ھامىلدارلىق مەزگىلىدە بەدەن قىچىشىشقا سەل قارىماڭ

ھامىلدارلىقنىڭ ئوتتۇرا مەزگىلىدىن كېيىن ئاياللاردا ئۆت سۇيۇقلۇقى يىغىلىش سەۋەپلىك بەدەن قىچىشىش ئالامىتى كۆرۈلىدۇ , بۇ خىل بەدەن قىچىشىش ھامىلدار ئاياللارنىڭ كۈندىلىك تۇرمۇشىغا ئېغىر دەرىجىدە تەسىر كۆرسىتدۇ . بۇ مېدىتسىنا ئىلىمىدە ھامىلىدارلىقتا ئۆت سۇيۇقلۇقى يىغىلىش كېسىلى (ICP, intrahepatic cholestasis of pregnancy) دەپ ئاتىلدۇ.

يېقىنقى يىللاردىن بويان بۇ خىل بەدەن قىچىشىش تېببىي مۇتەخخەسىسلارنىڭ يۈكسەك دېققەت ئىتىبارىنى قوزغىغان . بۇنىڭ سەۋەبى ، ھامىلدارلىقتىكى يەل دېگەن كۆزقاراشقا بولغان ئىزدىنىشلار ھازىرغا قەدەر قايىل جاۋابنى روياپقا چىقىرىلمىغان ئىدى .لېكىن كۆپلىگەن كۆزقاراشلارئانىلىق ھورموننىڭ زىيادە يۇقۇرلىقى سەۋەپتىن، ئۆت سۇيۇقلۇقلىرىنىڭ يىغىلىپ قېلىشىغا سەۋەپچى بولۇشى مۇمكىنلىكى، ۋە بۇ سەۋەپلىك بەدەندە قىچىشىش پەيدا بولىدىغانلىقى ئىلگىرى سۈرۈلمەكتە.

بۇخىل كېسەللىكلەرنىڭ ھامىلدار ئايال ۋە ھامىلىگە قانداق تەسىرى بار؟

1.ھامىلدار ئايالنىڭ پۇت ،قول،يوتا،قورساق قىسىمىنىڭ تېرىسى قىچىشىش تاتلاش سەۋەبى بىلەن يارلىنىپ يۇقۇملىنىدۇ.شۇنىڭ بىلەن ئۇيقۇ ھەم دەم ئېلىشقا ئېغىر دەرىجىدە تەسىر يېتىدۇ.

2.ھامىلىنىڭ بالىياتقۇ ئىچىدىكى تەرەققىياتى ئاستا بولىدۇ.ھامىلىنىڭ يىتىلىشى بىلەن ھامىلدارلىق ئاي سانى ماس كەلمەيدۇ.

3.ھامىلدارلىقتىكى يۇقىرى قان بېسىم پەيدا بولىدۇ.

4.ھامىلدار ئايالنىڭ مىكرو قان ئايلىنشى ياخشى بولمايدۇ.كىچىك ئارتېرىيە سىپازمىلىنىش تەسىرىدە بالا ھەمراھى بىلەن ھامىلە ئوتتۇرسىدىكى قان ئايلىنىش تەسىرگەئۇچىرايدۇ(نورمال ئەھۋالدا ھامىلىگەھەر مىنۇتتا 600ml–350mlقان يېتىپ بارىدۇ) بۇنىڭ بىلەن ھامىلە بالياتقۇ ئىچىدە تۇنجۇقۇپ قالىدۇ. تۇغۇت دەۋرىدە بالا بالىياتقۇنىڭ ئىچىدە كۈچلۈكبېسىمغا بەرداشلىق بېرەلمەي،تۇنجۇقۇپ، تۇغۇلغاندىن كېيىن جىددى قۇتقۇزۇش زۆرۈريىتى تۇغۇلىدۇ.قان تومۇرلىرى چۈرۈكلىشىدۇ؛زەخمىلەنگەن جاي ئاسان قانايدۇ.بالىياتقۇنىڭ قىسقىرىشى ياخشى بولمايدۇ ؛چوڭ قاناش يۈز بېرىدۇ.

بۇ خېل كېسەللىكدىن قانداق ساقلىنىش كېرەك؟

ئەڭ ئالدى بىلەن بۇ خىل كېسەللىكنىڭ ئانا بىلەن ھامىلىگە بولغان زىيانلىق تەرىپىنى چۈشۈنۈپ يېتىش، بۇكېسەلگە قارىتاتوغرا تونۇشنى يېتىلدۈرۈش لازىم. ھامىلدار ئايالنى لابوراتورىيىلىك تەكشۈرۈپ،ئۆت كېسلاتاسىنىڭ نورمال ياكى نورمالسىزلىقىنى ئېنىقلاپ، ئۆت سۇيۇقلۇقىنىڭ جىگەردە يىغىلىش ئەھۋالىنىڭ بار -يوقلۇقىغا دىققەت قىلىش، بالدۇر بايقاش، بالدۇر داۋالاش پىرىنسىپىنى قوللۇنۇش، ھەمدە35ھەپتىدىن كېيىن شارائىتى بار چوڭ دوختۇرخانىلاردا ھامىلدارلىقنى ئاخىرلاشتۇرۇش لازىم. ھامىلىدار ئايالمۇ ھامىلدارلىق مەزگىلىدە چوقۇم قەرەللىك تەكشۈرتۈشنىڭ مۇھىم ئەھمىيىتىنى تولۇق چۈشۈنىشى ئىقتىسات يار بېرىدىغانلار بولسا تەكشۈرتۈش قېتىم سانىنى مۇۋاپىق كۆپەيتسىمۇ بولىدۇ.