كۆمۈر ۋە تەركىبىدە كاربون بولغان بارلىق يېقىلغۇلار كۆيگەندە تۇراقلىق بولمىغان بىر خىل ئارىلاشما گاز ھاسىل بولىدۇ ، ئۇنىڭ تەركىبىدە كاربون چالا ئوكسىدىنىڭ مىقدارى بىر قەدەر يۇقىرى بولىدۇ
ئادەتتە بۇ خىل گازدىن زەھەرلىنىش كۆمۈر گازدىن زەھەرلىنىش دەپ ئاتىلىدۇ . كۆمۈر گازىدىن زەھەرلەنگەندە بىماردا ئالدى بىلەن باش قېيىش ، كۆز تورلىشىش ، پۇت – قول ماغدۇرسىزلىنىش ، كۆڭلى ئېلىشىش ، قۇسۇش ئالامەتلىرى كۆرۈلىدۇ . گەرچە ئىشىك – دېرىزىلەرنى ئېچىشقا ھەرىكەت قىلسىمۇ ، لېكىن ئۆزىنى كونترول قىلالماي ھۇشسىزلىنىدۇ ، تومۇرنىڭ سوقۇشى ئاجىزلاپ ، نەپەس تېز تەرتىپسىز بولىدۇ .
كۆز قارچۇقى تارىيىپ پەيدىنپەي نۇرنى سەزمەيدۇ ، چوڭ – كىچىك تەرەتنىمۇ تۇتالمايدۇ . ئەڭ ئاخرىدا ئوكسىگېن ئېغىر ھالدا يېتىشمەسلىكتىن نەپەس ۋە قان ئايلىنش زەئىپلىشىپ ، قان بېسىمى جىددىي تۆۋەنلەيدۇ ، ئېغىر بولغاندا نەپەس توختاپ قالىدۇ .
ئائىلىدە قۇتقۇزۇش ئۇسۇلى :
1. كۆمۇز گازى بىلەن زەھەرلەنگەنلىكى بايقالغان ھامان ، زەھەرلەنگۈ چىنى تېزلىكتە زەھەرلەنگەن مۇھىتتىن ئېلىپ چىقىپ ، ھاۋا ئۆتۈ شىدىغان ئىللىق مۇھىتتا قويۇش كېرەك .
2. كۆمۈز گازىدىن ئېغىر ھالدا زەھەرلەنگەنلەرنى ساپ ھاۋا بىلەن نەپەس ئالدۇرغاندىن سىرت ، يەنە ئوكسىگېننىمۇ پۇرىتىش كېرەك .
3. ھۇشسىزلانغان بولسا بۇرۇن ئاستى پەللىسىنى بېسىش ، بۇرەك ۋە نەپەس رېتىمسىزلاشسا ياكى توختاپ قالسا ، دەرھال ئېغىزنى ئېغىزغا يېقىپ نەپەسلەندۈرۈش ۋە كۆكرەك سىرتىدىن يۈرەكنى بېسىش بىلەن بىرگە دوختۇرخانىغا ئېلىپ بېرىپ جىددىي قۇتقۇزۇش كېرەك .
كۆمۈر گازىدىن زەھەرلىنىشنىڭ ئالدىنى ئېلىش تەدبىرلىرى :
1. مەش ۋە كاڭ ئىسىنىڭ راۋان ماڭدۇرۇلۇشىغا كاپالەتلىك قىلىش كېرەك .
2. ئۇخلاشتىن بۇرۇن گاز تۇڭلىرى ۋە تۇرۇبا يوللىرىنڭ ئېغىزلىرىنى ھىم ياخشى ئېتىش كېرەك .
3. ئۆينىڭ ھاۋاسىنى ئالماشتۇرۇپ تۇرۇش كېرەك .
