىنىش يىغىندى كېسەللىكىگە نىسبەتەن، يېمەك – ئىچمەك ئادىتىنى ئۆزگەرتىش ئارقىلىق كېسەللىك ئالامىتىنى پەسەيتىشكە توغرا كېلىشى مۇمكىن.
3. باشقا داۋالاش ئۇسۇللىرى:باشقا تۈردىكى كېسەللىكلەرگە قارىتا، مەسىلەن:قىزىلۆڭگەچ ۋېناسى ئەگرى – بۈگرى كېڭىيىپ يېرىلسا ياكى ئۈچەي يولى يۇقۇملانسا، باشقا داۋالاش ئۇسۇللىرىنى قوللىنىشقا توغرا كېلىشى مۇمكىن، مەسىلەن:ئوپېراتسىيە ياكى ئانتىبىيوتىك دورىلار بىلەن داۋالاش قاتارلىقلار.
