توۋتياۋ تورى خەۋىرى، نۇر تورى تەرجىمىسى:
مېڭە ھۈجەيرىلىرىنىڭ ئۆلۈشىنى كەلتۈرۈپ چىقىرىدىغان ساغلام بولمىغان قىلمىشلار تۆۋەندىكىدەك:
1. دائىم تاماكا چېكىش
تاماكا ئىسى تەركىبىدە كاربون چالا ئوكسىد بار بولۇپ، ئۇ بىر خىل يوشۇرۇن ئەجەللىك گاز ھېسابلىنىدۇ. ئۇ ئوكسىگېننىڭ باشقا ئەزالارغا، جۈملىدىن چوڭ مېڭىگە ئېلىپ بېرىلىشىغا توسالغۇ بولۇپ، چوڭ مېڭىگە ئوكسىگېن يېتىشمەسلىكتىن ھۈجەيرىنىڭ ئۆلۈشىنى كەلتۈرۈپ چىقىرىدۇ.
2. ئىسپىرتنى زىيادە كۆپ ئىستېمال قىلىش
دائىم ھەپتە ئاخىرىدا ھاراق ئىچىش چوڭ مېڭە قۇرۇلمىسىنىڭ مۇكەممەللىكىگە زىيان يەتكۈزۈپ، ھەمدە مېڭە ھۈجەيرىسىنىڭ ھاسىل بولۇشىنى %40 تۆۋەنلىتىدۇ، بۇ چوڭ مېڭىنىڭ ساغلاملىقىغا ئىنتايىن پايدىسىز.
3. ھاشارات يوقىتىش دورىلىرى بىلەن دائىم ئۇچرىشىش
بىز دائىم سېتىۋېلىپ ئىستېمال قىلىدىغان كۆكتات ۋە مېۋىلەردە كۆپ مىقداردا ھاشارات يوقىتىش دورىسى ۋە دېھقانچىلىق دورىسى بار، بۇ دورىلار مېڭە ھۈجەيرىگە تەسىر كۆرسىتىپ، نېرۋىلارنىڭ ئۆلۈشىنى كەلتۈرۈپ چىقىرىدۇ.
4. ھاۋا بۇلغىنىش
ئۆپكە مۇتەخەسسىسلىرىنىڭ بىلدۈرۈشىچە، ھاۋانىڭ بۇلغىنىشى نەپەس يولىنىڭ داۋاملىق ياللۇغلىنىشىنى كەلتۈرۈپ چىقىرىپ، ئوكسىگېننىڭ مېڭە ھۈجەيرىسىگە يېتىپ بارالماسلىقىدىن مېڭە ھۈجەيرىسىنىڭ ئۆلۈشىنى كەلتۈرۈپ چىقىرىدىكەن.
5. كېچىلىرى ئۇخلىماسلىق
ئۇزۇن مەزگىل كېچىلىرى ئۇخلىماسلىق ئەستە تۇتۇش ئىقتىدارى چېكىنىش، دىققىتىنى يىغالماسلىق، ئىنكاسى ئاستىلاش قاتارلىق مەسىلىلەرنى كەلتۈرۈپ چىقىرىدۇ، چۈنكى كېچىلىرى ئۇخلىماسلىق ئاسانلا چوڭ مېڭىنى ئوكسىگېن بىلەن تەمىنلەش يېتەرلىك بولماسلىقنى كەلتۈرۈپ چىقىرىدۇ، ئۇزۇن مەزگىل ئوكسىگېن بىلەن تەمىنلەش يېتەرلىك بولمىسا، ۋاقىت ئۇزارغانسېرى چوڭ مېڭە ۋە پۈتۈن بەدەندىكى ھۈجەيرىلەر ئۆلۈپ كېتىدۇ.
6. ئۇخلىغاندا نەپەس ۋاقىتلىق توختاش
ئوكسىگېن يېتىشمەسلىك سەۋەبىدىن، توسۇلۇش خاراكتېرلىك ئۇيقۇدىكى نەپەسنىڭ توختاپ قېلىشى ئوكسىگېننىڭ يېتىشمەسلىكىنى كەلتۈرۈپ چىقىرىپ، مېڭە ھۈجەيرىلىرىنى ئۆلتۈرىدۇ. نەپەس توسقۇنلۇققا ئۇچرىغاندا، چوڭ مېڭە ھۈجەيرىنىڭ ساغلام ياشىشى ئۈچۈن يېتەرلىك بولغان ئوكسىگېنغا ئېرىشەلمەيدۇ.
7. دورىغا ھەددىدىن زىيادە تايىنىۋېلىش
ئادەمنىڭ ئۆزىدە بىر يۈرۈش ئىممۇنىتېت سىستېمىسى بولىدۇ. ئەگەر بىئارامسىزلىق كۆرۈلسە، ئوخشاش بولمىغان ئادەم چوڭ مېڭىسىنىڭ ئىنكاسىنىڭ بەدەنگە بېرىدىغان ئىنكاسى ئوخشاش بولمايدۇ. بەزىلەر ئاز مىقداردىكى دورىنىڭ غىدىقلىشىغا تايىنىپ، ئىممۇنىتېت سىستېمىسىنىڭ تەڭپۇڭلۇقىنى تەڭشەش، ئىممۇنىتېت سىستېمىسىنىڭ تېخىمۇ ياخشى ئىنكاس قايتۇرۇشىنى ئىلگىرى سۈرىدۇ. ئەمما دورىغا ھەددىدىن زىيادە تايانغاندا ئۆزىدىكى ئىممۇنىتېت سىستېمىسىنىڭ تەبىئىي تەڭشىلىشى پۈتۈنلەي ئازىيىپ، بەدەن ۋە چوڭ مېڭىنىڭ ئىنكاسىنى بۇزۇۋېتىدۇ.
مەنبە:
https://m.nur.cn/news/2023/12/18042450.shtml
