كورونا ۋىرۇسى ئومىكرون ۋارىيانتى
Corona virus omicron variant
ئومىكرون ۋىرۇسى، باشقا تىپلىرىگە ئوخشاش، ۋىرۇسنىڭ تاشقى يۈزىدە تىكەنسىمان شەكىلدە ئاقسىل تۈزۈلۈشلىرى بولىدۇ. بۇ تىكەن شەكىلدىكى ئاقسىل تۈزۈلۈشلىرى ئادەم بەدىنى ھۈجەيرىلىرىنىڭ ئىچىگە كىرىشكە ياردەم قىلىدۇ. ئومىكرون تىپ ۋىرۇسنىڭ يۈزىدىكى تىكەنسىمان ئاقسىلدا ئەڭ دەسلەپكى كورونا ۋىرۇسى يۈزىدىكى تىكەنسىمان ئاقسىلغا سېلىشتۇرغاندا 32 ئۆزگىرىش بايقالغان. بۇ ئۆزگىرىشنى باشقا تىللاردا mutation, 变异, mutasyon دەپمۇ ئاتايدۇ. بۇنىڭدىن سىرت ۋىرۇس يۈزىدىكى قوبۇل قىلغۇچى تەنچىدە بولسا 10 قىتىم ئۆزگىرىش بايقالغان.
بۇ يېڭى تىپ يەنى يېڭى ۋاريانت ئومىكرون كورونا ۋىرۇسى مۇشۇ ئۆزگىرىشلەر ئارقىلىق، دورا ۋاكسىنىلارغا ۋە باشقا تاشقى مۇھىتلارغا بەرداشلىق بېرىپ ئامان قېلىپ، كەڭ كۆلەمدە تارقىلىشقا باشلىغان.
ئالدىدا تىلغا ئېلىپ ئۆتكەن باشقا تىپلىرىمۇ مۇشۇ ئومىكرونغا ئوخشاش، تاشقى دۇنياغا ماسلىشىش، دورا ۋاكسىنىلاردىن ئۆزىنى قاچۇرۇش ئۈچۈن ۋىرۇس تاشقى يۈزىدىكى تىكەنسىمان شەكىلدىكى ئاقسىللارنىڭ ئۆزگىرىشى ۋە ۋەيا قوبۇل قىلغۇچى تەنچىدىكى ئۆزگىرىشلەر ئارقىلىق شەكىللەنگەن دەپ چۈشەنسىڭىز بولىدۇ