بەيدۇ تورى خەۋىرى، نۇر تورى تەرجىمىسى:
«غول ھۈجەيرە دىيابېت كېسىلىنى%100 داۋالايدۇ» دېگەن بۇ بىر جۈملە سۆز تېببىي ئىلىم ساھەسى ۋە ئامما ئارىسىدا غايەت زور دولقۇن پەيدا قىلدى. بۇ سۆزنىڭ ئىلمىي ئاساسى بارمۇ؟
نۆۋەتتە ھېچقانداق بىر خىل داۋالاش ئۇسۇلى ئىلىم-پەن ساھەسىدە ئومۇميۈزلۈك ھالدا «%100 دىيابېت كېسىلىنى ساقايتقىلى بولىدۇ» دەپ ئېتىراپ قىلىنمىدى. لېكىن نېمە ئۈچۈن شۇنچە كۆپ ۋاسىتە ۋە ماقالىلەر غول ھۈجەيرىنى داۋالاش ئۇسۇلىنىڭ «ئاجايىپ ئۈنۈمى»نى كۈچەپ تەشۋىق قىلىدۇ؟
غول ھۈجەيرە ئۆزىنى يېڭىلاش ۋە پارچىلاش ئىقتىدارىغا ئىگە بىر خىل ھۈجەيرە. ئاددىي قىلىپ ئېيتقاندا، ئۇ بىر ئۇنىۋېرسال دېتال βغا ئوخشاش، بەدەندىكى ھەرقانداق بىر ھۈجەيرىگە، جۈملىدىن دىئابىت بىمارلىرىدا ئەڭ كەمچىل بولغان ئاشقازان ئاستى بېزى ئارالچىسى ھۈجەيرىسىگە ئايلىنالايدۇ. نەزەرىيە جەھەتتە، غول ھۈجەيرە ئارقىلىق بۇ ئاشقازان ئاستى بېزى ئارالچە ھۈجەيرىسىنى قايتا «ياساپ» چىقساقلا، بەدىنىمىزنى «ئىنسۇلىن ياساش» زاۋۇتىغا قايتۇرغانلىق بىلەن باراۋە. بۇ ھەقتە ئىلگىرىمۇ بىر قاتار تەتقىقاتلار بارلىققا كەلگەن.
سىتانفورد داشۆسى تېببىي شۆيۈەنىمۇ 2022-يىلى تۇغۇندى ئاشقازان ئاستى بېزى ئارالچىسى غول ھۈجەيرىسىدىن پايدىلىنىپ، دىيابېت كېسىلى چاشقىنىنىڭ تېنىگە كۆچۈرگەندىن كېيىن، ئۇنىڭ قان شېكىرىنى كونترول قىلىشنى كۆرۈنەرلىك ياخشىلىغىلى بولىدىغانلىقىنى ئىسپاتلىغان.
لېكىن شۇنىڭغا دىققەت قىلىش كېرەككى، يۇقارقىدەك تەجرىبىلەرنىڭ ھەممىسى يەنىلا ھايۋانات مودېلى ياكى كىچىك كۆلەملىك كىلىنىكىلىق تەجرىبە باسقۇچىدا تۇرماقتا. يەنى كەڭ كۆلەمدە قوللىنىش ھەقىقىي تەستىقلىنىشتىن خېلى ئۇزاق يولنى بېسىشقا توغرا كېلىدۇ.
نېمە ئۈچۈن دىيابېت كېسىلىنى «يىلتىزىدىن ساقايتىش» شۇنچە تەس؟
دىيابېت كېسىلى پەقەت قان شېكىرىنىڭلا ئىشى ئەمەس، ئۇ مېتابولىزم، ئىممۇنىتېت، ياللۇغلىنىش رېئاكسىيەسىگە چېتىلىدىغان چوڭ سىستېمىلىق كېسەللىك. بىر خىل داۋالاش ئۇسۇلىغا تايىنىپ مەسىلىنى بىر قېتىمدىلا ھەل قىلىش ئېھتىماللىقى ئىنتايىن تۆۋەن.
غول ھۈجەيرە ئارقىلىق داۋالاشنىڭ زادى كەلگۈسى بارمۇ-يوق؟
ئەلۋەتتە بار. بولمىسا ئۇنچىۋالا كۆپ تەتقىقات ئاپپاراتلىرى بۇ تۈرگە مەبلەغ سالمىغان بولاتتى. لېكىن بىز رېئاللىقنى ئېنىق كۆرۈشىمىز كېرەك، ئۇ نۆۋەتتە يەنىلا ئالدىنقى قاتاردىكى ئىزدىنىش باسقۇچىدا بولۇپ، «ئۆلچەملىك داۋالاش يولى»غا ئۆزگىرىشتىن باشقا يەنە نۇرغۇن تېخنىكا توسالغۇلىرىدىن ھالقىشقا توغرا كېلىدۇ.
سىز توغرا دەپ قارىغان، ئەمەلىيەتتە خاتا بولغان «دىيابېت كېسىلى ساۋاتلىرى»
1-خاتا قاراش: شېكەرنى كۆپ يېگەندە ئاندىن دىيابېت كېسىلىگە گىرىپتار بولىدۇ. دىيابېت كېسىلىنىڭ پەيدا بولۇش سەۋەبى ئىنتايىن مۇرەككەپ، قەنت يېيىش پەقەت سەۋەبلەرنىڭ بىرى، ئىرسىيەت، سېمىزلىك، تۇرمۇش ئادىتى تېخىمۇ مۇھىم.
2-خاتا قاراش: ئىنسۇلىن ئىشلىتىلسە، كېسەلنىڭ ئاخىرقى باسقۇچقا بېرىپ قالغانلىقىنى چۈشەندۈرىدۇ. خاتا! ئىنسۇلىن ئاشقازان ئاستى بېزى ئارالچىلىرىنىڭ ئىقتىدارىنى قوغداشتىكى مۇھىم ۋاستە، ئاخىرقى ھەل قىلىش چارىسى ئەمەس.
3-خاتا قاراش: قان شېكىرى نورمال بولسا ھېچ ئىش بولمايدۇ. ئەمەلىيەتتە بەزى كىشىلەرنىڭ قان شېكىرى گەرچە نورمال بولسىمۇ، لېكىن قاندىكى ماي، قان بېسىمى، بەدەن ئېغىرلىقى كونتروللىقىنى يوقىتىپ، ئوخشاشلا مەسىلە كۆرۈلىدۇ.
غول ھۈجەيرە ئارقىلىق داۋالاش ئۇسۇلى كەلگۈسىدە بۇلارنىڭ ھەممىسىنى ئۆزگەرتىشى مۇمكىن، لېكىن بۈگۈنكى كۈندە سىزنىڭ ئۆزگەرتىشكە تېخىمۇ ئېھتىياجلىق بولغىنىڭىز، دىيابېت كېسىلىگە بولغان تونۇش ۋە تاقابىل تۇرۇش ئۇسۇلى.
مەنبە:
https://m.nur.cn/news/2025/05/27947416.shtml
